1 Korente 12:18 - Mbeti ti Nzapa - Tënë so amu fini

¹⁸ Me Nzapa azia ambage ti tere ti e oko oko na ndo so be ti lo aye.

1 Korente 12:18 ပူးပေါင်းရင်းမြစ်များ

Abia (Psaumes) 110:3

Na lango so mo bongbi aturugu ti mo ti gue na bira, azo ti mo, na be ti ala wani, amu peko ti mo. Na ndö ti ahoto so ayeke nde si ayeke nzoni kue, amaseka ayeke ga na mbage ti mo; ala kpa ngu ti pere ti kota ndaperere.

Abia (Psaumes) 135:6

Ye so kue be ti KOTA GBIA aye, lo yeke sara ni na yayu nga na sese, na ya ti akota ngu-ingo nga na ya ti akota du so ali mingi.

Ésaïe 46:10

Aye so ayeke si ande, mbi fa tënë ni gi na tongo nda ni. Ye so ade ti si pepe, mbi tene tënë ni ngbene ye aninga awe. Mbi tene: “Pialo ti mbi ayeke si alingbi na ni. Ye so kue mbi ye ti sara, mbi yeke sara ni.”

Jonas 1:14

Tongaso ala dekongo na KOTA GBIA, atene: “KOTA GBIA, e gbu gere ti mo! Sara si e kui ndali ti koli so pepe. Sara si ngbanga ti mene ti mbeni zo ti mbirimbiri ayeke na li ti e pepe. Biani mo, KOTA GBIA, mo yeke sara ye so be ti mo aye.”

Nzoni Tënë so Luc asu na mbeti 10:21

Gi na ndembe ni so, be ti Jésus asi na ngia ti Yingo-Vuru si lo tene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde aye so na azo ti ndara nga na azo ti hingango ye si mo sigigi na nda ni na akete molenge. Biani Babâ, ye ni ayeke tongaso, ngbanga ti so mo yeda.

Nzoni Tënë so Luc asu na mbeti 12:32

“Ala azo so ayeke tongana bongbi ti akete taba, ala sara mbeto pepe, ngbanga ti so a nzere na Babâ ti ala ti mu Kodro-gbia ni na ala!

Rome 12:3

Nzapa asara nzoni be na mbi. Ndani laa mbi tene na ala oko oko kue, mbi tene: ala baa tere ti ala wani tongana akota zo pepe; me ala baa tere ti ala tongana asenge zo, alingbi na mabe so Nzapa amu na zo oko oko.

Rome 12:6

Nzapa amu na e amatabisi nde nde na lege ti nzoni be ti lo. Zo so ayeke na matabisi ti tenengo peko ti tënë ti yanga ti Nzapa, alingbi lo sara kua ni alingbi na mabe so lo yeke na ni.

1 Korente 12:11

Me gi oko Yingo so laa ayeke sara aye so kue; lo laa lo yeke kangbi amatabisi so kue na azo tongana ti so be ti lo aye.

1 Korente 12:17

Tongana tere kue ayeke fade gi le, ka zo ayeke ma ndo na nyen? Tongana tere kue ayeke fade gi mê, ka zo ayeke ma fion ti ye na nyen?

1 Korente 12:19

Tongana mbage ti tere ti zo ayeke fade gi oko, ka ngbongboro tere ni ayeke na ndo wa?

1 Korente 12:24

ti atanga ti mbage ti tere so ayeke pendere, tënë ayeke daa pepe. Me Nzapa aleke tere ti zo si lo mu nengo na ambage ti tere ni so azo ayeke ne ni pepe.

1 Korente 12:28

Tongaso, lege so Nzapa azia azo na ya ti *Eglize laa: kozoni, lo zia *awatokua; use ni, lo zia awayanga-Nzapa; ota ni, lo zia awafango-ye; na pekoni, lo zia azo so lo mu na ala matabisi ti sarango aye ti kpene, ti kaingo kobela, ti mungo maboko na amba ti ala, ti dutingo na li ti amba ti ala, ti tenengo tënë na ayanga nde nde so ala hinga ni pepe.

1 Korente 15:38

Na pekoni, Nzapa ayeke mu mbeni tere na le ti kobe ni tongana ti so be ti lo aye; le ti kobe oko oko ayeke wara tere so alingbi na lo wani.

1 Korente 3:5

Apolos ayeke zo wa? Paul ayeke zo wa? Ala yeke gi azo ti kua so Nzapa amu ala ti sara si ala, azo ti Korente ama na be. Zo oko oko na popo ti azo ti kua ni asara gi ye so *Kota Gbia amu na lo ti sarango ni.

Efeze 1:5

Nzapa aleke na be ti lo kozoni ti sara si e ga amolenge ti lo na lege ti Jésus Christ. Na lege ti nzoni be ti lo, ye so lo ye ti sara laa.

Efeze 1:9

Ye so lo leke na be ti lo si angba na hondengo ni, lo sara si e hinga ni: so ti tene, ye so lo leke kozoni na lege ti nzoni be ti lo ti sara ni na lege ti Christ.

Aye so Nzapa afa 4:11

“Kota Gbia, Nzapa ti e, mo lingbi titene azo agonda mo, azo ane mo si asepela mo ndali ti ngangu ti mo. Biani, mo laa mo sara aye kue, mo yeda titene aye ni abaa gigi si ala baa gigi.”