1 Korente 11:6 - Mbeti ti Nzapa - Tënë so amu fini

⁶ Tongana wali akanga ye na li ti lo pepe, ayeke nzoni lo fâ kua ti li ti lo. Me tongana fango kua ti li wala kiongo kua ti li ayeke ye ti kamene, ayeke nzoni lo kanga ye na li ti lo.

1 Korente 11:6 ပူးပေါင်းရင်းမြစ်များ

Wungo ti azo 5:18

Na pekoni, wayango-sandaga ayeke zia wali ni ti luti na nduzu na dawa ti KOTA GBIA, lo yeke zi ya ti kua ti li ti wali ni, lo yeke zia na ya ti maboko ti lo sandaga ti hinga atene, siokpari ayeke daa, so ti tene sandaga ti mbanda. Ti wayango-sandaga ni, lo yeke gbu na ya ti maboko ti lo sengo ngu so ayeke ga na deba na ndö ti zo.

Awatokua 18:18

Paul angba na Korente aninga. Na pekoni, lo zia a-ita, azo ti Christ si lo mu mangboko ti gue na sese ti Sirii, lo na Priscille na Akilas. Kozo titene lo londo na gbata ti Sankre ti hon, lo kio kua ti li ti lo, ngbanga ti so lo deba yanga ti lo na le ti Nzapa.

1 Korente 11:5

Me wali so ayeke sambela wala ayeke tene peko ti tënë ti yanga ti Nzapa si lo kanga mbeni ye na li ti lo pepe, andaa lo ke ti ne koli ti lo so ayeke makonzi ti lo; lo yeke legeoko tongana wali so akio kua ti li ti lo.

1 Korente 11:7

Ti koli, alingbi lo kanga mbeni ye na li ti lo pepe, ngbanga ti so lo yeke limo ti Nzapa si lo yeke fa gonda ti Nzapa. Me wali ayeke fa gonda ti koli.

Ndia ti fani use ni 22:5

Moïse atene: Alingbi wali ayu bongo ti koli pepe; alingbi koli ayu bongo ti wali pepe. Azo so asara mara ti ye tongaso aga sioni mingi na le ti *KOTA GBIA Nzapa ti ala, azo ti Israel.