1 Korente 13:1 - Mbeti ti Nzapa - Tënë so amu fini

¹ Tongana mbi tene ayanga ti kodro ti azo na ayanga ti *a-ange si mbi ye amba ti mbi pepe, andaa mbi yeke tongana gbagba ngo so ayeke toto wala mbeni wen so ayeke toto mingi.

1 Korente 13:1 ပူးပေါင်းရင်းမြစ်များ

Abia (Psaumes) 150:5

Ala sepela lo na wen so atoto mingi, ala sepela lo na wen so atoto ngangu!

Matthieu 25:45

Fade Gbia ni ayeke kiri tënë na ala: ‘Mbi tene na ala taa-tënë: lakue so ala sara ye so na asenge zo so pepe, andaa ala sara ni nga na mbi pepe.’

Marc 16:17

Azo so ama na be, aye ti kpene so ala yeke sara ande ayeke so: na iri ti mbi, ala yeke tumba asioni yingo, ala yeke tene tënë na ayanga nde so ala hinga ni pepe;

Rome 14:15

Tongana mba ti mo awara vundu ndali ti mbeni kobe so mo yeke te, so afa atene, mo sara ye na lege ti ndoye pepe. Zo so Christ akui ndali ti lo, alingbi mo buba lege ti lo ndali ti tënë ti kobe pepe!

1 Korente 12:10

lo yeke mu na mbeni zo ngangu ti sarango aye ti kpene; lo yeke mu na mbeni zo lege ti tenengo peko ti tënë ti yanga ti Nzapa; lo yeke mu na mbeni zo lege ti hingango ye so alondo na Yingo na ye so alondo na Yingo pepe; lo yeke mu na mbeni zo lege ti tenengo tënë na ambeni yanga nde so zo ahinga ni pepe; lo yeke mu na mbeni zo lege ti kiringo peko ti ayanga ni na amba ti lo.

1 Korente 12:16

Tongana mê atene: “Ka so mbi yeke le pepe so, mbi yeke mbage ti tere pepe”, so laa asara si lo ngba mbage ti tere ni pepe?

1 Korente 12:8

Yingo ayeke mu na mbeni zo tënë ti ndara si na mbeni zo, lo yeke mu tënë ti hingango ye;

1 Korente 13:8

Ndoye ayeke hunzi laoko pepe. Fade tenengo peko ti tënë ti yanga ti Nzapa ayeke hunzi, matabisi ti tenengo tënë na ayanga nde ayeke hunzi, hingango ye ayeke hunzi.

1 Korente 14:2

Zo so ayeke tene tënë na mbeni yanga nde, lo yeke tene ni na azo pepe, me na Nzapa. Zo oko ayeke ma ya ti tënë so lo yeke tene so pepe. Na lege ti Yingo-Vuru, lo yeke tene ambeni tënë so angba na hondengo ni.

1 Korente 14:4

Zo so ayeke tene tënë na mbeni yanga nde, lo yeke sara titene lo wani, lo kpengba; me zo so ayeke tene peko ti tënë ti yanga ti Nzapa, lo yeke sara titene *Eglize akpengba.

1 Korente 14:5

Mbi ye titene ala kue atene tënë na ayanga nde nde, me mbi ye mingi titene ala tene peko ti tënë ti yanga ti Nzapa. Zo so ayeke tene peko ti tënë ti yanga ti Nzapa asara nzoni na azo ahon zo so ayeke tene tënë na ambeni yanga nde. Zo ti tenengo tënë na ambeni yanga nde ayeke sara nzoni na azo gi tongana mbeni zo na ya ti bongbi ni ayeke kiri peko ti tënë ni na azo na yanga ti kodro ti ala, ti sara titene Eglize ni akpengba.

1 Korente 8:1

Âdu tënë ti anyama so a yeke ya na *sandaga na anzapa nde, taa-tënë, tongana ti so ala yeke tene: “E kue, e yeke azo ti hingango ye.” Hingango ye so ayeke sara si baba ahon ndö ti zo, me ndoye ayeke sara si zo ti Christ amai.

2 Korente 12:4

Nzapa amu zo ni so ague na lo ngbii asi na lo na *paradi. Kâ, zo ni ama ambeni tënë so tenengo ni akara zo si a gbanzi lege na zo ti tene tënë ni.

Galasii 5:22

Me ye so Yingo ti Nzapa ayeke du ayeke so: ndoye, ngia, siriri, kangango be, nzoni be, sarango nzoni na azo, mabe,

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

1 Timothée 1:5

Nda ti yanga so mbi mu ayeke titene mo sara si ndoye akono, ndoye so aga na lege ti vurungo be, be so sioni ye oko ayeke daa pepe nga na taa mabe.

1 Pierre 4:8

Kozoni kue, ala ye tere na popo ti ala na be ti ala kue, ngbanga ti so ndoye ayeke zi asiokpari mingi.

2 Pierre 2:18

Ala yeke diko gba ti tënë, me ayeke gi asenge senge tënë, ala yeke handa azo so asigigi gi fafadeso na popo ti azo so agirisa lege awe. Awafango-ye ti mvene ayeke mu asioni nzara ti sarango ye ti kamene so ayeke na be ti ala ti gbu azo ni na ya ti gbanda ti ala.

Aye so Nzapa afa 14:2

Mbi ma mbeni go so alondo na yayu so ayeke tongana toto ti kota ngu, tongana toto ti bekpa so asungba ngangu. Go so mbi ma ayeke tongana bia ti azo ti pikango kundi.