1 Korente 1:25 - Mbeti ti Nzapa - Tënë so amu fini

²⁵ Biani, ye ti Nzapa so azo abaa na le ti ala tongana ye ti buba, ye ni ayeke na ndara ahon ti azo. Ye ti Nzapa so azo abaa na le ti ala tongana ye so ayeke na ngangu pepe, ye ni ayeke na ngangu ahon ti azo.

1 Korente 1:25 ပူးပေါင်းရင်းမြစ်များ

Sigingo 13:17

So Faraon azia lege na azo ti Israel ti gue, Nzapa azia lege na ala ti gue na kodro ti azo ti Filistii pepe, ataa so nduru lege ni laa. Biani, Nzapa atene na be ti lo, atene: “Tongana awato ti ala asara bira na ala, fade be ti ala ayeke woko si ala kiri na Ezipte.”

1 Korente 1:18

Biani, tënë ti keke ti kroa so e yeke fa ayeke buba tënë na le ti azo so ayeke mu lege ti kuâ; me ti e so e yeke soo kuâ, tënë ni ayeke ngangu ti Nzapa.

1 Korente 1:21

Biani, azo ti dunia so, na ndara ti ala wani alingbi ti hinga Nzapa pepe, ataa na ndo so lo fa ndara ti lo daa. Ndani laa, lo leke na be ti lo ti soo azo so ama na be gi na lege ti tënë so e yeke fa si akpa buba tënë so.

1 Korente 2:14

Zo so ayeke na Yingo ti Nzapa pepe, lo yeke yeda na aye ti Yingo ti Nzapa pepe: aye ni ayeke aye ti buba na le ti lo, lo lingbi ti ma ya ni pepe, ngbanga ti so zo alingbi ti hinga nda ni gi na lege ti Yingo.

1 Korente 4:10

Ndali ti Christ, e ga azo so li ti ala ayeke daa pepe, me ti ala, ala ga azo ti ndara na lege ti gango so ala ga oko na Christ. E yeke ti e na ngangu pepe, me ti ala, ala yeke na ngangu. Azo ayeke ne ala, me ti e, azo ayeke baa e tongana ambumbuse zo.

2 Korente 13:4

Biani, a fâ lo na ndö ti keke ti kroa ndali ti so lo yeke na ngangu pepe, me fadeso, lo yeke na fini na lege ti ngangu ti Nzapa. Ndali ti so e ga oko na lo, e nga, e yeke na ngangu pepe, me fade e yeke fa na ala so, e yeke na fini na lege ti ngangu ti Nzapa.