1 Korente 13:3 - Mbeti ti Nzapa - Tënë so amu fini

³ Tongana mbi kangbi aye ti mbi kue na azo ti mawa, tongana mbi mu tere ti mbi titene azo agbi ni na wâ si mbi ye amba ti mbi pepe, mbi yeke wara ye oko na pekoni pepe.

1 Korente 13:3 ပူးပေါင်းရင်းမြစ်များ

Ésaïe 57:12

Me mbi yeke sigigi na nda ti mo polele. Aye so mo yeke sara si mo baa mo tene, ayeke nzoni so, mo yeke wara ye ti peko ni oko pepe.

Jérémie 7:8

“Me ala ngba ti zia be ti ala gi na ndö ti atënë ti handa so ayeke sara nzoni oko na zo pepe.

Matthieu 23:5

Ye so kue awafango-ye ni ayeke sara, ala yeke sara ni gi titene azo abaa ala. Tongaso, ala yeke sara titene ya ti akete kete bozo ti poro so ala su tënë ti Nzapa si azia na ya ni so akono, kamba so ala leke na yanga ti bongo ti ala aga kota.

Nzoni Tënë so Luc asu na mbeti 18:22

So Jésus ama tënë so, lo tene na lo: “Mbeni ye oko angba na mo ti sarango ni: mo ka aye ti mo kue, mo kangbi nginza ni na awayere si fade mo yeke wara mosoro na yayu. Na pekoni, mo ga, mo mu peko ti mbi.”

Nzoni Tënë so Luc asu na mbeti 18:28

Pierre atene: “Baa, e zia aye ti e kue si e mu peko ti mo!”

Nzoni Tënë so Luc asu na mbeti 19:8

Me Zachée aluti na le ti *Kota Gbia si lo tene: “Kota Gbia, baa, mbi yeke mu ndambo ti aye ti mbi kue na azo ti mawa. Tongana mbi nzi nginza ti zo na mayere, fade mbi yeke kiri ni na lo lege osio!”

Jean 12:43

Biani, ala ye titene azo agonda ala ahon titene Nzapa laa agonda ala.

Jean 13:37

Pierre atene na lo: “Kota Gbia, ngbanga ti nyen si mbi lingbi ti mu peko ti mo fadeso pepe? Mbi yeke nduru ti ka fini ti mbi ndali ti mo!”

Jean 15:13

Tongana mbeni zo aka fini ti lo ndali ti azo so lo ye ala, mbeni ndoye ti hon so ayeke daa pepe.

Jean 6:63

Yingo ti Nzapa laa ayeke mu fini na zo; zo alingbi ti wara fini na ngangu ti lo wani pepe. Atënë so mbi tene na ala ayeke tënë ti Yingo na tënë ti fini.

Awatokua 21:13

Me lo kiri tënë, lo tene: “Ngbanga ti nyen laa ala yeke toto si ala yeke gi lege ti zi nzara ti tambula ni na be ti mbi so? Mbi yeke ti mbi nduru gi titene a kanga mbi pepe, me titene a fâ mbi na Jérusalem ndali ti iri ti *Kota Gbia Jésus!”

Galasii 5:26

E sara kuru baba pepe! E gi yanga ti amba ti e pepe, e sara kota be na popo ti e pepe!

Filipe 2:3

Ala sara ye na gbugburungo tere ti gi na kota ndo pepe, ala sara nga ye na lege ti kuru baba pepe. Me ala baa tere ti ala tongana akete zo, ala baa amba ti ala tongana azo so ayeke kota ahon ala.

1 Timothée 4:8

Tarango tere na lege ti angia ti wanguru ayeke sara nzoni na zo gi kete; me gbungo tënë ti Nzapa ngangu ayeke sara nzoni na zo na ya ti aye kue. Biani, ndali ti zo so, zendo ti duti na fini laso nga na ngoi so ayeke ga gbanda ayeke daa.

Ahebro 13:9

Ala zia lege na ambeni zo pepe ti handa ala na lege ti afango ye ti kirikiri nde nde. Titene be ti zo awara ngangu na lege ti nzoni ye so Nzapa asara, so laa ayeke nzoni, me na lege ti kobe pepe; azo so ayeke bata andia ti kobe, ala wara nzoni ye na peko ni pepe.