1 Korente 10:13 - Mbeti ti Nzapa - Tënë so amu fini

¹³ Aye ti tarango be so kue asi na ala ayeke aye so ayeke si na azo kue. Nzapa ayeke sara ye alingbi na tënë ti yanga ti lo: lo lingbi ti zia ala titene aye ti tarango be ahon ngangu ti ala pepe. Me tongana ye ti tarango be asi, fade Nzapa ayeke mu na ala ngangu titene ala kanga be ti ala daa, lo yeke mu nga na ala lege ti sigingo na ya ni.

1 Korente 10:13 ပူးပေါင်းရင်းမြစ်များ

Abia (Psaumes) 124:7

E sigigi na ya ti gbanda ti azo ni tongana ndeke so asigigi na ya ti gbanda so agbu lo. Ya ti gbanda ni asuru si e kpe, e hon.

Abia (Psaumes) 125:3

Fade mbeni sioni gbia alingbi ti sara komandema pepe na ndö ti kodro so aga ye ti azo ti mbirimbiri; tongaso pepe, fade azo ti mbirimbiri ni ayeke yoro tere ti ala na ya ti sioni.

Abia (Psaumes) 36:5

Na bi, so lo yeke na ndö ti gbogbo ti lo, lo yeke gbu li ti lo na ndö ti sioni ye so lo ye ti sara. Lo ngba gi na lege so ayeke nzoni oko pepe, lo yeke ke ye ti sioni pepe.

Abia (Psaumes) 89:33

fade mbi yeke pika ala na zaza ndali ti so ala ke yanga ti mbi, mbi yeke pika ala ndali ti sioni ti ala.

Sigingo 3:17

Nilaa mbi tene: Mbi yeke zi ala na sese ti Ezipte, ndo so ala yeke baa pasi daa mingi so, ti sigigi na ala. Mbi yeke gue na ala na sese ti azo ti Kanaan, azo ti mara ti Het, ti Amori, ti Perizi, ti Hivi na ti Yebus, *sese so ngu ti me ti bagara na mafuta ti wotoro asi singo daa.’

Ésaïe 11:5

Fade sarango ye ti mbirimbiri ayeke duti tongana kamba ti ndö ti bongo ti lo, sarango ye lakue na legeni ayeke duti tongana kamba so lo kanga na ngbonda ti lo.

Ésaïe 25:1

*KOTA GBIA, mo yeke Nzapa ti mbi, mbi yeke ya iri ti mo, mbi yeke sepela iri ti mo, ngbanga ti so mo sara aye ti dongo be. Mo leke tënë ti aye ni na be ti mo ngbene ye aninga, aluti ngangu si akpengba.

Ésaïe 49:7

Mo so lani azo abaa mo tongana mbumbuse zo, so be ti azo kue ake mo, mo so mo yeke ngbaa ti azo ti sarango ngangu na zo, *KOTA GBIA, lo so lo zi azo ti lo, Nzapa ti Israel so ayeke nde si ayeke nzoni kue, tënë so lo tene na mo ayeke so: “Tongana agbia ayeke baa ande mo, ala yeke londo na ndö ti mbata ti ala; tongana amakonzi ayeke baa mo, ala yeke kuku akpo li ti ala na sese na dawa ti mo.” Ye ni ayeke si ndali ti KOTA GBIA so ayeke sara ye alingbi na tënë ti yanga ti lo, ndali ti Nzapa ti Israel so ayeke nde si ayeke nzoni kue, lo so lo soro mo.

Jérémie 12:5

KOTA GBIA atene: “Tongana mo lingbi ti mu loro na azo ti kpengo loro pepe, mo lingbi ti sara mandako ti loro na ambarata tongana nyen? Tongana mo duti na siriri gi na ya ti kodro so ye kue ayeke na legeni, fade mo yeke sara tongana nyen na ya ti gbako ti yanga ti ngu ti Jourdain?

Jérémie 29:11

Biani, mbi KOTA GBIA, mbi hinga apialo so mbi leke ndali ti ala, apialo titene ala baa sioni daa pepe, me apialo titene ala baa nzoni daa; so tënë ti yanga ti KOTA GBIA laa. Mbi ye ti mu na ala ye so ala lingbi ti zia be ti ala ti ku ni ndali ti gigi ti ala ti gbanda.

Abia ti demango tere 3:23

Lakue na ndaperere, nzoni be ti lo akiri aga tongana fini ye. KOTA GBIA, mo yeke sara ye alingbi na tënë ti yanga ti mo lakue!

Daniel 3:17

Me ayeke nzoni mo hinga, mo tene, Nzapa ti e so e yeke sara na lo, tongana lo lingbi ti zi e na ya ti kota wâ ni nga na maboko ti mo, fade lo yeke zi e senge.

Osée 2:20

Na lango ni so, ndali ti azo ti mbi, fade mbi yeke sara mbuki na anyama ti ngonda, andeke ti nduzu, anyama so ayeke hara harango na sese. Mbi yeke zi kokora, yongoro zeme na aye ti bira na ya ti kodro ni; mbi yeke sara titene azo ti kodro ni alango kpoo.

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Nzoni Tënë so Luc asu na mbeti 11:4

Zi siokpari ti e na li ti e, ngbanga ti so e nga, e yeke zi siokpari na li ti azo so kue asara sioni na e. Sara si e ti na ya ti ye ti tarango be pepe.”

Nzoni Tënë so Luc asu na mbeti 16:26

Na ndö ni kue, mbeni *kota du so alinda mingi ayeke na popo ti e na ala. Tongaso, azo so aye ti londo ge ti gue na mbage ti ala kâ, ala lingbi ti gue pepe; zo so ayeke na mbage ti ala kâ alingbi nga ti ga na mbage ti e ge pepe.’

Nzoni Tënë so Luc asu na mbeti 22:46

Lo tene na ala: “Ala lango ngbanga ti nyen? Ala londo asambela si ye ti tarango be ahon ndö ti ala pepe.”

Awatokua 27:44

Na pekoni, tanga ti azo ni amu peko ti ala, ambeni na ndö ti *amabaya, ambeni na ndö ti anduru mbage ti mangboko so afâ so. Na lege so laa e kue, e si na sese na nzoni tere.

1 Korente 1:9

Nzapa ayeke sara ye alingbi na tënë ti yanga ti lo: lo laa lo iri e titene e duti na beoko na Molenge ti lo Jésus Christ, Kota Gbia ti e.

2 Korente 1:10

Lo laa lo zi e na ya ti kuâ, fade lo yeke kiri ti zi e na ya ni. Biani, e zia be ti e ti ku lo, fade lo yeke kiri ti zi e.

Ndia ti fani use ni 7:9

Alingbi ala hinga atene, KOTA GBIA Nzapa ti ala laa ayeke Nzapa, taa Nzapa biani. Lo yeke bata tënë ti *mbuki ti lo si lo yeke sara nzoni be na azo so aye lo si ala yeke sara ye alingbi na atënë ti yanga ti lo, ngbii asi na molongo saki oko ti *ahale ti ala.

1 Tesalonike 5:24

Nzapa so airi ala, lo yeke sara ye alingbi na tënë ti yanga ti lo: fade lo yeke sara ye so kue.

2 Tesalonike 3:3

Me Kota Gbia ayeke sara ye alingbi na tënë ti yanga ti lo: fade lo yeke sara titene ala kpengba, lo yeke bata ala si Sioni wato asara sioni na ala pepe.

2 Timothée 4:18

Fade Kota Gbia ayeke zi mbi na ya ti ye ti sioni so kue azo aleke ti sara na mbi, fade lo yeke soo mbi na kuâ si lo yeke gue na mbi na yayu, kodro-gbia ti lo. Gonda ayeke ti lo kpu na kpu! Amen.

Ahebro 10:23

Ye so e zia be ti e ti ku si e ngba ti tene tënë ni polele na le ti azo, ayeke nzoni be ti e awoko daa pepe, ngbanga ti so Nzapa ayeke bata tënë ti yanga ti lo si ye so lo mu zendo ti mungo ni, lo yeke mu ni.

Ahebro 11:11

Na lege ti mabe, Sara awara nga lege ti du molenge, ataa so ngu ti lo ahon mingi. Lo hinga biani lo tene, tongana Nzapa amu zendo, lo yeke bata tënë ti yanga ti lo.

Ahebro 12:4

Bira so ala yeke tiri na siokpari so, ala de ti gbu le ni ngbii mene ti ala atuku ndali ni pepe.

Ahebro 6:18

Dengo ba so Nzapa ade na zendo so lo mu so ayeke ngba lakue; tënë ti mvene ayeke na ya ti aye use so oko pepe. Aye use so ayeke kpengba e mingi, e so e zia be ti e ti ku ti wara ye so Nzapa aye ti mu na e.

1 Pierre 4:19

Tongaso, azo so ayeke baa pasi tongana ti so Nzapa aye, alingbi ala ngba lakue ti sara nzoni ye, ala mu tere ti ala kue na Nzapa, lo so lo sara ye kue si lo yeke sara ye alingbi na peko ti tënë ti yanga ti lo.

2 Pierre 2:9

so ti tene, *Kota Gbia alingbi ti zi azo so amu tere ti ala kue na lo na ya ti ye ti tarango be si lo yeke bata azo ti kirikiri ti fâ ngbanga na li ti ala na lango ti fango ngbanga.

1 Jean 1:9

Tongana e fa siokpari ti e na Nzapa, lo so lo yeke bata tënë ti yanga ti lo si lo yeke nga mbirimbiri, fade lo yeke zi siokpari ti e si lo yeke sukula sioni ti e kue.

Aye so Nzapa afa 19:11

Na pekoni, mbi baa yanga ti yayu azi si mbeni vuru mbarata ayeke daa; iri ti lo so aduti na ndö ti mbarata ni ayeke “Zo ti batango tënë ti yanga ti lo” nga na “Zo ti tenengo taa-tënë.” Lo yeke fâ ngbanga na legeni si lo yeke tiri bira na lege ti mbirimbiri.

Aye so Nzapa afa 2:10

Mo yeke baa ande pasi, me ayeke nzoni mbeto ti pasi ni asara mo pepe. Baa, fade Zabolo ayeke bi ambeni zo na popo ti ala na da ti kanga, ti tara be ti ala, azo ti Nzapa; na ya ti lango baleoko kue, a yeke sara ngangu na ala. Ayeke nzoni mo bata tënë ti mbi ngbii asi na kuâ, fade mbi yeke mu na mo nzoni ye so a yeke mu na zo so aso benda, so ti tene fini so angba lakue lakue.

Aye so Nzapa afa 3:10

Mo bata tënë ti mbi, mo zia lege ni oko pepe. Ndani laa mbi nga, mbi yeke bata mo na ngoi ti aye ti tarango be so ayeke si ande na azo ti sese kue.

1 Samuel 29:10

Tongaso, kekereke na kota ndaperere, fade mo na azo ti kua ti gbia ti mo so amu peko ti mo si aga so, ala londo. Tongana ndo ato nda ti vuru awe, ala mu lege ti kiri na kodro.”