1 Korente 12:11 - Mbeti ti Nzapa - Tënë so amu fini

¹¹ Me gi oko Yingo so laa ayeke sara aye so kue; lo laa lo yeke kangbi amatabisi so kue na azo tongana ti so be ti lo aye.

1 Korente 12:11 ပူးပေါင်းရင်းမြစ်များ

Matthieu 11:26

Biani Babâ, ye ni ayeke tongaso, ngbanga ti so mo yeda.

Matthieu 20:15

Mbi lingbi ti sara ye so be ti mbi aye na nginza ti mbi pepe? Be ti mo aso, ngbanga ti so mbi yeke zo ti nzoni be?’

Jean 3:27

Jean akiri tënë na ala: “Tongana Nzapa amu ye na zo pepe, zo ni alingbi ti wara ni pepe.

Jean 3:8

Pupu ayeke ya na ndo so be ti lo aye; mo yeke ma ni, me mo hinga ndo so alondo daa, wala ndo so ayeke gue daa pepe. Ye ni ayeke tongaso na azo so Yingo adu ala.”

Jean 5:21

Tongana ti so Babâ ayeke zingo akuâ si lo yeke mu na ala fini, Molenge nga ayeke mu fini na zo so be ti lo aye.

Rome 12:6

Nzapa amu na e amatabisi nde nde na lege ti nzoni be ti lo. Zo so ayeke na matabisi ti tenengo peko ti tënë ti yanga ti Nzapa, alingbi lo sara kua ni alingbi na mabe so lo yeke na ni.

Rome 9:18

Tongaso, Nzapa ayeke baa mawa ti zo so lo ye ti baa mawa ti lo, zo so lo ye ti sara si be ti lo akpengba, lo yeke sara ni.

1 Korente 12:18

Me Nzapa azia ambage ti tere ti e oko oko na ndo so be ti lo aye.

1 Korente 12:4

Amatabisi ayeke nde nde, me ala kue alondo gi na Yingo oko.

1 Korente 12:6

Akua ayeke nde nde, me gi oko Nzapa so laa ayeke mu ngangu na azo kue ti sara akua ni kue.

1 Korente 7:17

Ti tanga ti azo ni, alingbi zo oko oko angba na lege ti dutingo ti lo so *Kota Gbia amu na lo, alingbi lo ngba na lege ti dutingo ti lo ni na ndembe so Nzapa airi lo. Ye so mbi yeke mu yanga daa na *a-Eglize kue laa.

1 Korente 7:7

Ti be ti mbi, mbi ye si azo kue aduti tongana mbi; me zo oko oko ayeke na matabisi so Nzapa amu na lo: mbeni amu wali wala koli si mbeni amu wali wala koli laoko pepe.

2 Korente 10:13

Ti e, e yeke gonda tere ti e ahon ndoni pepe; e yeke gonda tere ti e asi na ndo so Nzapa afa na e ti sara kua ti lo daa, e yeke sara nga kua ni ngbii e si na ni na ndo ti ala.

Efeze 1:11

Na lege ti gango so e ga oko na Christ, Nzapa asoro e kozoni titene e ga azo ti lo alingbi na ye so lo leke na be ti lo, lo sara ye so kue tongana ti so be ti lo aye.

Efeze 4:7

Me e kue, e wara amatabisi; Jésus Christ laa akangbi amatabisi ni na zo oko oko kue alingbi na nzoni be ti lo.

Ahebro 2:4

Nzapa nga afa atene, tënë ni ayeke taa-tënë na lege ti aye ti kpene nde nde na aye ti dongo be nga na amatabisi ti Yingo-Vuru so lo kangbi na azo tongana ti so be ti lo aye.

Jacques 1:18

Tongana ti so be ti lo wani aye, lo mu na e fini na lege ti tënë ti lo so ayeke taa-tënë, tongaso si e ga tongana akozo zo ti lo na popo ti aye so kue lo sara.