1 Korente 12:4 - Mbeti ti Nzapa - Tënë so amu fini

⁴ Amatabisi ayeke nde nde, me ala kue alondo gi na Yingo oko.

1 Korente 12:4 ပူးပေါင်းရင်းမြစ်များ

Sigingo 31:3

Mbi sara si yingo ti mbi asi lo singo titene lo wara ndara, hingango ye nga na hingango ndo. Lo hinga ti sara aye ti kode nde nde:

1 Korente 12:1

A-ita, tënë na ndö ti amatabisi ti Yingo-Vuru, mbi ye si ala hinga ni nzoni.

1 Korente 12:28

Tongaso, lege so Nzapa azia azo na ya ti *Eglize laa: kozoni, lo zia *awatokua; use ni, lo zia awayanga-Nzapa; ota ni, lo zia awafango-ye; na pekoni, lo zia azo so lo mu na ala matabisi ti sarango aye ti kpene, ti kaingo kobela, ti mungo maboko na amba ti ala, ti dutingo na li ti amba ti ala, ti tenengo tënë na ayanga nde nde so ala hinga ni pepe.

1 Korente 12:5

Alege ti sarango na *Kota Gbia ayeke nde nde, me Kota Gbia ayeke gi oko.

1 Korente 7:7

Ti be ti mbi, mbi ye si azo kue aduti tongana mbi; me zo oko oko ayeke na matabisi so Nzapa amu na lo: mbeni amu wali wala koli si mbeni amu wali wala koli laoko pepe.

Efeze 4:11

Lo laa lo mu amatabisi na azo; lo mu lege na ambeni ti ga *awatokua, wala awayanga-Nzapa, wala azo ti fango Nzoni Tënë, wala azo ti batango azo ti *Eglize wala awafango-ye.

Ahebro 2:4

Nzapa nga afa atene, tënë ni ayeke taa-tënë na lege ti aye ti kpene nde nde na aye ti dongo be nga na amatabisi ti Yingo-Vuru so lo kangbi na azo tongana ti so be ti lo aye.

1 Pierre 4:10

Nzapa amu amatabisi nde nde na zo oko oko. Tongaso, ayeke nzoni zo oko oko amu matabisi ni ti sara na nzoni na amba ti lo. Fade ala yeke ga anzoni ndombe ti aye nde nde ti Nzapa so lo mu na ala na lege ti nzoni be ti lo.