1 Korente 14:16 - Mbeti ti Nzapa - Tënë so amu fini

¹⁶ Tongana mo yeke sambela ti mu singila na Nzapa gi na lege ti yingo ti mo, fade senge zo ti ya ti bongbi ni ayeke wara lege ti tene “Amen” na peko ti sambela ti mo ni tongana nyen, so lo ma ya ti tënë ti mo ni pepe so?

1 Korente 14:16 ပူးပေါင်းရင်းမြစ်များ

1 Agbia 1:36

Benaya, molenge ti Yoyada akiri tënë na gbia, atene: “Amen! KOTA GBIA, Nzapa ti gbia ti mbi laa azia atënë so na yanga ti gbia.

1 Mbai 16:36

Singila na KOTA GBIA, Nzapa ti Israel ngbene ye lakue lakue, kpu na kpu! Nilaa azo kue atene: “Amen! Aleluya!”

Néhémie 5:13

Na pekoni, mbi yingi yanga ti kota bongo ti mbi si mbi tene: “Zo so kue ayeke sara ye alingbi na tënë ti yanga ti lo pepe, ayeke nzoni Nzapa ayingi lo legeoko tongaso. Ayeke nzoni Nzapa azi lo na ya ti da ti lo nga amosoro ti zo ni!” – Bongbi ti azo ni kue atene: “Amen! Ayeke nzoni ye ni aduti tongaso!” Ala kue asepela *KOTA GBIA si na pekoni, ala sara ye alingbi na tënë ti yanga ti ala.

Néhémie 8:6

Esdras amu singila na KOTA GBIA, lo so lo yeke kota Nzapa. Azo kue ayo maboko ti ala na nduzu si ala tene: “Amen, Amen!” Na pekoni, ala kuku, akpo li ti ala na sese ti voro KOTA GBIA.

Abia (Psaumes) 106:48

Singila na KOTA GBIA, Nzapa ti Israel, ngbene ye lakue lakue, kpu na kpu! Ayeke nzoni azo kue atene: “Amen! Aleluya!”

Abia (Psaumes) 41:13

Mo gbu mbi awe, mbi ngba na nduzu, mo mu na mbi nzoni tere awe; mo sara si mbi ngba na dawa ti mo kpu na kpu.

Abia (Psaumes) 72:19

Singila na Nzapa kpu na kpu ndali ti iri ti lo so alingbi na gonda! Ayeke nzoni sese kue asi singo na gonda ti lo! Amen! Amen!

Abia (Psaumes) 89:52

KOTA GBIA, awato ti mo azonga zo so mo tuku mafuta na li ti lo ti ga gbia so, ala zonga peko ti gere ti lo.

Jérémie 11:5

Tongaso, zendo so mbi mu ando na akotara ti ala, fade mbi yeke sara ye alingbi na ni. Mbi deba ando yanga ti mbi ti mu na ala *kodro so ngu ti me ti bagara na mafuta ti wotoro asi singo daa, kodro ni laa ala yeke daa laso so.” Mbi kiri tënë: “Amen, KOTA GBIA!”

Jérémie 28:6

lo tene: “Amen! Ayeke nzoni KOTA GBIA asara tongana ti so mo tene so! Ayeke nzoni KOTA GBIA asara ye alingbi gi na atënë so mo fa peko ni so: akungba ti ya ti kota da ti Nzapa na azo so kue a gbu ala si a gue na ala na Babilone, ayeke nzoni a kiri na ala na ndo so.

Wungo ti azo 5:22

Ayeke nzoni ngu so ayeke ga na deba na ndö ti zo ague na ya ti avi ti mo ti sara si ya ti mo asuku si mo du nga pepe.’ Fade wali ni ayeke kiri tënë: ‘Amen, amen!’

Matthieu 15:36

Lo mu mapa mbarambara na asusu so, lo mu singila na Nzapa, lo fâ ya ni, lo mu na adisiple ti lo si ala kangbi ni na gba ti azo ni kue.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Marc 16:20

Adisiple ague ti fa Nzoni Tënë na ndo kue. Kota Gbia ayeke sara aye ti kpene na lege ti ala ti fa na azo so tënë ti Nzapa ayeke taa-tënë.]

Jean 21:25

Ambeni ye mingi ayeke daa so Jésus asara. Tongana a su ni oko oko kue na mbeti, mbi baa mbi tene, dunia kue alingbi ti wara ndo pepe ti zia ambeti ni daa.

Jean 7:15

Li ti amakonzi ti azuife kue akpe si ala tene: “Koli so ahinga aye so tongana nyen, so lo manda mbeti pepe so?”

Awatokua 4:13

So azo ti fango ngbanga ni abaa Pierre na Jean ayeke tene tënë na mbeto pepe si ala hinga nga atene, ala yeke gi asenge zo so amanda mbeti pepe, li ti ala kue akpe. Ala hinga atene, akoli so ayeke ando na tere ti Jésus.

1 Korente 11:24

lo mu singila na Nzapa, lo fâ ya ni si lo tene: “So ayeke tere ti mbi so mbi mu ndali ti ala. Ala sara ye so ti dabe ti ala na mbi.”

1 Korente 14:14

Tongana mbi yeke sambela na ambeni yanga nde, yingo ti mbi ayeke sambela, me hingango ndo ti mbi ayeke sara kua oko pepe.

1 Korente 14:2

Zo so ayeke tene tënë na mbeni yanga nde, lo yeke tene ni na azo pepe, me na Nzapa. Zo oko ayeke ma ya ti tënë so lo yeke tene so pepe. Na lege ti Yingo-Vuru, lo yeke tene ambeni tënë so angba na hondengo ni.

1 Korente 16:24

Na lege ti gango so e ga oko na Jésus Christ, mbi ye ala kue.

2 Korente 1:20

Na lege ti lo laa Nzapa atene “een” ti mu na e aye so kue lo mu ando zendo ni. Na lege ti lo nga laa e yeke tene “amen” ti gonda Nzapa.

Aye so Nzapa afa 22:20

Zo so atene tënë ti aye so, lo tene, aye ni ayeke taa-tënë; lo tene: “Biani, mbi yeke ga fafadeso!” Amen! Ga, *Kota Gbia Jésus!

Aye so Nzapa afa 5:14

Aye osio so ayeke na fini atene: “Amen!” Akangba ni akuku si ala voro Nzapa na Molenge ti Taba ni.

Aye so Nzapa afa 7:12

Ala tene: “Amen! Sepelango, gonda, ndara, singila, nengo, komandema na ngangu ayeke ti Nzapa ti e, kpu na kpu! Amen.”