1 Korente 13:11 - Mbeti ti Nzapa - Tënë so amu fini

¹¹ Na ndembe so mbi de molenge, mbi yeke tene tënë tongana molenge, gbungo-li ti mbi ayeke tongana ti molenge, tënë ti be ti mbi ayeke tongana ti molenge. Na ndembe so mbi ga koli awe, mbi zia lege ti sarango ye ti molenge.

1 Korente 13:11 ပူးပေါင်းရင်းမြစ်များ

Zo ti bongbingo azo 11:10

Zi vundu na be ti mo, zi sioni na ya ti fini ti mo, ngbanga ti so ngoi ti maseka na ngangu ti maseka ayeke gi senge senge.

Matthieu 16:7

Adisiple atene na popo ti ala: “Lo yeke tene tënë so, ngbanga ti so e mu mapa pepe.”

1 Korente 13:10

me tongana ye so ayeke nzoni kue ayeke si ande, ye so mbage ni atia ayeke hunzi.

1 Korente 13:12

Ti fadeso, ye so e yeke baa ayeke tongana ye so zo ayeke baa na ya ti tatara; e yeke baa ye ni nzoni kue pepe. Me gbanda, e yeke baa Nzapa le na le. Ti fadeso, mbage ti hingango ye ti mbi atia; me gbanda, mbi yeke hinga ye kue tongana ti so Nzapa ahinga na mbi so.

1 Korente 14:20

A-ita, ayeke nzoni gbungo-li ti ala ayeke tongana ti amolenge pepe. Tongana ayeke tënë ti sarango sioni, ala ga tongana akete molenge so ahinga ti sara sioni pepe; me ayeke nzoni gbungo-li ti ala ayeke tongana ti akota zo.

Galasii 4:1

Tënë so mbi ye ti tene ayeke so: tongana mbeni babâ aleke amosoro ndali ti molenge ti lo, na ngoi so molenge ni angba ti kono, dutingo ti lo ayeke tongana ti mbeni ngbaa, ataa so amosoro ni kue ayeke ti lo.

1 Samuel 3:7

Samuel ade ti hinga KOTA GBIA pepe, tënë ti yanga ti KOTA GBIA ade ti si na lo laoko pepe.