1 Korente 12:26 - Mbeti ti Nzapa - Tënë so amu fini

²⁶ Tongana mbeni mbage ti tere oko ayeke baa pasi, atanga ni kue ayeke baa pasi legeoko na lo. Tongana a ne mbeni mbage ti tere oko, fade ayeke ne nga atanga ni kue.

1 Korente 12:26 ပူးပေါင်းရင်းမြစ်များ

Matthieu 3:15

Me Jésus akiri tënë na lo: “Ti fadeso, ayeke nzoni e sara tongaso si e lingbi ti sara ye so kue ayeke mbirimbiri na le ti Nzapa.” Tongaso Jean ayeda.

Matthieu 5:29

Tongana le ti mo ti mbage ti koli ayeke handa mo titene mo ti na ya ti siokpari, mo zi ni, mo bi yongoro na tere ti mo. Titene mo girisa mbeni mbage ti tere ti mo oko, so laa ayeke nzoni ahon titene a bi tere ti mo kue na ndo so wâ ayeke gbi daa lakue.

Rome 12:15

Ala sara ngia na azo so ayeke na ngia, ala toto na azo so ayeke toto.

1 Korente 12:25

Nzapa asara tongaso titene kangbi aduti na popo ti ambage ti tere ni pepe si ambage ti tere ni oko oko amu maboko na amba ti ala.

1 Korente 12:27

Biani, ala kue, ala yeke tere ti Christ, ala oko oko kue ayeke ambage ti tere ti lo.

Galasii 6:2

Ala yo kungba ti amba ti ala na popo ti ala: so lege ti sarango ye alingbi na ndia ti Christ laa.

Ahebro 13:3

Ala dabe ti ala na azo so ayeke na da ti kanga, ala baa tere ti ala tongana azo so ayeke nga na da ti kanga oko na azo ni. Ala dabe ti ala na azo so a yeke sara sioni na ala, ngbanga ti so ala nga, a-ita, ala yeke na tere tongana ti azo so a yeke sara sioni na ala so.

1 Pierre 3:8

Ti hunzi na tënë ti mbi, alingbi ala kue tënë ti be ti ala aduti gi oko; ala baa mawa ti amba ti ala, ala ye tere na popo ti ala tongana a-ita, ala sara nzoni na amba ti ala, ala baa tere ti ala tongana akota zo pepe.