1 Korente 11:20 - Mbeti ti Nzapa - Tënë so amu fini

²⁰ Na ndembe so ala yeke bongbi, ye so ala yeke te ayeke kobe ti *Kota Gbia pepe.

1 Korente 11:20 ပူးပေါင်းရင်းမြစ်များ

Osée 8:13

Ala yeke fâ anyama ti mu na *sandaga, ngbanga ti so ala ye ti te kasa ti anyama ni; me sandaga ni azia ngia na be ti KOTA GBIA pepe. Fadeso, KOTA GBIA adabe ti lo na sioni ti ala si lo yeke ga ti kiri na ala peko ti sioni ndali ti asiokpari ti ala. Fade ala yeke kiri na Ezipte.

Zakarii 7:6

So lani ala yeke te si ala yeke nyon so, ala sara ni gi ndali ti ala wani pepe?”

Awatokua 2:42

Ala yeke bongbi lakue na tere ti *awatokua ti manda ye, ti duti na beoko, ti te kobe ti beoko, ti sambela Nzapa.

Awatokua 2:46

Na ya ti lango oko oko, na beoko, ala yeke bongbi na ya ti kota da ti Nzapa, ala yeke te kobe na ndo oko na ya ti ada ti ala, ala yeke te ni na ngia na nzoni be.

1 Korente 11:17

Tënë so mbi ye ti tene fadeso na ala, mbi yeke gonda ala pepe. Bongbingo tere ti ala ayeke sara nzoni na ala pepe, me ayeke sara sioni mingi na ala.

1 Korente 11:19

Ti tene taa-tënë, alingbi kangbi aduti na popo ti ala, tongaso si a hinga azo so na popo ti ala ayeke sara ye na legeni.

1 Korente 11:21

Biani, zo oko oko ayeke do tere ti te kobe ti lo wani, ambeni zo ayeke ngba na nzara si samba ayeke sara ambeni.

Ahebro 10:25

E do abongbi ti e, e zia pepe tongana ti so ambeni zo asara; me e mu wango na popo ti e ahon ti kozoni, ngbanga ti so ala baa so, lango ti Christ aga nduru awe.

2 Pierre 2:13

Futa so ala yeke wara ande na peko ti sarango ye ti kirikiri ti ala ni laa. Ye so anzere na be ti azo ni ayeke sarango ye ti kamene na kota lâ. Tongana ala duti na ndo oko na ala, a-ita, ti te ti nyon, so ayeke mbeni ye ti kamene si ayeke sara titene iri ti ala abuba. Azo ni ayeke wara ngia na lege ti handango ala, a-ita.

Jude 1:12

A-ita, na ndembe so ala yeke te kobe ti beoko si azo ni so ayeke na popo ti ala, azo ni aga tongana mbeni sarate na ya ti matanga ti ala ti tengo kobe. Azo ni so ayeke te ye na kamene pepe, ala hinga gi nzara ti ya ti ala. Ala yeke tongana ambinda so pupu ayeke hon na ni si ngu apika na peko ni pepe. Ala yeke nga tongana akeke so ale pepe, ataa so ndembe ni alingbi awe; tongana a zi gere ni, akui biani biani.