1 Korente 11:7 - Mbeti ti Nzapa - Tënë so amu fini

⁷ Ti koli, alingbi lo kanga mbeni ye na li ti lo pepe, ngbanga ti so lo yeke limo ti Nzapa si lo yeke fa gonda ti Nzapa. Me wali ayeke fa gonda ti koli.

1 Korente 11:7 ပူးပေါင်းရင်းမြစ်များ

Tongo nda ti aye 3:16

Na pekoni, Nzapa atene na wali: “Mbi yeke sara ande titene na ndembe so mo yeke na ngo, mo yeke baa pasi mingi na ni; na ya ti pasi si mo yeke du amolenge. Fade nzara ti be ti mo kue ayeke gi na mbage ti koli ti mo, me lo yeke sara komandema na ndö ti mo.”

Tongo nda ti aye 5:1

So ayeke mbeti so a su tënë ti sewa ti Adam daa. Na lango so Nzapa asara zo, lo sara zo ni gi tongana lo Nzapa;

Tongo nda ti aye 9:6

Zo so atuku mene ti mba ti lo, fade gi mba ti lo zo laa ayeke tuku mene ti lo, ngbanga ti so Nzapa asara zo si zo ni akpa gi lo Nzapa.

Abia (Psaumes) 8:6

Mo sara lo, angba kete lo lingbi na *a-ange; mo zia lo gbia si mo mu na lo gonda na nengo.

Amato 12:4

Wali so ane ayeke sara gonda ti koli ti lo; me wali so ayeke sara ye ti kamene, lo yeke tongana sioni kobela so ayeke te zo na ya ti bio.

1 Korente 11:3

Me mbi ye ala hinga so Christ ayeke makonzi ti koli kue; koli ayeke makonzi ti wali si Nzapa ayeke makonzi ti Christ.

1 Korente 11:6

Tongana wali akanga ye na li ti lo pepe, ayeke nzoni lo fâ kua ti li ti lo. Me tongana fango kua ti li wala kiongo kua ti li ayeke ye ti kamene, ayeke nzoni lo kanga ye na li ti lo.

2 Korente 8:23

Ti Tite, lo yeke zo so mbi na lo, e yeke tambula; lo yeke mba ti mbi so mbi na lo, e yeke sara kua ndali ti ala. Ti a-ita so lo na ala ayeke gue so, ala yeke azo so a-Eglize atokua ala, ala yeke sara kua ndali ti gonda ti Christ.

Jacques 3:9

Na menga ti e si e yeke sepela *Kota Gbia, Babâ ti e. Gi na oko menga so, e yeke deba azo so Nzapa asara ala si ala kpa lo so.