1 Korente 11:16 - Mbeti ti Nzapa - Tënë so amu fini

¹⁶ Me tongana mbeni zo aye ti ke tënë so, ayeke nzoni lo hinga lo tene, mbeni lege nde ayeke daa pepe so e na *a-Eglize ti Nzapa, e yeke sara ka na ni.

1 Korente 11:16 ပူးပေါင်းရင်းမြစ်များ

Jérémie 32:11

Mbi mu mbeti ti vongo yaka ni, ti so mbi kpo nzoroko ti mbi daa alingbi na tënë ti ndia so, nga na ti so a kanga yanga ni pepe so,

Awatokua 21:21

Ambeni zo atene na ala, atene: mo yeke fa na azuife so ayeke na popo ti ambeni mara nde titene ala zia lege ti ye so Moïse afa. Mo tene nga na ala, mo tene, ala fâ amolenge ti ala na *ganza pepe si ala zia ti sara aye ti akotara ti azuife.

Awatokua 21:24

Mu ala, mo gue na ala si mo na ala *asukula asioni ti ala, mo futa aye kue ndali ti ala, na pekoni ala lingbi ti kio kua ti li ti ala. Tongaso, fade azo kue ayeke hinga atene, atënë so azo atene na iri ti mo so ayeke taa-tënë pepe, me mo nga, mo yeke bata ndia ti Moïse.

1 Korente 11:15

Ti wali, yongoro kua ti li ayeke ye ti nengo lo, ngbanga ti so Nzapa amu ni na lo tongana ye ti kangango na li ti lo.

1 Korente 16:1

Tënë ti bongbingo nginza ti mu maboko na azo ti Nzapa, ayeke nzoni ala sara ni gi tongana ti so mbi mu yanga na *a-Eglize ti Galasii ti sara.

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

1 Korente 7:17

Ti tanga ti azo ni, alingbi zo oko oko angba na lege ti dutingo ti lo so *Kota Gbia amu na lo, alingbi lo ngba na lege ti dutingo ti lo ni na ndembe so Nzapa airi lo. Ye so mbi yeke mu yanga daa na *a-Eglize kue laa.

1 Korente 9:1

Mbi yeke ngbaa? Mbi yeke *watokua pepe? Mbi baa Jésus *Kota Gbia ti e lani pepe? Kua so mbi sara na Kota Gbia so, ala laa ayeke ye ti peko ni pepe?

1 Korente 9:6

Gi mbi na Barnabas laa e lingbi ti ngba ti sara kua ti wara na kobe ti yanga ti e?

1 Tesalonike 2:14

Biani, a-ita, azo ti Tesalonike, ala sara ye awe gi tongana ti azo ti *Eglize ti Nzapa so ayeke na sese ti Judée, ala so aga oko na Jésus Christ so. Ala baa pasi na maboko ti azo ti kodro ti ala wani tongana ti so azo ti Eglize ti Judée abaa pasi na maboko ti azuife.