1 Korente 11:29 - Mbeti ti Nzapa - Tënë so amu fini

²⁹ ngbanga ti so zo so ate mapa ni si anyon kopo ni, lo baa na le ti lo tongana tere ti Kota Gbia pepe, andaa lo yeke te, lo yeke nyon ti fâ ngbanga na li ti lo wani.

1 Korente 11:29 ပူးပေါင်းရင်းမြစ်များ

Zo ti bongbingo azo 8:5

Zo so asara ye alingbi na tënë ti ndia, fade sioni ye ayeke wara lo pepe. Zo ti ndara ahinga na be ti lo atene, na ngoi so a diko, fade fango ngbanga ayeke duti daa.

Nzoni Tënë so Luc asu na mbeti 7:34

*Molenge ti Zo aga, lo yeke te, lo yeke nyon, me ala tene: ‘Ala baa, koli so ayeke gbongo ti kobe si lo yeke nyon samba mingi! Lo ye tënë ti azo ti rongo nginza ti lapo na azo ti siokpari!’

Rome 13:2

Tongaso, zo so ake ti ma yanga ti akota zo ti li ti kodro, andaa lo ke ye so Nzapa aleke ni awe. Azo so asara ngangu li na akota zo ti li ti kodro, fade ala wani ayeke gi ngbanga na li ti ala.

1 Korente 11:24

lo mu singila na Nzapa, lo fâ ya ni si lo tene: “So ayeke tere ti mbi so mbi mu ndali ti ala. Ala sara ye so ti dabe ti ala na mbi.”

1 Korente 11:27

Ndani laa, zo so ate mapa so si anyon kopo ti Kota Gbia na lege so ane lo pepe, fade tënë ayeke na li ti lo ndali ti tere na mene ti Kota Gbia.

1 Korente 11:28

Ayeke nzoni zo oko oko abaa be ti lo nzoni kozoni si lo te mapa so si lo nyon kopo so,

1 Korente 11:30

Ndani laa, na popo ti ala, azo ti kobela na azo so mbage ti tere ti ala abuba ayeke mingi si ambeni mingi akui.

Ahebro 5:14

Kpengbango kobe ayeke ndali ti akangba, ngbanga ti so na lege ti sarango ye so ala yeke sara lakue, le ti ala azi awe ti hinga ye ti nzoni na ye ti sioni.

Jacques 3:1

A-ita ti mbi, alingbi azo mingi na popo ti ala aga awafango-ye pepe! Ala hinga atene, e so e yeke awafango-ye, fade Nzapa ayeke fâ ngbanga na li ti e ngangu ahon ti tanga ti azo kue.

Jacques 5:12

Gi ye oko, a-ita ti mbi, alingbi ala deba na iri ti yayu, wala na iri ti sese, wala na iri ti mbeni ye pepe. Me tongana ala yeda na mbeni tënë, ala tene gi “een, mbi yeda”; tongana ala ke mbeni tënë, ala tene “ên-en, mbi ke”. Tongaso si ala ti na gbe ti ngbanga ti Nzapa pepe.