1 Korente 14:12 - Mbeti ti Nzapa - Tënë so amu fini

¹² So ala yeke na nzara mingi ti wara amatabisi ti Yingo, ayeke nzoni ala gi ti wara amatabisi so ayeke sara titene Eglize akpengba.

1 Korente 14:12 ပူးပေါင်းရင်းမြစ်များ

Rome 14:19

Tongaso, alingbi e gi ye so ayeke ga na siriri si e oko oko kue, e kpengba na lege ti mabe.

1 Korente 12:31

Na popo ti amatabisi so Yingo ayeke mu na azo, ala gi lege ti wara amatabisi so ayeke nzoni ahon atanga ni. Me fadeso, mbi yeke fa na ala mbeni lege so ayeke nzoni ahon atanga ni kue.

1 Korente 12:7

Yingo ayeke sara kua na ya ti zo oko oko na lege ti matabisi so a mu na zo ni ndali ti nzoni ti atanga ti azo ni kue.

1 Korente 14:1

Ala gi lege ngangu ti ye amba ti ala. Ala sara nga nzara ti wara amatabisi ti Yingo, me matabisi so ala lingbi ti gi lege ni mingi ayeke tenengo peko ti tënë ti yanga ti Nzapa.

1 Korente 14:13

Ndani laa, zo so ayeke tene tënë na ambeni yanga nde, alingbi lo sambela titene Nzapa amu na lo matabisi ti kiri peko ti tënë ni si azo ama.

1 Korente 14:26

Tongaso a-ita, fade e yeke sara tongana nyen? Tongana ala bongbi, mbeni zo na popo ti ala alingbi ti he mbeni bia, mbeni afa ye wala lo tene tënë ti mbeni ye so Nzapa afa na lo, mbeni atene tënë na ambeni yanga nde, mbeni akiri peko ti tënë ni na yanga ti kodro titene azo ama ya ni. Aye so kue ala yeke sara, alingbi ala sara ni titene azo ti *Eglize akpengba.

1 Korente 14:5

Mbi ye titene ala kue atene tënë na ayanga nde nde, me mbi ye mingi titene ala tene peko ti tënë ti yanga ti Nzapa. Zo so ayeke tene peko ti tënë ti yanga ti Nzapa asara nzoni na azo ahon zo so ayeke tene tënë na ambeni yanga nde. Zo ti tenengo tënë na ambeni yanga nde ayeke sara nzoni na azo gi tongana mbeni zo na ya ti bongbi ni ayeke kiri peko ti tënë ni na azo na yanga ti kodro ti ala, ti sara titene Eglize ni akpengba.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.