1 Korente 11:32 - Mbeti ti Nzapa - Tënë so amu fini

³² Me Kota Gbia afâ ngbanga ti e si lo pika e titene lo fâ ngbanga na li ti e tongana ti tanga ti azo ti dunia so pepe.

1 Korente 11:32 ပူးပေါင်းရင်းမြစ်များ

2 Samuel 7:14

Fade mbi yeke duti babâ ti lo si lo yeke duti molenge ti mbi. Tongana lo sara sioni, mbi yeke pika lo na zaza tongana ti so babâ ayeke pika molenge ti lo.

Abia (Psaumes) 118:18

Biani, KOTA GBIA apika mbi, me lo zia mbi titene mbi kui pepe.

Ésaïe 1:5

So ala ngba ti sara ngangu li so, fade lo yeke kiri ti pika ala na ndo wa? Li ti ala kue gi ka, be ti ala kue gi kobela.

Jérémie 7:28

Tongaso, fade mo yeke tene na ala, mo tene: Ala yeke azo ti mara so ama yanga ti KOTA GBIA, Nzapa ti ala pepe; ala ke ti ma wango. Taa-tënë ayeke mbeni pepe; zo ti tenengo taa-tënë ayeke daa mbeni pepe.”

Sofonii 3:2

Gbata ni ama iringo ndo pepe, lo ma wango pepe, lo zia be ti lo na ndö ti *KOTA GBIA pepe, lo ga nduru na Nzapa ti lo pepe.

Rome 3:19

E hinga so atënë ti *Ndia kue abaa azo so ayeke na gbe ti Ndia. Tongaso si zo oko awara tënë ti kiringo na ni pepe si na le ti Nzapa, ngbanga ayeke na li ti azo ti dunia kue.

Rome 5:16

Ye so Nzapa amu na zo senge senge ayeke nga nde na ye so asi na peko ti siokpari ti zo oko. Biani, na peko ti siokpari ti zo oko, Nzapa afâ ngbanga na li ti azo kue; me na peko ti aye ti kirikiri mingi so azo asara, Nzapa asara nzoni be si lo mu lege na azo ni ti ga mbirimbiri na le ti lo.

1 Korente 1:20

Zo ti ndara ayeke na ndo wa? Wafango-ndia ayeke na ndo wa? Zo ti *bingbingo tënë ti ngoi so ayeke na ndo wa? Nzapa asara si ndara ti dunia so aga gi buba ye.

1 Korente 1:21

Biani, azo ti dunia so, na ndara ti ala wani alingbi ti hinga Nzapa pepe, ataa na ndo so lo fa ndara ti lo daa. Ndani laa, lo leke na be ti lo ti soo azo so ama na be gi na lege ti tënë so e yeke fa si akpa buba tënë so.

1 Korente 11:30

Ndani laa, na popo ti ala, azo ti kobela na azo so mbage ti tere ti ala abuba ayeke mingi si ambeni mingi akui.

1 Korente 11:31

Tongana e wani, e baa fade be ti e nzoni kozoni, ka Kota Gbia afâ ngbanga na li ti e pepe.

1 Korente 11:33

Tongaso a-ita, tongana ala bongbi ti te kobe ti Kota Gbia, ala ku amba ti ala.

Ndia ti fani use ni 8:5

Alingbi ala hinga so nzoni: KOTA GBIA aye ti fa lege ti hingango ndo na ala tongana ti so babâ ayeke fa lege ti hingango ndo na molenge ti lo.

1 Timothée 1:20

Himene na Alexandre ayeke na popo ti azo ni so. Mbi zia ala na maboko ti Satan titene ala manda ti kiri ti zonga Nzapa pepe.

1 Jean 5:19

E hinga so, e yeke azo ti Nzapa, me dunia kue ayeke na gbe ti komandema ti Sioni wato.

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!