1 Korente 11:25 - Mbeti ti Nzapa - Tënë so amu fini

²⁵ Na peko ti tengo kobe, lo mu kopo si lo kiri lo sara gi tongaso, lo tene: “Kopo so ayeke fini *mbuki na lege ti mene ti mbi. Lakue tongana ala yeke nyon ni, ala sara ye so ti dabe ti ala na mbi.”

1 Korente 11:25 ပူးပေါင်းရင်းမြစ်များ

Sigingo 24:6

Moïse amu ndambo ti mene ti anyama ni, lo zia na ya ti adu ti sembe; tanga ti mene ni, lo fi na ndö ti gbalaka ni.

Sigingo 24:8

Moïse amu mene ni, lo fi na tere ti azo ni si lo tene: “So ayeke mene ti mbuki so Nzapa asara ndali ti ala laa; lo sara ni alingbi na atënë ti ndia so kue.”

Jérémie 31:31

“Mbeni lango ayeke ga so mbi na azo ti Israel nga na azo ti Juda, e yeke sara fini *mbuki; so tënë ti yanga ti KOTA GBIA laa.

Nzoni Tënë so Luc asu na mbeti 22:20

So ala te kobe ni awe, lo mu nga kopo ti vin si lo tene: “Kopo so ayeke fini *mbuki na lege ti mene ti mbi, mene so atuku ndali ti ala.

1 Korente 10:16

Kopo so e yeke mu singila na Nzapa ndali ni si e yeke nyon ni so, ni laa ayeke sara titene e duti na beoko na mene ti Christ pepe? Mapa so e yeke fâ ya ni, ni laa ayeke sara titene e duti na beoko na tere ti Christ pepe?

1 Korente 11:24

lo mu singila na Nzapa, lo fâ ya ni si lo tene: “So ayeke tere ti mbi so mbi mu ndali ti ala. Ala sara ye so ti dabe ti ala na mbi.”

2 Korente 3:14

Me lege ti hingango ndo ti ala akanga ando! Ndani laa, ti londo na ndembe ni so ngbii asi laso, tongana ala yeke diko mbeti ti Kozo Mbuki, bongo ni angba ti kanga le ti ala; a de azi bongo ni so pepe. A yeke zi bongo ni gi na le ti zo so aga oko na Christ.

2 Korente 3:6

Lo laa lo sara si e ga azo so alingbi ti sara kua ti fini *mbuki so alondo na ndia so a su ni sungo pepe, me so alondo na Yingo-Vuru. Ndia so a su ni sungo ayeke gue na zo na kuâ, me Yingo ayeke mu fini na zo.

Ahebro 13:20

Nzapa so ayeke mu siriri na zo, lo sara si *Kota Gbia ti e Jésus so lo yeke kota wabatango-taba, alondo na popo ti akuâ asigigi. Ndali ti mene ti lo so lo mu na *sandaga, e na Nzapa, e sara *mbuki so ayeke ngba lakue lakue.