1 Korente 11:4 - Mbeti ti Nzapa - Tënë so amu fini

⁴ Koli so ayeke sambela wala ayeke tene peko ti tënë ti yanga ti Nzapa si lo kanga mbeni ye na li ti lo, andaa lo ke ti ne Christ, makonzi ti lo.

1 Korente 11:4 ပူးပေါင်းရင်းမြစ်များ

2 Samuel 15:30

David ayeke ma hoto ti a-olive na toto na yanga ti lo. Lo kanga bongo na li ti lo si lo yeke tambula gere senge. Azo so kue ayeke na tere ti lo ti gue na li ti hoto ni, ala nga akanga bongo na li ti ala si ala yeke toto.

2 Samuel 19:4

Na lango ni so, aturugu akiri na kodro na hondengo ni tongana aturugu so akpe bira si kamene ahon ndö ti ala.

Mishe 7:6

Biani, molenge-koli ayeke iri babâ ti lo zo ti gbogbolinda, molenge-wali ayeke ga wato ti mama ti lo, wali ayeke ga wato ti mama ti koli ti lo; wato ti zo oko oko ayeke azo ti da ti lo wani.

Awatokua 13:1

Na *Eglize ti Antioshe, *awayanga-Nzapa na awafango-ye ayeke daa: Barnabas, Siméon so a iri lo Zo-vuko, Lusius ti kodro ti Sirene, Manaen so lo na kota komanda Herode akono oko, na Saul.

1 Korente 11:14

Tongana koli ayeke na yongoro kua ti li, lo bi tere ti lo na sese awe. Gigi laa ayeke fa na ala ye so pepe?

1 Korente 11:5

Me wali so ayeke sambela wala ayeke tene peko ti tënë ti yanga ti Nzapa si lo kanga mbeni ye na li ti lo pepe, andaa lo ke ti ne koli ti lo so ayeke makonzi ti lo; lo yeke legeoko tongana wali so akio kua ti li ti lo.

1 Korente 12:10

lo yeke mu na mbeni zo ngangu ti sarango aye ti kpene; lo yeke mu na mbeni zo lege ti tenengo peko ti tënë ti yanga ti Nzapa; lo yeke mu na mbeni zo lege ti hingango ye so alondo na Yingo na ye so alondo na Yingo pepe; lo yeke mu na mbeni zo lege ti tenengo tënë na ambeni yanga nde so zo ahinga ni pepe; lo yeke mu na mbeni zo lege ti kiringo peko ti ayanga ni na amba ti lo.

1 Korente 12:28

Tongaso, lege so Nzapa azia azo na ya ti *Eglize laa: kozoni, lo zia *awatokua; use ni, lo zia awayanga-Nzapa; ota ni, lo zia awafango-ye; na pekoni, lo zia azo so lo mu na ala matabisi ti sarango aye ti kpene, ti kaingo kobela, ti mungo maboko na amba ti ala, ti dutingo na li ti amba ti ala, ti tenengo tënë na ayanga nde nde so ala hinga ni pepe.

1 Korente 13:2

Tongana mbi yeke na matabisi ti tenengo peko ti tënë ti yanga ti Nzapa, tongana mbi hinga nda ti aye so kue angba na hondengo ni, tongana mbi hinga ye kue, tongana mbi yeke na mabe ti sara si ahoto alondo ahon si mbi ye amba ti mbi pepe, mbi yeke ye oko pepe.

1 Tesalonike 5:20

ala baa atënë ti awayanga-Nzapa tongana abuba tënë pepe.