1 Korente 1:30 - Mbeti ti Nzapa - Tënë so amu fini

³⁰ Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

1 Korente 1:30 ပူးပေါင်းရင်းမြစ်များ

Amato 1:20

Ndara ayeke dekongo na ndö ti alege, lo yeke tene tënë na kota go na ndo so azo ayeke bongbi daa.

Amato 2:6

KOTA GBIA laa ayeke mu ndara na zo; hingango ye na hingango ndo alondo na lo.

Amato 8:5

Ala azo so le ti ala ahan pepe so, ala gi lege ti hinga ye. Ala so ahinga ndo pepe so, ala manda lege ti duti na hingango ndo.

Ésaïe 11:2

Fade yingo ti *KOTA GBIA ayeke duti na ndö ti lo: yingo ti ndara na ti hingango popo ti nzoni na sioni, yingo ti mungo wango na ti ngangu, yingo ti hingango ndo na ti kpengo mbeto ti KOTA GBIA.

Ésaïe 45:17

Me KOTA GBIA asoo azo ti Israel, lo soo ala ndali ti lakue lakue. Fade kamene ayeke sara ala pepe, kamene ayeke gbu le ti ala pepe lakue lakue, kpu na kpu.

Ésaïe 54:17

Aye ti bira so kue a leke ti tiri na ni na mo, alingbi ti sara ye oko na mo pepe. Zo so kue ayeke bi tënë na li ti mo na le ti ngbanga, mo yeke sara si ngbanga ati na li ti lo. Baa ye so mbi bata ndali ti azo ti kua ti mbi, KOTA GBIA laa. Baa lege so mbi yeke fâ ngbanga ti ala laa; so tënë ti yanga ti mbi KOTA GBIA laa.”

Jérémie 33:16

Na lango ni so, fade a yeke soo kodro-gbia ti Juda si mbeni ye ti sioni ti si na Jérusalem ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’ ”

Daniel 2:20

lo tene: “E mu singila na Nzapa; e mu singila na lo ngbene ye kpu na kpu, lakue lakue! Biani, ndara na ngangu ayeke ti lo.

Daniel 9:24

A diko ngoi mbarambara fani balembarambara ndali ti azo ti mo nga ndali ti gbata ti mo so ayeke nde si ayeke nzoni kue. A diko ngoi ni titene sioni sarango ye na siokpari akai, titene a zi siokpari na li ti azo si mbirimbiri ti Nzapa angba lakue lakue, titene aye so zo abaa na ya ti mbeni ye tongana bango-li na tenengo peko ti tënë ti yanga ti Nzapa aga taa-tënë, titene kota da ti Nzapa so ayeke nde si ayeke nzoni kue, azo akiri azia ni nde ndali ti lo.

Osée 13:14

Mbi KOTA GBIA, azo tongaso, mbi lingbi ti gboto ala na ndo ti akuâ ti sigigi na ala? Mbi lingbi ti soo ala na kuâ? Kuâ, ye so mo yeke fâ azo na ni so ayeke na ndo wa? Ndo ti akuâ, ngangu so mo yeke hunzi azo na ni so ayeke na ndo wa? Fade mbi yeke baa mawa ti Efraim oko pepe.

Matthieu 1:21

Lo yeke du ande molenge-koli so fade mo yeke di iri ti lo Jésus, ngbanga ti so lo laa lo yeke soo azo ti lo na ya ti asiokpari ti ala.”

Nzoni Tënë so Luc asu na mbeti 11:49

Ndani laa, Nzapa atene na lege ti ndara ti lo, lo tene: ‘Fade mbi yeke tokua na ala awayanga-Nzapa na *awatokua. Ala yeke fâ ambeni na popo ti ala si ala yeke sara ngangu na ambeni.’

Nzoni Tënë so Luc asu na mbeti 21:15

Biani, fade mbi wani, mbi yeke mu na ala tënë ti tenengo ni na ndara so awato ti ala alingbi pepe ti dekite na ni wala ti ke ni.

Jean 1:18

Zo ade ti baa Nzapa laoko pepe; me gi oko Molenge ni so ayeke Nzapa si lo yeke nduru na tere ti Nzapa Babâ, lo laa lo fa Nzapa na azo titene ala hinga lo.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Jean 17:26

Mbi sara si ala hinga mo, mbi ngba ti sara titene ala hinga mo, tongaso si yengo so mo ye na mbi angba na popo ti ala si mbi na ala, e yeke oko.”

Jean 17:8

Biani, mbi mu na ala atënë so mo mu na mbi si ala yamba ni. Tongaso ala hinga biani atene, mbi londo na mo si mbi ga, ala ma nga na be so mo laa mo tokua mbi.

Jean 8:12

Jésus akiri atene na gba ti azo ni, atene: “Mbi yeke lumiere ti dunia so. Zo so amu peko ti mbi, fade lo yeke tambula na ya ti vukongo ndo pepe, me lo yeke wara lumiere so ayeke mu fini na zo.”

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Rome 1:17

Biani, Nzoni Tënë ni afa na le ti azo lege so Nzapa asara titene azo aga mbirimbiri na le ti lo: gi na lege ti mabe, na tongo ndani ngbii asi na ndani, tongana ti so Mbeti ti Nzapa atene: “Zo so aga mbirimbiri na lege ti mabe, fade lo yeke duti na fini.”

Rome 11:36

Biani, ye kue alondo na Nzapa, ye kue ayeke duti na lege ti lo, ye kue ayeke ndali ti lo. Gonda ayeke ti lo kpu na kpu! Amen.

Rome 12:5

E nga, ataa so e yeke mingi, e ga tere oko awe na lege ti gango so e ga oko na Christ; e kue, e yeke bongbi na amba ti e na ya ti tere oko so, zo oko oko na ndo ti lo na ya ti tere ni.

Rome 16:11

Ala bara na mbi Herodion, zo ti sewa ti mbi. Ala bara na mbi azo ti da ti Narcisse, ala so aga oko na Kota Gbia.

Rome 16:7

Ala bara na mbi Andronikus na Yunias; ala yeke azo ti sewa ti mbi so lani mbi na ala e yeke na da ti kanga; ala yeke *awatokua ti Christ so azo ahinga ala nzoni mingi, ala yeke azo so amu tere ti ala na Christ kozo ti mbi.

Rome 4:25

Lo so a mu lo ndali ti siokpari ti e, Nzapa azingo lo na kuâ ti sara si e ga azo ti mbirimbiri.

Rome 4:6

Nilaa David atene tënë ti nzoni duti ti zo so Nzapa abaa lo tongana zo ti mbirimbiri, ataa so zo ni asara kua pepe. David atene:

Rome 5:19

Azo mingi aga azo ti siokpari na lege ti kengo yanga ti zo oko; legeoko nga, azo mingi aga mbirimbiri na lege ti zo oko.

Rome 5:21

Siokpari ayeke lani na ngangu na ndö ti kuâ; legeoko nga, nzoni be ti Nzapa ayeke na ngangu ti mu fini so angba lakue lakue na lege ti Jésus Christ, *Kota Gbia ti e.

Rome 8:1

Fadeso, azo so aga oko na Jésus Christ awe, ngbanga ayeke na li ti ala mbeni pepe.

Rome 8:23

Gi aye ti dunia oko pepe si ayeke dema: e so e wara Yingo tongana kozo nzoni ye so Nzapa amu na e, e nga, e yeke dema na ya ti be ti e ti ku titene Nzapa asara si e ga amolenge ti lo, so ti tene lo zi e na gbe ti ngbaa, e na tere ti e kue.

Rome 8:9

Ti ala, ala yeke sara ye alingbi na asioni nzara ti be ti ala pepe, me ala yeke sara ye alingbi na ye so Yingo aye, ngbanga ti so Yingo ti Nzapa ayeke duti na be ti ala. Tongana zo ayeke na Yingo ti Christ pepe, lo yeke zo ti Christ pepe.

1 Korente 1:2

na *Eglize ti Nzapa so ayeke na gbata ti Korente, ala so aga azo ti Nzapa na lege ti gango so ala ga oko na Jésus Christ, ala so Nzapa airi ala si lo zia ala nde ndali ti lo wani. Lo iri nga azo so kue ayeke na ando nde nde si ala yeke di iri ti *Kota Gbia ti e Jésus Christ, so lo yeke Kota Gbia ti ala si lo yeke nga Kota Gbia ti e.

1 Korente 1:24

Me na le ti azo so Nzapa airi ala, ataa ala yeke azuife wala agreke, Christ laa ayeke ngangu nga na ndara ti Nzapa.

1 Korente 12:18

Me Nzapa azia ambage ti tere ti e oko oko na ndo so be ti lo aye.

1 Korente 12:27

Biani, ala kue, ala yeke tere ti Christ, ala oko oko kue ayeke ambage ti tere ti lo.

1 Korente 12:8

Yingo ayeke mu na mbeni zo tënë ti ndara si na mbeni zo, lo yeke mu tënë ti hingango ye;

1 Korente 4:15

Biani, ataa azo saki baleoko laa afa lege na ala si ala ga oko na Christ, ala yeke na ababâ mingi pepe: mbi laa mbi du ala si ala ga oko na Christ na lege ti Nzoni Tënë so mbi fa na ala.

1 Korente 6:11

Ambeni zo na popo ti ala ayeke ando tongaso. Me Nzapa *asukula asioni ti ala awe, lo sara si ala ga nzoni kue si lo zia ala nde; lo sara si ala ga mbirimbiri na le ti lo na iri ti *Kota Gbia Jésus Christ nga na lege ti Yingo ti Nzapa ti e.

2 Korente 12:2

Mbi hinga mbeni zo ti Christ; asara ngu baleoko na osio so Nzapa amu lo ague na lo na ota yayu. – Wala lo mu lo na ngbongboro tere ti lo kue, mbi hinga pepe; wala zo ni asigigi na ya ti tere ti lo si a hon na lo, mbi hinga pepe, Nzapa oko laa ahinga. –

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

Galasii 1:4

Jésus aka tere ti lo ndali ti siokpari ti e, ti zi e na ya ti ngoi ti sioni so e yeke daa laso; lo sara tongana ti so be ti Nzapa Babâ ti e aye.

Galasii 3:13

Christ afuta kota ngere ti zi e na gbe ti deba awe. Deba so Ndia aga na ni na li ti e, lo yo deba ni na li ti lo wani ndali ti e. Biani, Mbeti ti Nzapa atene: “Zo so a kanga lo na nduzu na ndö ti keke, deba ayeke na li ti lo.”

Efeze 1:10

Lo leke na be ti lo titene, tongana lango ni alingbi awe, lo yeke bongbi ye kue ti yayu na ti sese na gbe ti makonzi oko so ayeke Christ.

Efeze 1:14

Yingo so e wara afa atene, anzoni ye so Nzapa abata ndali ti e, e yeke wara ni kue na ndembe so a yeke zi e na ya ti sioni biani biani. Tongaso, ayeke nzoni e sepela gonda ti Nzapa!

Efeze 1:7

Na lege ti gango so e ga oko na Christ, a zi e na ya ti sioni na lege ti mene ti lo; a zi nga asiokpari na li ti e na lege ti nzoni be ti lo so ahon ndoni.

Efeze 2:10

Taa-tënë, Nzapa laa asara e; na gango so e ga oko na Jésus Christ, Nzapa aleke e titene e mu tere ti e kue ti sara anzoni ye so lo leke kozoni titene e sara.

Efeze 4:30

Ala mu vundu na Yingo-Vuru pepe. Yingo-Vuru ayeke tongana nzoroko so Nzapa azia na tere ti ala ti fa so ala yeke ti lo. Na lege ti Yingo-Vuru, Nzapa akiri afa so mbeni lâ, fade lo yeke zi ala na ya ti siokpari biani biani.

Efeze 5:26

Lo sara tongaso titene Eglize ni aga nde si aga nzoni kue. Titene Eglize ni avuru tarara, lo sukula ni na ngu nga na lege ti tënë ti lo,

Filipe 3:9

si mbi na lo, e ga oko. Batango ndia ti ga mbirimbiri, so laa amu lege na mbi ti ga oko na Christ pepe, me mbi ga oko na Christ na lege ti mabe. Nzapa laa ayeke mu na zo lege ti gango mbirimbiri tongana zo ni ama na be.

Kolose 1:14

Na lege ti Molenge ti lo, lo zi e na ya ti sioni si lo zi siokpari na li ti e kue.

Kolose 3:16

Ayeke nzoni tënë ti Christ so anzoni ye asi singo daa aduti na ya ti fini ti ala. Ala fa ye si ala mu wango na amba ti ala na popo ti ala na lege ti ndara kue. Ala he abia na Nzapa na be ti ala kue ti mu singila na lo, ala he abia ti Mbeti ti Nzapa, abia ti vorongo Nzapa na abia so Yingo ayeke mu na ala.

1 Tesalonike 5:23

Ayeke nzoni Nzapa wani so ayeke mu siriri na zo asara si ala ga nde si ala ga nzoni kue. Ayeke nzoni lo bata yingo ti ala, be ti ala nga na tere ti ala nzoni kue si mbeni tënë oko ayeke na li ti ala pepe na lango ti gango ti Kota Gbia ti e Jésus Christ.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Ahebro 9:12

So Christ ali na ya ti da ti bongo ni, lo li fani oko biani biani na ndo so ayeke nde si ayeke nzoni kue ahon atanga ni. So lo li, lo ya mene ti angasa wala mene ti akete bagara pepe, me lo ya mene ti lo wani si lo zi e biani biani na ya ti asiokpari awe.

Jacques 1:5

Tongana ndara atia mbeni zo na popo ti ala, ayeke nzoni lo hunda na Nzapa, fade Nzapa ayeke mu ni na lo. Biani, Nzapa ayeke mu ye na zo na nzoni be, lo yeke hunda yanga ti zo na peko ni pepe.

1 Pierre 1:2

Nzapa Babâ asoro ala tongana ti so lo leke na be ti lo kozoni; lo sara si ala ga azo so ayeke nde si ayeke nzoni kue na lege ti Yingo ti lo, tongaso si ala ma yanga ti Jésus Christ, tongaso nga si lo *sukula asioni ti ala na mene ti lo. Ayeke nzoni Nzapa asara nzoni be mingi na ala si lo mu na ala siriri ahon ndoni!

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.

1 Jean 5:6

Jésus Christ laa aga na ngu na mene, ngu ti bateme so lo li na ya ni nga na mene ti lo so atuku. Lo ga gi na ngu pepe, me lo ga na ngu na mene kue. Yingo-Vuru si ayeke fa atene, ye ni ayeke taa-tënë, ngbanga ti so Yingo-Vuru ayeke taa-tënë.

Aye so Nzapa afa 14:4

Azo ni so abuba tere ti ala pepe na lege ti bongbingo na awali. Ala yeke mu peko ti Molenge ti Taba na ndo so kue lo yeke gue daa. Nzapa asoo ala na popo ti amba ti ala, azo si ala ga tongana akozo nzoni ye so a mu na lo nga na Molenge ti Taba.

Aye so Nzapa afa 5:9

Ala yeke he fini bia, atene: “Mo lingbi ti mu mbeti ni ti zi anzoroko ni, ngbanga ti so a fâ mo ando awe. Mo futa ngere ti vongo azo na mene ti mo titene mo vo azo ti akete mara kue na Nzapa, azo ti ayanga ti kodro kue, azo ti akodro kue na azo ti amara kue.