1 Korente 10:11 - Mbeti ti Nzapa - Tënë so amu fini

¹¹ Aye so asi ando na akotara ti e titene e manda ye na lege ni. A su ni na mbeti ti gboto mê ti e, ngbanga ti so e yeke na ngoi so nda ti aye kue aga nduru ti si awe.

1 Korente 10:11 ပူးပေါင်းရင်းမြစ်များ

Tongo nda ti aye 19:35

Na bi ni, ala kiri amu samba na babâ ti ala si lo nyon. Ngambe ni ague, alango na babâ ti lo. Babâ ni ahinga nga langongo so lo lango na tere ti lo so pepe; lo hinga nga londongo ti lo pepe.

Abia (Psaumes) 102:18

Lo yeke ma sambela ti azo so ye atia ala, lo yeke ke ti ma sambela ti ala pepe.

Ezekiel 5:15

Na lege ti ngonzo ti mbi, ngonzo ti mbi ti wâ, mbi yeke fâ ngbanga na li ti mo, mbi yeke suku na mo na ngonzo ti mbi ti wâ. Amara so angoro mo ayeke he mo na ngia si ayeke zonga mo. Na bango mo, mbeto ayeke gbu azo ni si mo yeke ga ye ti gbungo-li na ala. Mbi KOTA GBIA, mbi tene tënë awe.

Matthieu 13:39

wato so alu asioni pere ni ayeke Zabolo; ngoi ti fango ale ti kobe ni ayeke lango ti ndani; azo ti fango ale ti kobe ni ayeke *a-ange.

Matthieu 13:40

Na lango ti ndani, fade ye ni ayeke duti tongana ti so a sara na asioni pere so a bongbi ni si a gbi ni so:

Rome 13:11

Ala sara tongaso, ndali ti so ala hinga ngoi so e yeke daa fadeso awe: ngoi titene ala zingo na lango alingbi awe! Fadeso, ngoi titene Nzapa asoo e na kuâ aga nduru awe ahon ti lani so e ma na be.

Rome 13:12

Ndo avuko aninga awe, ndo aga nduru ti han. Tongaso, e zia lege ti sarango aye ti vukongo ndo, e yu aye ti bira ti kota lâ.

Rome 15:4

Atënë so kue a su ando na ya ti Mbeti ti Nzapa, a su ni titene e hinga ye na lege ni. Mbeti ti Nzapa ayeke mu na e lege ti kanga be ti e, ti mu ngangu na be ti e si e zia be ti e ti ku ye so Nzapa atene tënë ni.

Rome 4:23

Me so Mbeti ti Nzapa atene: “Nzapa abaa Abraham tongana zo ti mbirimbiri” so, tënë ni ayeke gi ndali ti Abraham oko pepe,

1 Korente 10:6

Aye so asi na ala titene e manda ye na lege ni si nzara ti aye ti sioni so asara ala ando so asara e pepe.

1 Korente 7:29

A-ita, tënë so mbi ye ti tene ayeke so: ngoi angba mingi pepe. Ti fadeso, akoli so ayeke na wali, alingbi ala duti tongana ti so ala yeke fade na wali pepe.

1 Korente 9:10

Gi ndali ti e oko laa lo tene tënë so pepe? Biani, ndali ti e laa a su tënë so na mbeti. Andaa zo so ayeke fâ yaka, alingbi lo hinga so lo yeke wara ye na peko ni; zo so ayeke fâ ale ti kobe, alingbi lo hinga so lo yeke wara ti lo mbage ti ale ti kobe ni.

Galasii 4:24

Nda ti tënë so alinda mingi: awali use so ayeke tongana *ambuki use. Oko ni ayeke mbuki so abaa gigi na ndö ti hoto ti Sinai; lo du amolenge ti lo so ayeke angbaa: Agar laa.

Filipe 4:5

Ala sara titene azo kue abaa so ala yeke azo ti nzoni be. Kota Gbia aga nduru ti si awe.

Ahebro 10:25

E do abongbi ti e, e zia pepe tongana ti so ambeni zo asara; me e mu wango na popo ti e ahon ti kozoni, ngbanga ti so ala baa so, lango ti Christ aga nduru awe.

Ahebro 10:37

Tongana ti so Mbeti ti Nzapa atene: “Ngoi angba gi kete, gi kete kete titene lo so alingbi ti ga so, lo yeke ga; lo yeke ninga pepe.”

1 Jean 2:18

Amolenge ti mbi, ngbonga ti ndani alingbi awe! Ala ma ando atene, Wato ti Christ ayeke ga. Andaa awato ti Christ asi singo fadeso. Tongaso e hinga, e tene, ngbonga ti ndani alingbi awe.