1 Korente 13:9 - Mbeti ti Nzapa - Tënë so amu fini

⁹ Biani, mbage ti hingango ye ti e atia, mbage ti atënë ti peko ti yanga ti Nzapa so e yeke tene atia;

1 Korente 13:9 ပူးပေါင်းရင်းမြစ်များ

Mbeti ti Job 26:14

So gi mbage ti akua ti lo laa si e ma tënë ni gi kete so. Me akota ye so lo sara asungba tongana bekpa; zo wa laa alingbi ti hinga nda ni, zo wa?

Abia (Psaumes) 139:6

Hingango so mo hinga mbi so ahon gbungo-li ti mbi, ayeke kota ye mingi, mbi lingbi ti ma ya ni pepe.

Abia (Psaumes) 40:5

Ti lo nzoni, zo so azia be ti lo na ndö ti KOTA GBIA si lo mu peko ti anzapa ti mvene pepe, wala lo mu peko ti azo ti mvene pepe.

Amato 30:4

Zo wa laa ague na yayu si lo londo kâ lo zu na sese, zo wa? Zo wa laa agbu pupu laoko na ya ti maboko ti lo, zo wa? Zo wa laa akanga ngu laoko na ya ti bongo ti lo, zo wa? Zo wa laa aleke nda ti sese kue, zo wa? Iri ti lo ayeke nyen? Iri ti molenge ti lo ayeke nyen? Mo hinga ni?

Matthieu 11:27

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.

Rome 11:34

Mbeti ti Nzapa atene: “Zo wa laa ahinga tënë ti be ti *Kota Gbia? Zo wa laa alingbi ti mu wango na lo?

1 Korente 13:10

me tongana ye so ayeke nzoni kue ayeke si ande, ye so mbage ni atia ayeke hunzi.

1 Korente 13:12

Ti fadeso, ye so e yeke baa ayeke tongana ye so zo ayeke baa na ya ti tatara; e yeke baa ye ni nzoni kue pepe. Me gbanda, e yeke baa Nzapa le na le. Ti fadeso, mbage ti hingango ye ti mbi atia; me gbanda, mbi yeke hinga ye kue tongana ti so Nzapa ahinga na mbi so.

1 Korente 2:9

Me, tongana ti so Mbeti ti Nzapa atene: “Ye so le ti zo abaa pepe, ye so mê ti zo ama pepe, ye so tënë ni aga na li ti zo pepe, Nzapa aleke ni ndali ti azo so aye lo.”

1 Korente 8:2

Tongana mbeni zo abaa atene ni hinga ye, andaa lo de ti hinga ye alingbi na taa hingango ye pepe.

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.

1 Jean 3:2

A-ita ti mbi so mbi ye ala mingi, fadeso e yeke amolenge ti Nzapa, me dutingo ti e ti gbanda angba na hondengo ni. Me e hinga, e tene, tongana Christ asi ande, e yeke ga tongana lo, ngbanga ti so e yeke baa taa lo wani.