1 Korente 14:2 - Mbeti ti Nzapa - Tënë so amu fini

² Zo so ayeke tene tënë na mbeni yanga nde, lo yeke tene ni na azo pepe, me na Nzapa. Zo oko ayeke ma ya ti tënë so lo yeke tene so pepe. Na lege ti Yingo-Vuru, lo yeke tene ambeni tënë so angba na hondengo ni.

1 Korente 14:2 ပူးပေါင်းရင်းမြစ်များ

Tongo nda ti aye 11:7

Tongaso e zu, e buba ya ti yanga ti kodro ti ala si mbeni zo akiri ama tënë so mba ti lo atene na lo pepe!”

Tongo nda ti aye 42:23

Ala baa ti ala atene Joseph ayeke ma tënë so ala yeke tene so pepe, ngbanga ti so mbeni zo laa ayeke kiri na peko ti atënë ti ala ni na Joseph na yanga ti kodro ti Ezipte.

2 Agbia 18:26

Tongaso Eliakim, molenge ti Hilkia, Shebna na Yoa atene na makonzi ti aturugu ti batango gbia, atene: “E gbu gere ti mo, mo tene tënë na e, azo ti gbe ti mo, na yanga ti arameen, ngbanga ti so e yeke ma ni. Me mo tene tënë ni na yanga ti hebro pepe, ngbanga ti azo so aduti na ndö ti gbagba ti gbata ni.”

Abia (Psaumes) 78:2

Mbi yeke zi yanga ti mbi ti tene tënë na lege ti mbeni toli si ye so angba ando na hondengo ni, e lingbi ti manda ye na lege ni.

Matthieu 13:11

Lo kiri tënë na ala: “Ti ala, Nzapa amu na ala lege ti hinga nda ti tënë ti *Kodro-gbia ti yayu so angba na hondengo ni, me ti azo ni, Nzapa amu na ala lege ti hinga ni oko pepe.

Marc 16:17

Azo so ama na be, aye ti kpene so ala yeke sara ande ayeke so: na iri ti mbi, ala yeke tumba asioni yingo, ala yeke tene tënë na ayanga nde so ala hinga ni pepe;

Marc 4:11

Lo tene na ala: “Ti ala azo ti mbi, Nzapa amu na ala lege ti hinga nda ti *Kodro-gbia ti Nzapa so angba na hondengo ni, me ti azo ti gigi, ala ma tënë ni na lege ti atoli

Awatokua 10:46

Biani, ala yeke ma azo ni ayeke tene tënë na ayanga nde nde si ala yeke sepela kota ti Nzapa. Pierre amu tënë si lo tene:

Awatokua 19:6

Paul azia maboko na ndö ti ala si Yingo-Vuru aga na ndö ti ala; ala to nda ti tene tënë na ayanga nde nde si ala tene peko ti tënë ti yanga ti Nzapa.

Awatokua 22:9

Azo so ayeke na tere ti mbi abaa lumiere ni, me ala ma go so ayeke tene tënë na mbi so pepe.

Rome 16:25

Ayeke nzoni e gonda Nzapa! Lo yeke na ngangu ti sara si ala kpengba na lege ti mabe so alingbi gi na Nzoni Tënë ti Jésus Christ so mbi yeke fa. Nzoni Tënë ni ayeke tënë so Nzapa ahonde ando ngu na ngu si lo fa ni na e fadeso.

1 Korente 12:10

lo yeke mu na mbeni zo ngangu ti sarango aye ti kpene; lo yeke mu na mbeni zo lege ti tenengo peko ti tënë ti yanga ti Nzapa; lo yeke mu na mbeni zo lege ti hingango ye so alondo na Yingo na ye so alondo na Yingo pepe; lo yeke mu na mbeni zo lege ti tenengo tënë na ambeni yanga nde so zo ahinga ni pepe; lo yeke mu na mbeni zo lege ti kiringo peko ti ayanga ni na amba ti lo.

1 Korente 12:28

Tongaso, lege so Nzapa azia azo na ya ti *Eglize laa: kozoni, lo zia *awatokua; use ni, lo zia awayanga-Nzapa; ota ni, lo zia awafango-ye; na pekoni, lo zia azo so lo mu na ala matabisi ti sarango aye ti kpene, ti kaingo kobela, ti mungo maboko na amba ti ala, ti dutingo na li ti amba ti ala, ti tenengo tënë na ayanga nde nde so ala hinga ni pepe.

1 Korente 13:1

Tongana mbi tene ayanga ti kodro ti azo na ayanga ti *a-ange si mbi ye amba ti mbi pepe, andaa mbi yeke tongana gbagba ngo so ayeke toto wala mbeni wen so ayeke toto mingi.

1 Korente 13:2

Tongana mbi yeke na matabisi ti tenengo peko ti tënë ti yanga ti Nzapa, tongana mbi hinga nda ti aye so kue angba na hondengo ni, tongana mbi hinga ye kue, tongana mbi yeke na mabe ti sara si ahoto alondo ahon si mbi ye amba ti mbi pepe, mbi yeke ye oko pepe.

1 Korente 14:16

Tongana mo yeke sambela ti mu singila na Nzapa gi na lege ti yingo ti mo, fade senge zo ti ya ti bongbi ni ayeke wara lege ti tene “Amen” na peko ti sambela ti mo ni tongana nyen, so lo ma ya ti tënë ti mo ni pepe so?

1 Korente 14:26

Tongaso a-ita, fade e yeke sara tongana nyen? Tongana ala bongbi, mbeni zo na popo ti ala alingbi ti he mbeni bia, mbeni afa ye wala lo tene tënë ti mbeni ye so Nzapa afa na lo, mbeni atene tënë na ambeni yanga nde, mbeni akiri peko ti tënë ni na yanga ti kodro titene azo ama ya ni. Aye so kue ala yeke sara, alingbi ala sara ni titene azo ti *Eglize akpengba.

1 Korente 15:51

Mbi ye ti fa na ala mbeni ye so angba na hondengo ni: fade e yeke kui kue pepe, me fade tere ti e kue ayeke ga nde

1 Korente 2:10

Me Nzapa asigigi na nda ti tënë so na e na lege ti Yingo. Biani, Yingo ayeke gi nda ti aye kue, ataa ye so ahonde na ya ti be ti Nzapa.

1 Korente 2:7

Mbi yeke fa tënë ti ndara ti Nzapa so zo ahinga ni pepe, so lo honde ni na azo. Nzapa aleke tënë ti ndara ni kozo si dunia abaa gigi, ti sara si e wara gonda daa.

Efeze 6:19

Ala sambela nga ndali ti mbi titene Nzapa azia tënë ti lo na yanga ti mbi si mbi fa Nzoni Tënë na azo na mbeto pepe; Nzoni Tënë so angba fade na hondengo ni.

Ndia ti fani use ni 28:49

KOTA GBIA ayeke tokua na ndö ti ala mbeni mara so alondo na yongoro ndo, na nda ti sese; mbeni mara so ayeke huru ti ti na ndö ti ala tongana *ngoalo, mara so ala ma yanga ti kodro ti lo pepe.

Kolose 2:2

Mbi ye titene be ti ala awara ngangu, ala ga oko na lege ti yengo tere si ala wara lege ti mango ya ti tënë nzoni kue. Tongaso, fade ala yeke hinga nda ti tënë ti Nzapa so angba fade na hondengo ni: tënë ni ayeke Christ.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

1 Timothée 3:9

Ala bata tënë ti mabe so a sigigi na nda ni awe, ala bata tënë ni na vurungo be.

Aye so Nzapa afa 10:7

Me na ndembe so mbarambara ange ni ayeke huru tatalita ti lo, fade Nzapa ayeke sara aye so lo leke na hondengo ni ando. Lo yeke sara ye ni alingbi gi na tënë so lo tene na azo ti kua ti lo, awayanga-Nzapa.”