1 Korente 13:4 - Mbeti ti Nzapa - Tënë so amu fini

⁴ Ndoye ayeke kanga be ti lo, lo yeke sara nzoni, lo yeke sara kota be pepe, lo yeke pika kate ti lo pepe, lo yeke sara baba pepe;

1 Korente 13:4 ပူးပေါင်းရင်းမြစ်များ

Tongo nda ti aye 30:1

So Rachel abaa atene lo yeke du molenge na Jacob pepe, lo sara kota be na tere ti ita ti lo. Rachel atene na Jacob: “Mu na mbi amolenge, tongaso pepe mbi yeke kui.”

Tongo nda ti aye 37:11

A-ita ti Joseph asara kota be na tere ti lo. Me babâ ti lo angba ti dabe ti lo na atënë so.

Néhémie 9:17

Ala ke ti ma yanga ti mo; be ti ala agirisa na aye ti dongo be so mo sara ndali ti ala. Ala sara ngangu li si na ya ti tomboka ti ala, ala soro mbeni makonzi ti kiri na ala na gbe ti ngbaa na Ezipte. Me mo, mo zia ala pepe, ngbanga ti so mo yeke Nzapa so mo yeke zi siokpari na li ti zo, mo yeke sara nzoni be na zo si mo yeke baa mawa ti zo, mo yeke sara ngonzo hio hio pepe, nzoni be ti mo asi singo.

Abia (Psaumes) 10:5

Aye so kue lo yeke sara aga nzoni lakue; fango ngbanga ti mo Nzapa ayo na nduzu kâ mingi, ayeke sara ye oko na lo pepe. Lo baa awato ti lo kue tongana mbumbuse ye.

Amato 10:12

Kengo zo ayeke du papa; me ndoye ayeke kanga ndö ti sioni ye kue.

Amato 13:10

Kuru baba ayeke sara si papa alondo; me ndara ayeke ye ti azo ti mango wango.

Amato 17:14

Tongo nda ti papa ayeke tongana zingo lege na kota ngu ti buba ndo; kozo titene tiri aga ngangu, mo zia lege ni!

Amato 17:9

Zo so ayeke zi tënë na li ti azo, lo yeke gi titene ala ye lo; me zo so ayeke kiri na ndö ti tënë ni, fade amba ti lo ayeke ke lo.

Amato 19:22

Ye so a yeke ku na mbage ti zo ayeke sarango nzoni be. Dutingo wayere ayeke nzoni ahon dutingo zo ti mvene.

Amato 31:20

Maboko ti lo akpengba na mungo ye na zo ti mawa pepe; lo yeke mu ye na wayere.

Amato 31:26

Lo yeke tene tënë na ndara si lo yeke mu wango na azo na nzoni be.

Zo ti bongbingo azo 10:4

Tongana makonzi ti mo asara ngonzo na tere ti mo, ayeke nzoni mo do ndo ti kua ti mo, mo zia pepe. Be ti mo aduti kpoo, tongaso si mo kanga lege na ambeni sioni sarango ye.

Matthieu 27:18

Biani, Pilate ahinga atene, ala zia Jésus na maboko ti lo, ngbanga ti so kota be asara ala na tere ti lo.

Awatokua 7:9

“Akotara ti e asara kota be na tere ti Joseph, ala ka lo si lo ga ngbaa na kodro ti Ezipte. Me Nzapa ayeke na lo.

Rome 1:29

Asioni ye nde nde asi singo na be ti ala: ye so ayeke mbirimbiri pepe, sioni be, nzara ti warango ye mingi; ala yeke azo ti sioni be, kota be ahon ndö ti ala, ala yeke azo ti fango zo, azo ti papa, azo ti mvene, azo ti mbana, azo ti dungo mvene na iri ti amba ti ala,

Rome 13:13

Alingbi fini ti e aduti na legeni mbirimbiri tongana ti azo so ayeke sara ye na kota lâ. E te kobe wala e nyon samba ahon ndoni pepe, e sara aye ti kirikiri wala aye ti ndumba pepe, e papa wala e sara kota be pepe.

1 Korente 3:3

ngbanga ti so ala ngba lakue ti sara ye gi tongana ti azo ti dunia so. So tënë ti kota be na papa angba na popo ti ala so, so afa atene, ala yeke sara ye gi na lege ti azo ti dunia so pepe? Ala yeke sara ye gi tongana ti azo kue pepe?

1 Korente 4:18

Ambeni zo na popo ti ala abaa ti ala atene, mbi yeke kiri ti si na ndo ti ala pepe, nilaa baba ti azo ni ahon ndoni so.

1 Korente 4:6

A-ita, ndali ti ala, mbi mu ambeni tapande so ti tene tënë na ndö ti mbi na Apolos si ala manda nda ti *mato so: “Alingbi zo oko oko aluti gi na ndö ti tënë so a su na mbeti, awe.” Tongaso si ala zia lege ti baba ti ala so asara si ala yeke mu mbage ti mbeni zo ti ke mbeni so.

1 Korente 5:2

Na ndö ni kue, ala yeke pika kate ti ala daa! Ala lingbi fade ti duti na vundu ndali ti ye so pepe? Alingbi fade titene ala zi zo so asara mara ti ye tongaso na popo ti ala!

1 Korente 8:1

Âdu tënë ti anyama so a yeke ya na *sandaga na anzapa nde, taa-tënë, tongana ti so ala yeke tene: “E kue, e yeke azo ti hingango ye.” Hingango ye so ayeke sara si baba ahon ndö ti zo, me ndoye ayeke sara si zo ti Christ amai.

2 Korente 12:20

Mbeto asara mbi titene tongana mbi si na ala kâ, mbi baa dutingo ti ala ayeke nde na ti so be ti mbi aye si ala nga, ala baa dutingo ti mbi ayeke nde na ti so be ti ala aye. Mbeto asara mbi titene aye tongaso aduti na popo ti ala: papa, kota be, ngonzo, kangbingo tere, zongango zo na asioni tënë, fonongo na iri ti zo, baba, sarango aye ti wusuwusu.

2 Korente 6:6

E fa nga so e yeke azo ti kua ti Nzapa na lege ti dutingo ti e na vuru be, na lege ti hingango ndo ti e, na lege ti kangango be ti e, na lege ti nzoni be ti e, na lege ti Yingo-Vuru, na lege ti taa yengo tere na popo ti e,

Galasii 5:26

E sara kuru baba pepe! E gi yanga ti amba ti e pepe, e sara kota be na popo ti e pepe!

Efeze 4:2

Ala baa tere ti ala tongana akota zo pepe, ala sara ye na amba ti ala na ngangu pepe, ala kanga be ti ala. Na lege ti ndoye, ala kanga be ti ala na amba ti ala.

Efeze 4:32

Ala sara nzoni na popo ti ala, ala baa mawa ti amba ti ala; ala zi tënë na li ti amba ti ala na popo ti ala tongana ti so Nzapa azi tënë na li ti ala, ngbanga ti gango so ala ga oko na Christ.

Filipe 1:15

Mbi hinga so ambeni zo ayeke fa tënë ti Christ gi na kota be wala ti gi na yanga ti mbi; me ambeni ayeke fa tënë ni na nzoni be.

Kolose 1:11

Fade Nzapa ayeke sara titene ala kpengba mingi na lege ti ngangu ti lo so ayeke fa gonda ti lo. Tongaso, na ya ti aye ti ngangu kue, ala lingbi ti gbu ngangu, ala kanga be ti ala ti ku.

Kolose 2:18

A-ita, alingbi ala zia amara ti azo tongaso afâ ngbanga na li ti ala pepe. Ambeni zo ni aye ti sara tere ti ala lakue na le ti azo tongana akete zo si ala yeke voro *a-ange, ala zia be ti ala gi na ndö ti aye so ala baa na ya ti mbeni ye tongana bango-li. Hingango ndo ti ala ayeke senge gbungo-li ti azo, asara si ala baa tere ti ala kota ahon azo kue.

Kolose 3:12

Nzapa asoro ala, ala ga azo ti lo si lo ye ala. Tongaso, alingbi ala baa mawa ti azo, ala sara nzoni be na azo, ala baa tere ti ala tongana akota zo pepe, ala sara ngangu na azo pepe, ala kanga be ti ala ti ku.

1 Tesalonike 5:14

A-ita, e hunda na ala ti suku na azo so ayeke sara ye ti kirikiri; azo so be ti ala awoko, ala sara si be ti ala akiri awara ngangu, ala mu maboko na azo so ayeke na ngangu pepe, ala kanga be ti ala na azo kue.

1 Timothée 6:4

andaa baba ahon ndö ti lo, lo hinga ye pepe. Lo yeke na kobela ti *bingbingo tënë na ti papa ndali ti lege so azo ayeke di iri ti aye. Aye tongaso ayeke du sarango nzara ti ye ti zo, papa, zongango ndo, bango zo tongana sioni zo senge senge

2 Timothée 2:25

Azo so ayeke ke tënë na yanga ti lo, ayeke nzoni lo fa ye na ala yeke-yeke. E hinga pepe, Nzapa ayeke sara titene ala zia ngbene lege ti sarango ye ti ala, ala hinga taa-tënë

2 Timothée 3:10

Me ti mo, mo mu lani peko ti mbi na lege ti aye so: fango ye ti mbi, dutingo ti mbi, aye so mbi leke na be ti mbi ti sarango ni, mabe ti mbi, kangango be ti mbi ti ku ye, ndoye ti mbi, kangango be ti mbi

2 Timothée 4:2

mo fa tënë ti Nzapa na azo, wala ndembe ni laa wala ndembe ni laa pepe, mo ngba gi daa. Mo fa sioni ti azo na le ti ala, mo suku na ala, mo mu wango na ala; be ti mo awoko na lege ni pepe, mo ngba na nzara ti fango ye na ala.

Tite 3:3

E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.

Jacques 4:5

Tënë so Mbeti ti Nzapa atene: “Yingo so Nzapa azia na ya ti e, lo ye ni ngangu mingi”, ala baa ni tongana senge senge tënë pepe.

1 Pierre 2:1

Ala zia lege ti sarango amara ti asioni kue nga na sarango ye ti mayere. Tënë ti yanga ti ala ague nde na sarango ye ti ala pepe, ala zia lege ti kota be na ti dikongo asioni tënë na iri ti azo.

1 Pierre 3:8

Ti hunzi na tënë ti mbi, alingbi ala kue tënë ti be ti ala aduti gi oko; ala baa mawa ti amba ti ala, ala ye tere na popo ti ala tongana a-ita, ala sara nzoni na amba ti ala, ala baa tere ti ala tongana akota zo pepe.

1 Pierre 4:8

Kozoni kue, ala ye tere na popo ti ala na be ti ala kue, ngbanga ti so ndoye ayeke zi asiokpari mingi.

2 Pierre 1:7

na ndö ti gbungo tënë ti Nzapa ngangu, ala zia yengo amba ti ala; na ndö ti yengo amba ti ala, ala zia ndoye.

1 Jean 4:11

A-ita ti mbi so mbi ye ala mingi, so Nzapa aye e mingi so, alingbi e nga, e ye tere na popo ti e.