1 Korente 14:17 - Mbeti ti Nzapa - Tënë so amu fini

¹⁷ Ataa sambela ti mo ayeke nzoni mingi, fade sambela ni ayeke kpengba mba ti mo pepe.

1 Korente 14:17 ပူးပေါင်းရင်းမြစ်များ

Rome 14:19

Tongaso, alingbi e gi ye so ayeke ga na siriri si e oko oko kue, e kpengba na lege ti mabe.

1 Korente 14:18

Mbi mu singila na Nzapa, ngbanga ti so mbi yeke tene tënë na ambeni yanga nde, mbi hon ala kue.

1 Korente 14:4

Zo so ayeke tene tënë na mbeni yanga nde, lo yeke sara titene lo wani, lo kpengba; me zo so ayeke tene peko ti tënë ti yanga ti Nzapa, lo yeke sara titene *Eglize akpengba.

1 Korente 14:5

Mbi ye titene ala kue atene tënë na ayanga nde nde, me mbi ye mingi titene ala tene peko ti tënë ti yanga ti Nzapa. Zo so ayeke tene peko ti tënë ti yanga ti Nzapa asara nzoni na azo ahon zo so ayeke tene tënë na ambeni yanga nde. Zo ti tenengo tënë na ambeni yanga nde ayeke sara nzoni na azo gi tongana mbeni zo na ya ti bongbi ni ayeke kiri peko ti tënë ni na azo na yanga ti kodro ti ala, ti sara titene Eglize ni akpengba.

1 Korente 14:6

A-ita, tongana mbi si na popo ti ala si mbi tene tënë na ala na ambeni yanga nde, fade nzoni ye ti nyen laa ala yeke wara na mbage ti mbi? Mbi yeke sara nzoni na ala gi tongana mbi fa na ala mbeni ye so Nzapa afa na mbi, wala mbi fa na ala mbeni ye so ala hinga pepe, wala mbi tene na ala peko ti tënë ti yanga ti Nzapa, wala mbi fa na ala mbeni ye!