1 Korente 11:17 - Mbeti ti Nzapa - Tënë so amu fini

¹⁷ Tënë so mbi ye ti tene fadeso na ala, mbi yeke gonda ala pepe. Bongbingo tere ti ala ayeke sara nzoni na ala pepe, me ayeke sara sioni mingi na ala.

1 Korente 11:17 ပူးပေါင်းရင်းမြစ်များ

Amato 27:5

Sukungo na zo na le ti lo ayeke nzoni ahon yengo tere so ahonde le ni hondengo.

Awayango-sandaga 19:17

“Be ti ala ake ita ti ala pepe, me ala suku na zo ti kodro ti ala, tongaso si sioni ti lo ati na li ti ala pepe.

Rome 13:3

Zo so ayeke sara nzoni ye, mbeto ti azo ti komandema alingbi ti sara lo pepe, me zo so asara sioni ye, lo laa lo lingbi ti sara mbeto ti azo ti komandema. Tongana mo ye titene mbeto ti akota zo ti li ti kodro asara mo pepe, ayeke nzoni mo sara nzoni ye si fade ala gonda mo.

1 Korente 11:2

Mbi gonda ala, ngbanga ti so na ngoi kue, ala yeke dabe ti ala na mbi si ala yeke sara ye alingbi na atënë so mbi fa na ala.

1 Korente 11:20

Na ndembe so ala yeke bongbi, ye so ala yeke te ayeke kobe ti *Kota Gbia pepe.

1 Korente 11:22

Ala yeke na ada ti ala titene ala te si ala nyon na ya ni pepe? Wala ala baa *Eglize ti Nzapa na le ti ala tongana buba ye? Ala ye ti zia kamene na le ti azo so ayeke na ye pepe so? Fade mbi yeke tene na ala nyen? Mbi gonda ala? Oko pepe! Mbi yeke gonda ala na ndö ti tënë so pepe.

1 Korente 11:34

Tongana nzara asara mbeni zo, alingbi lo te kobe na da ti lo, tongaso si ala bongbi ti iri ngbanga ti Nzapa na li ti ala pepe. Tongana mbi si kâ, fade mbi yeke leke tanga ti atënë ni.

1 Korente 14:23

Tongana azo ti Eglize kue abongbi si azo kue ayeke tene tënë na ambeni yanga nde, tongana ambeni senge zo wala azo so ama na be pepe ali na popo ti ala, fade azo ni ayeke tene, mbeni ye asara li ti ala sarango pepe?

1 Korente 14:26

Tongaso a-ita, fade e yeke sara tongana nyen? Tongana ala bongbi, mbeni zo na popo ti ala alingbi ti he mbeni bia, mbeni afa ye wala lo tene tënë ti mbeni ye so Nzapa afa na lo, mbeni atene tënë na ambeni yanga nde, mbeni akiri peko ti tënë ni na yanga ti kodro titene azo ama ya ni. Aye so kue ala yeke sara, alingbi ala sara ni titene azo ti *Eglize akpengba.

Ahebro 10:25

E do abongbi ti e, e zia pepe tongana ti so ambeni zo asara; me e mu wango na popo ti e ahon ti kozoni, ngbanga ti so ala baa so, lango ti Christ aga nduru awe.

1 Pierre 2:14

Ala ma nga yanga ti agovoronere so lo zia na li ti akodro ti fâ ngbanga na li ti azo ti sarango sioni ye, me ti gonda azo so ayeke sara nzoni ye.