1 Korente 12:9 - Mbeti ti Nzapa - Tënë so amu fini

⁹ gi oko Yingo so ayeke mu na mbeni zo matabisi ti mabe; gi oko Yingo so ayeke mu na mbeni zo matabisi ti kaingo kobela;

1 Korente 12:9 ပူးပေါင်းရင်းမြစ်များ

Matthieu 10:8

Ala kai kobela na tere ti azo, ala zingo akuâ, ala sara si tere ti azo ti buruma aga nzoni, ala tumba asioni yingo. Nzapa amu ye na ala senge senge, ala mu nga ye na azo senge senge.

Matthieu 21:21

Jésus akiri tënë na ala: “Mbi tene na ala taa-tënë: tongana ala yeke na mabe si ala dekite pepe, fade ala yeke sara ye so mbi sara na keke ti fige so. Ala lingbi nga ti tene na hoto so: ‘Londo na ndo so, mo ti na ya ti kota ngu-ingo’, fade ye ni ayeke si alingbi na ni.

Marc 16:18

ala yeke gbu angbo na maboko ti ala wala ala yeke nyon sioni yoro, me sioni ye oko ayeke si na ala pepe; ala yeke zia maboko ti ala na ndö ti azo ti kobela si kobela ti azo ni ayeke kai.”

Marc 6:13

Ala tumba asioni yingo mingi si ala kai kobela ti azo mingi na sarango mafuta na tere ti azo ni.

Nzoni Tënë so Luc asu na mbeti 10:9

Ala kai kobela ti azo ti gbata ni si ala tene na azo ni: ‘Kodro-gbia ti Nzapa aga nduru na ala awe!’

Nzoni Tënë so Luc asu na mbeti 9:2

Na pekoni, lo tokua ala ti fa tënë ti kodro-gbia ti Nzapa, ti kai nga akobela na tere ti azo.

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Awatokua 5:15

Azo ayeke sigigi na azo ti kobela na tere ti akota lege, ala zia azo ni na ndö ti agbogbo wala akelekpa titene tongana Pierre ayeke hon, gbe-de ti lo ahon na ndö ti ambeni na popo ti ala.

1 Korente 12:28

Tongaso, lege so Nzapa azia azo na ya ti *Eglize laa: kozoni, lo zia *awatokua; use ni, lo zia awayanga-Nzapa; ota ni, lo zia awafango-ye; na pekoni, lo zia azo so lo mu na ala matabisi ti sarango aye ti kpene, ti kaingo kobela, ti mungo maboko na amba ti ala, ti dutingo na li ti amba ti ala, ti tenengo tënë na ayanga nde nde so ala hinga ni pepe.

1 Korente 12:30

Azo kue laa ayeke na matabisi ti kaingo kobela? Azo kue laa ayeke tene tënë na ayanga nde? Azo kue laa ayeke kiri peko ti ayanga ni na amba ti ala?

1 Korente 13:2

Tongana mbi yeke na matabisi ti tenengo peko ti tënë ti yanga ti Nzapa, tongana mbi hinga nda ti aye so kue angba na hondengo ni, tongana mbi hinga ye kue, tongana mbi yeke na mabe ti sara si ahoto alondo ahon si mbi ye amba ti mbi pepe, mbi yeke ye oko pepe.

2 Korente 4:13

Mbeti ti Nzapa atene: “Mbi yeke tene tënë, ngbanga ti so mbi ma na be.” Tënë ti be ti e ayeke oko na ti zo so atene tënë so, nilaa e nga, e ma na be si e yeke tene tënë so.

Efeze 2:8

Biani, ndali ti nzoni be ti Nzapa si ala soo kuâ, na lege ti mabe, mbeni ye so ala sara titene ala soo kuâ ndali ni ayeke daa pepe. Songo kuâ ayeke nzoni ye so lo mu na ala senge senge.

Ahebro 11:33

Na lege ti mabe, ala tiri bira na ambeni gbia si ala mu kodro ti ala. Ala sara aye ti mbirimbiri, ala wara aye so Nzapa amu zendo ni, ala kanga yanga ti abamara;