1 Korente 10:4 - Mbeti ti Nzapa - Tënë so amu fini

⁴ ala kue anyon nga gi oko ngu ti yingo, ngbanga ti so ala yeke nyon ando ngu so alondo na ya ti kota têne ti yingo so ayeke tambula na peko ti ala, kota têne ni ayeke Christ.

1 Korente 10:4 ပူးပေါင်းရင်းမြစ်များ

Tongo nda ti aye 40:12

Joseph atene na lo: “Nda ti bango-li ti mo ni ayeke tongaso: amaboko ti keke ota so ayeke lango ota.

Tongo nda ti aye 41:26

Anzoni mama ti bagara mbarambara so ayeke ngu mbarambara. Anzoni li ti ble mbarambara so ayeke nga ngu mbarambara. Bango-li ti gbia ayeke gi oko.

Abia (Psaumes) 105:41

Lo suru ya ti kota têne, ngu asigigi daa; ngu ni asua tongana *bale na ya ti benyama.

Abia (Psaumes) 78:15

Na benyama, lo suru ya ti akota têne ti mu na ala ngu titene ala nyon, ngu so ayeke tongana ngu ti kota du so ali mingi.

Abia (Psaumes) 78:20

Biani, lo pika kota têne, ngu asigigi daa, ngu ni asua gbani gbani. Me lo lingbi nga ti mu na e mapa wala lo lingbi nga ti mu nyama na azo ti lo?”

Sigingo 17:6

Ti mbi, fade mbi yeke luti na dawa ti mo, na ndö ti mbeni kota têne so ayeke na Horeb. Fade mo yeke pika têne ni, ngu ayeke sigigi daa si azo ni ayeke nyon.” Moïse asara tongaso na dawa ti akangba ti Israel.

Ésaïe 43:20

Fade anyama ti ngonda, *anzagua na *anaamo ayeke gonda mbi, ngbanga ti so mbi sara si ngu asua na ndo so ngu ayeke daa pepe, abale asua na ndo so ahole holengo. Biani, mbi ye ti mu ngu ti nyongo ni na azo ti mbi so mbi soro ala.

Ésaïe 48:21

Na ya ti benyama so lo fa lege na azo ti lo, nzara ti ngu asara ala pepe. Ndali ti ala, lo sara si ngu asigigi na ya ti têne; lo suru ya ti têne ni si ngu asigigi daa.

Daniel 2:38

Lo zia na gbe ti komandema ti mo azo, anyama ti ngonda na andeke ti nduzu na ndo so kue ala yeke daa. Lo zia mo na li ti ala kue. Mo laa mo yeke li ni so ayeke na lôro so!

Daniel 7:17

‘Akota nyama osio so ayeke agbia osio so ayeke londo ande na sese.

Wungo ti azo 20:11

Moïse ayo maboko ti lo na nduzu, lo pika têne ni na nduru keke ti lo fani use. Mo ye ti baa, ngu asigigi gbani gbani na ya ti têne ni, bongbi ti azo ni anyon, ala na anyama ti ala.

Jean 4:10

Jésus akiri tënë na lo: “Tongana mo hinga fade ye so Nzapa ayeke mu na zo si mo hinga zo so ayeke hunda ngu ti nyongo ni na maboko ti mo so, ka mo wani laa mo yeke hunda na lo ngu so ayeke sara titene zo angba na fini.”

Jean 4:14

me zo so ayeke nyon ande ngu so mbi yeke mu na lo, nzara ti ngu ayeke kiri ti sara lo pepe. Ngu so mbi yeke mu na lo ayeke ga li ti ngu so fini so angba lakue lakue ayeke sigigi daa.”

Jean 7:37

Tanga ti lango ti matanga ni ayeke mbeni kota lango mingi. Jésus aluti na nduzu si lo tene tënë na kota go, lo tene: “Tongana nzara ti ngu asara mbeni zo, ayeke nzoni lo ga na mbi, lo nyon ngu.

Galasii 4:25

Agar ayeke hoto ti Sinai so ayeke na sese ti Arabii. Lo yeke tapande ti Jérusalem ti laso, ndali ti so lo na amolenge ti lo kue ayeke angbaa.

Ndia ti fani use ni 9:21

Mbi mu bagara so ala sara so, ye ti peko ti siokpari ti ala ni, mbi bi ni na le ti wâ. Na pekoni, mbi fâ ya ni nduru nduru, mbi nika ni si aga fuku. Mbi tuku fuku ni na ya ti ngu so alondo na li ti hoto si ayeke sua.

Kolose 2:17

Ye so kue ayeke tongana gbe ti de ti ye so ayeke ga gbanda, me taa ye ni ayeke Christ.

Ahebro 10:1

Aye so ayeke daa, *Ndia ti Moïse ayeke fa ni mbirimbiri kue pepe; Ndia ni ayeke gi limo ti anzoni ye so ayeke ga. Ngu na ngu, azo ayeke mu *sandaga ndali ti asiokpari ti ala, ala yeke mu gi oko sandaga ni lakue lakue; ala yeke zia ni pepe. Ataa so ala yeke sara tongaso, Ndia alingbi ti sara si azo so aye ti ga nduru na Nzapa, aga nzoni kue pepe.

Aye so Nzapa afa 22:17

Yingo-Vuru na wali so amu koli na fini ni atene: “Ga!” Ayeke nzoni zo so ama tënë so, atene: “Ga!” Zo so nzara ti ngu asara lo, ayeke nzoni lo ga. Zo so ayeda, ayeke nzoni lo mu ngu senge senge lo nyon, ngu so ayeke mu fini na zo.