1 Korente 13:10 - Mbeti ti Nzapa - Tënë so amu fini

¹⁰ me tongana ye so ayeke nzoni kue ayeke si ande, ye so mbage ni atia ayeke hunzi.

1 Korente 13:10 ပူးပေါင်းရင်းမြစ်များ

Ésaïe 24:23

Le ti nze ayeke be na kamene, kamene ayeke gbu le ti lâ. Biani, KOTA GBIA so ayeke na ndö ti dunia kue, lo yeke duti gbia na Jérusalem nga na ndö ti hoto ti *Sion. Gonda ti lo ayeke za na dawa ti *akangba ti gbata ni.

1 Korente 13:11

Na ndembe so mbi de molenge, mbi yeke tene tënë tongana molenge, gbungo-li ti mbi ayeke tongana ti molenge, tënë ti be ti mbi ayeke tongana ti molenge. Na ndembe so mbi ga koli awe, mbi zia lege ti sarango ye ti molenge.

1 Korente 13:12

Ti fadeso, ye so e yeke baa ayeke tongana ye so zo ayeke baa na ya ti tatara; e yeke baa ye ni nzoni kue pepe. Me gbanda, e yeke baa Nzapa le na le. Ti fadeso, mbage ti hingango ye ti mbi atia; me gbanda, mbi yeke hinga ye kue tongana ti so Nzapa ahinga na mbi so.

1 Korente 13:9

Biani, mbage ti hingango ye ti e atia, mbage ti atënë ti peko ti yanga ti Nzapa so e yeke tene atia;

Filipe 3:12

So ti tene, mbi de ti si na nda ti lege ni pepe wala mbi de ti ga nzoni kue pepe. Me mbi ngba ti kpe loro, mbi yeke sara kue ti gue ti gbu ye so ayeke ku mbi, ngbanga ti so Jésus Christ wani agbu mbi awe.