Kopo so e yeke mu singila na Nzapa ndali ni si e yeke nyon ni so, ni laa ayeke sara titene e duti na beoko na mene ti Christ pepe? Mapa so e yeke fâ ya ni, ni laa ayeke sara titene e duti na beoko na tere ti Christ pepe?
A-ita, ayeke nzoni gbungo-li ti ala ayeke tongana ti amolenge pepe. Tongana ayeke tënë ti sarango sioni, ala ga tongana akete molenge so ahinga ti sara sioni pepe; me ayeke nzoni gbungo-li ti ala ayeke tongana ti akota zo.
Ndali ti Christ, e ga azo so li ti ala ayeke daa pepe, me ti ala, ala ga azo ti ndara na lege ti gango so ala ga oko na Christ. E yeke ti e na ngangu pepe, me ti ala, ala yeke na ngangu. Azo ayeke ne ala, me ti e, azo ayeke baa e tongana ambumbuse zo.
Mbi tene tënë so ti bi kamene na le ti ala. Na popo ti ala, mbeni zo ti ndara ti fâ ngbanga ti atënë na popo ti a-ita ti lo, azo ti Christ, ayeke daa pepe?
Âdu tënë ti anyama so a yeke ya na *sandaga na anzapa nde, taa-tënë, tongana ti so ala yeke tene: “E kue, e yeke azo ti hingango ye.” Hingango ye so ayeke sara si baba ahon ndö ti zo, me ndoye ayeke sara si zo ti Christ amai.