1 Korente 10:10 - Mbeti ti Nzapa - Tënë so amu fini

¹⁰ Ti hunzi na ni, ala diko tënë na gbe ti go ti ala pepe tongana ti so ambeni na popo ti akotara asara ando si *ange ti kuâ afâ ala so.

1 Korente 10:10 ပူးပေါင်းရင်းမြစ်များ

2 Samuel 24:16

So *ange ti KOTA GBIA ayoro maboko ti lo na mbage ti Jérusalem ti kangbi sioni kobela ni na ya ti gbata ni, KOTA GBIA abaa mawa ti azo ni si lo tene na ange ti fango azo ni, lo tene: “Alingbi awe! Kiri na maboko ti mo!” Na ndembe ni so, ange ti KOTA GBIA ayeke luti na tere ti lakere ti Aravna, zo ti mara ti Yebus.

1 Mbai 21:15

Nzapa atokua ange na Jérusalem ti kangbi sioni kobela ni na ya ti gbata ni. So ange ti fango azo angba ti fâ azo ni, Nzapa abaa ye ni si mawa asara lo, lo tene na ange ni: “Alingbi awe! Kiri na maboko ti mo!” Na ndembe ni so, ange ti KOTA GBIA ayeke luti na tere ti lakere ti Ornan, zo ti mara ti Yebus.

2 Mbai 32:21

Tongaso *KOTA GBIA atokua mbeni *ange so afâ ya ti bâbâ ti gbia ti Asirii, akpengba zo ti bira kue, aturugu ti kota kamba, na akota zo ti lo. Gbia ti Asirii ni akiri na kodro ti lo, na kamene na le ti lo. Na pekoni, lo li na ya ti da ti nzapa ti lo si taa amolenge ti lo laa afâ lo na yongoro zeme.

Abia (Psaumes) 106:25

Ala duti na gbe ti ada ti ala ti bongo si ala kasa ndo, ala ke ti ma yanga ti KOTA GBIA.

Sigingo 12:23

Fade KOTA GBIA ayeke hon na ya ti Ezipte kue ti sara ye ti ngangu na kodro ni. Me tongana lo yeke baa mene so ayeke na tere ti akadere ti yanga ti da nga na tere ti kadere ti nduzu, fade lo yeke hon hongo, lo yeke zia lege pepe na kpale ti bubango ndo ti li na ya ti da ti ala ti fâ ala.

Sigingo 15:24

Azo ni akasa Moïse, atene: “Fade e yeke nyon nyen?”

Wungo ti azo 14:2

Ala kasa Moïse na Aaron, atene: “Tongana e kui lani na kodro ti Ezipte, ka ayeke nzoni! Tongana e kui na ya ti benyama so, ka ayeke nzoni!

Wungo ti azo 14:37

Ala so atene sioni tënë ti kodro ni so, ala kui gi kuâ ti ngangu na dawa ti KOTA GBIA.

Wungo ti azo 16:11

Tongaso, mo na azo so amu peko ti mo, ala kasa gi Aaron pepe, me KOTA GBIA laa ala ma tere ti ke lo.”

Wungo ti azo 17:10

“Ala londo na popo ti azo ni ahon, mbi yeke hunzi ala kue fafadeso.” Moïse na Aaron ati, ala kpo li ti ala na sese.

Wungo ti azo 17:5

Ye ni aga mbeni ye ti dango be ndali ti azo ti Israel, tongaso si mbeni senge zo so lo yeke *hale ti Aaron pepe aga ti zö dukani pepe na dawa ti KOTA GBIA. Zo so asara mara ti ye tongaso, lo yeke kui mara ti kuâ ti Kore na azo ti lo alingbi na tënë so KOTA GBIA atene na Moïse.

Awatokua 12:23

Mo ye ti baa, *ange ti *Kota Gbia abi kobela na tere ti Herode, ngbanga ti so lo gonda Nzapa pepe: angusu ate lo si lo kui.

Filipe 2:14

Aye so kue ala yeke sara, ala sara ni na dikongo tënë na gbe ti go ti ala pepe wala na papa pepe.

Ahebro 11:28

Na lege ti mabe, Moïse azia na sese *matanga ti Pake. Lo mu yanga titene azo azia mene na tere ti keke ti yanga ti da ti ala si kpale ti bubango ndo andu akozo molenge-koli ti azo ti Israel pepe.

Jude 1:16

Be ti azo ni anzere laoko pepe, demango tere ti ala ahon ndoni; ala ye ti sara ye alingbi gi na asioni nzara ti be ti ala; ala yeke tene gi atënë ti baba si ala yeke diko apendere tënë ti handa na azo ngbanga ti warango ye.

Aye so Nzapa afa 16:1

Na pekoni, mbi ma mbeni kota go so alondo na ya ti kota da ti Nzapa si atene na *a-ange mbarambara so, atene: “Ala gue, atuku ngonzo ti Nzapa so ayeke na ya ti akopo mbarambara so na ndö ti sese!”