1 Korente 12:13 - Mbeti ti Nzapa - Tënë so amu fini

¹³ Ataa e yeke azuife wala e yeke azuife pepe, ataa e yeke angbaa wala angbaa pepe, e kue, e wara bateme ti Yingo oko titene e bongbi e ga tere oko; Nzapa amu na e kue gi oko Yingo so.

1 Korente 12:13 ပူးပေါင်းရင်းမြစ်များ

B. ti abia 5:1

Ita ti mbi ti wali, mo so mo yeke ga wali ti mbi so, mbi yeke li na yaka ti mbi, mbi yeke ko *mire ti mbi nga na yombo ti mbi, mbi yeke te da ti wotoro ti mbi, mbi yeke su mafuta ti wotoro ti mbi; mbi yeke nyon vin ti mbi, na ngu ti me ti mbi. A-ita, ala te ye, ala nyon ye, ala sule ndali ti yengo tere.

Ésaïe 55:1

Ala so kue nzara ti ngu asara ala, baa ngu laa, ala ga! Ataa ala yeke na nginza pepe, ala ga! Ala mu kobe, ala te; ala mu vin, ala mu ngu ti me ti bagara senge senge, ala yeke vo ni vongo pepe.

Matthieu 3:11

Ti mbi, mbi yeke batize ala na ngu ti fa na le ti azo so ala zia ngbene lege ti sarango ye ti ala awe; me lo so ayeke ga na peko ti mbi, fade lo yeke batize ala na Yingo-Vuru nga na wâ. Ngangu ti lo ahon ti mbi: mbi kpa zo ti zi poro ti gere ti lo pepe.

Nzoni Tënë so Luc asu na mbeti 3:16

Jean akiri tënë na ala kue, atene: “Ti mbi, mbi yeke batize ala na ngu, me lo so lo yeke ga ande, ngangu ti lo ahon ti mbi: mbi kpa zo ti zi akamba ti poro ti gere ti lo pepe. Fade lo yeke batize ala na Yingo-Vuru nga na wâ.

Jean 1:16

Biani, anzoni ye asi singo na lo, e kue, e wara ni na lege ti nzoni be ti lo na peko ti tere, na peko ti tere.

Jean 1:33

Mbi hinga ti mbi lo kozoni pepe, me lo so atokua mbi ti batize azo na ngu, lo tene: ‘Zo so mo yeke baa ande Yingo azu si aduti na ndö ti lo, lo laa lo yeke batize azo na Yingo-Vuru.’

Jean 3:5

Jésus akiri tënë na lo: “Biani, mbi tene na mo taa-tënë: tongana a du zo na ngu na Yingo pepe, zo ni alingbi ti li na Kodro-gbia ti Nzapa pepe.

Jean 4:10

Jésus akiri tënë na lo: “Tongana mo hinga fade ye so Nzapa ayeke mu na zo si mo hinga zo so ayeke hunda ngu ti nyongo ni na maboko ti mo so, ka mo wani laa mo yeke hunda na lo ngu so ayeke sara titene zo angba na fini.”

Jean 4:14

me zo so ayeke nyon ande ngu so mbi yeke mu na lo, nzara ti ngu ayeke kiri ti sara lo pepe. Ngu so mbi yeke mu na lo ayeke ga li ti ngu so fini so angba lakue lakue ayeke sigigi daa.”

Jean 6:63

Yingo ti Nzapa laa ayeke mu fini na zo; zo alingbi ti wara fini na ngangu ti lo wani pepe. Atënë so mbi tene na ala ayeke tënë ti Yingo na tënë ti fini.

Awatokua 1:5

Jean abatize azo na ngu, me na ya ti akete lango, fade Nzapa ayeke batize ala na Yingo-Vuru.”

Rome 3:22

Nzapa asara si azo aga mbirimbiri na le ti lo na lege so ala ma na be na Jésus Christ. Lo sara ni ndali ti azo so kue ama na be na Christ, ngbanga ti so kangbi ayeke na popo ti ala pepe:

Rome 3:29

Wala Nzapa ayeke gi Nzapa ti azuife awe? Lo yeke nga Nzapa ti azo ti mara nde pepe? Biani, lo yeke nga Nzapa ti azo ti amara nde,

Rome 4:11

Na ngoi so Abraham ade ti fâ ganza pepe, lo wara mbeni nzoroko so afa atene, Nzapa abaa lo tongana zo ti mbirimbiri na lege ti mabe. Nilaa Abraham aga babâ ti azo so kue ama na be, ataa so lo de ti fâ ganza pepe si Nzapa abaa ala nga tongana azo ti mbirimbiri.

1 Korente 10:2

Akotara ti e ni kue awara bateme na ya ti mbinda nga na ya ti kota ngu-ingo, ngbanga ti so ala ga oko na Moïse.

Galasii 3:23

Kozo titene ngoi ti mabe asi, e yeke lani tongana azo ti kanga na gbe ti Ndia ti ku ngoi so Nzapa ayeke sara titene e hinga tënë ti mabe.

Galasii 3:28

Tongaso, zuife wala zo ti amara nde ayeke daa mbeni pepe, ngbaa wala zo so ayeke ngbaa pepe ayeke daa mbeni pepe, koli wala wali ayeke daa mbeni pepe. Biani, ala kue ayeke oko, ngbanga ti so ala ga oko na Jésus Christ awe.

Efeze 3:6

Tënë ni ayeke so: na lege ti Nzoni Tënë, azo ti amara nde awara anzoni ye ti Nzapa legeoko na azuife; ala na azuife ayeke na ya ti tere oko. Na lege ti gango so ala ga oko na Jésus Christ, ala kue ayeke ku oko ye so Nzapa amu zendo ni.

Efeze 4:5

Kota Gbia ayeke gi oko, mabe ayeke gi oko, bateme ayeke gi oko.

Efeze 5:26

Lo sara tongaso titene Eglize ni aga nde si aga nzoni kue. Titene Eglize ni avuru tarara, lo sukula ni na ngu nga na lege ti tënë ti lo,

Efeze 6:8

Ayeke nzoni ala hinga atene, tongana mbeni zo asara nzoni kua, fade Kota Gbia ayeke futa lo, ataa zo ni ayeke ngbaa wala lo yeke ngbaa pepe.

Kolose 1:27

Nzapa aye si ala hinga mosoro na gonda so lo leke na hondengo ni ndali ti azo so ayeke azuife pepe. Ye so lo leke ayeke so: Christ ayeke na be ti ala si ala zia be ti ala ti ku titene ala duti ande na ya ti gonda ti lo.

Kolose 3:11

Nilaa greke wala zuife ayeke daa mbeni pepe, zo so afâ *ganza wala zo so afâ ganza pepe, zo ti amara nde wala basanzi, ngbaa wala zo so ayeke ngbaa pepe ayeke daa mbeni pepe; me kota ye ni ayeke so: Christ ayeke ye kue si lo yeke na be ti azo ti lo kue.

1 Pierre 3:21

So ayeke limo ti bateme so ayeke soo ala fadeso. Bateme ni ayeke ye ti sukulango zende na tere ti zo pepe, me ayeke ti hunda na Nzapa titene mbeni ye ti sioni aduti na be ti zo ni pepe. Bateme ni ayeke soo ala na kuâ, ngbanga ti so Jésus Christ azingo na kuâ awe.