1 Korente 13:12 - Mbeti ti Nzapa - Tënë so amu fini

¹² Ti fadeso, ye so e yeke baa ayeke tongana ye so zo ayeke baa na ya ti tatara; e yeke baa ye ni nzoni kue pepe. Me gbanda, e yeke baa Nzapa le na le. Ti fadeso, mbage ti hingango ye ti mbi atia; me gbanda, mbi yeke hinga ye kue tongana ti so Nzapa ahinga na mbi so.

1 Korente 13:12 ပူးပေါင်းရင်းမြစ်များ

Tongo nda ti aye 32:30

Jacob ahunda lo, atene: “Mbi gbu gere ti mo, fa na mbi iri ti mo.” Zo ni akiri tënë, atene: “Mo hunda iri ti mbi ngbanga ti nyen?” Na pekoni, lo sara tufa na ndö ti Jacob na ndo ni so.

Mbeti ti Job 19:26

Ataa poro ti tere ti mbi abuba kue, ataa tere ti mbi angba senge tongaso, fade mbi yeke baa Nzapa.

Mbeti ti Job 36:26

Biani, Nzapa ayeke kota, me e hinga li ti e daa pepe; e lingbi ti diko wungo ti ngu ti lo pepe.

Sigingo 33:11

KOTA GBIA ayeke tene tënë na Moïse le na le tongana ti so zo ayeke tene tënë na mba ti lo. Na pekoni, Moïse ayeke kiri na ya ti bâbâ. Me Josué, molenge ti Nune, maseka so ayeke mu maboko na Moïse ayeke ngba ti lo na ya ti da ti bongo ni.

Ezekiel 17:2

“*Molenge ti zo, mo fa mbeni *mato na azo ti Israel; mo tene na ala mbeni toli.

Wungo ti azo 12:8

Mbi yeke tene tënë na lo le na le, na hondengo ni pepe. Mbi yeke fa tere ti mbi na lo si lo yeke baa limo ti mbi. Ngbanga ti nyen laa ala kasa Moïse, zo ti kua ti mbi so?”

Matthieu 18:10

“Ala sara hange si ala baa mbeni molenge oko na popo ti amolenge so tongana mbumbuse zo pepe! Mbi tene na ala so *a-ange ti amolenge so ayeke kâ na yayu, ala yeke luti lakue na le ti Nzapa, Babâ ti mbi so ayeke na yayu. [

Matthieu 5:8

Ti ala nzoni, ala so ayeke na vuru be, ngbanga ti so ala yeke baa ande Nzapa!

Jean 10:15

tongana ti so Babâ ahinga mbi si mbi hinga Babâ. Mbi yeke ka fini ti mbi ndali ti ataba ti mbi.

Rome 8:18

Mbi baa mbi tene, apasi so e yeke baa laso so, a lingbi ti haka ni na gonda ti Nzapa pepe, gonda so lo yeke fa ni na le ti e gbanda so.

1 Korente 13:11

Na ndembe so mbi de molenge, mbi yeke tene tënë tongana molenge, gbungo-li ti mbi ayeke tongana ti molenge, tënë ti be ti mbi ayeke tongana ti molenge. Na ndembe so mbi ga koli awe, mbi zia lege ti sarango ye ti molenge.

1 Korente 8:3

Me tongana zo aye Nzapa, Nzapa ahinga lo awe.

2 Korente 3:18

E so kue a zi bongo ni na le ti e awe, azo ayeke baa gonda ti Kota Gbia na ndö ti le ti e tongana ti so zo ayeke baa ye na ya ti tatara. Yingo ti Kota Gbia ayeke sara titene e ga nde, e kpa Kota Gbia si gonda ti e ayeke gue guengo lakue na nduzu.

2 Korente 5:7

– E yeke duti na fini na lege ti mabe, me na lege ti ye so e yeke baa pepe –.

Filipe 3:12

So ti tene, mbi de ti si na nda ti lege ni pepe wala mbi de ti ga nzoni kue pepe. Me mbi ngba ti kpe loro, mbi yeke sara kue ti gue ti gbu ye so ayeke ku mbi, ngbanga ti so Jésus Christ wani agbu mbi awe.

Jacques 1:23

Biani, zo so ama tënë ni si lo sara ye alingbi na ni pepe, lo yeke tongana zo so abaa le ti lo so a du lo na ni na ya ti tatara.

1 Jean 3:2

A-ita ti mbi so mbi ye ala mingi, fadeso e yeke amolenge ti Nzapa, me dutingo ti e ti gbanda angba na hondengo ni. Me e hinga, e tene, tongana Christ asi ande, e yeke ga tongana lo, ngbanga ti so e yeke baa taa lo wani.

Aye so Nzapa afa 22:4

Azo ni ayeke baa le ti lo si a yeke su iri ti lo na ndö ti le ti ala.