1 Korente 1:19 - Mbeti ti Nzapa - Tënë so amu fini

¹⁹ Mbeti ti Nzapa atene: “Fade mbi yeke buba ndara ti azo ti ndara, mbi yeke ke hingango ndo ti azo ti hingango ndo.”

1 Korente 1:19 ပူးပေါင်းရင်းမြစ်များ

Ésaïe 19:11

Amakonzi ti gbata ti Soan ayeke azo ti buba mingi, azo ti ndara so ayeke mu wango na Faraon, ala yeke bongbi ti azo so li ti ala ayeke daa pepe. Asara tongana nyen laa ala tene na Faraon: “Mbi yeke molenge ti azo ti ndara, molenge ti agbia ti giriri”?

Ésaïe 19:3

Fade be ti azo ti Ezipte ayeke woko, mbi yeke buba ya ti apialo ti ala. Tongaso, ala yeke gue ti hunda ayanda, ayingo ti akuâ na azo so ayeke baa nda ti aye.

Ésaïe 29:14

Ndani laa, fade mbi yeke ngba ti sara si li ti azo so akpe na lege ti aye ti dongo be. Fade a yeke buba ndara ti azo ti ndara, a yeke honde hingango ndo ti azo ti hingango ndo.”

Jérémie 10:7

Mo so mo yeke gbia ti amara kue, zo wa laa alingbi ti kpe mbeto ti mo pepe? So laa alingbi titene azo asara na mo. Na popo ti azo ti ndara ti dunia so nga na ya ti akodro-gbia kue, mbeni zo tongana mo ayeke daa pepe.

Jérémie 8:9

So ye ti kamene ti nyen na azo ti ndara! Li ti ala aga kirikiri awe; ala ti na ya ti gbanda ti ala wani. So ala baa tënë ti KOTA GBIA tongana buba ye na le ti ala so, ndara ti nyen laa ala yeke na ni?

1 Korente 3:19

Biani, ndara ti azo ti dunia so ayeke ye ti buba na le ti Nzapa. A su na ya ti Mbeti ti Nzapa, atene: “Lo yeke gbu azo ti ndara na lege ti mayere ti ala wani.”

1 Korente 4:10

Ndali ti Christ, e ga azo so li ti ala ayeke daa pepe, me ti ala, ala ga azo ti ndara na lege ti gango so ala ga oko na Christ. E yeke ti e na ngangu pepe, me ti ala, ala yeke na ngangu. Azo ayeke ne ala, me ti e, azo ayeke baa e tongana ambumbuse zo.

1 Korente 4:6

A-ita, ndali ti ala, mbi mu ambeni tapande so ti tene tënë na ndö ti mbi na Apolos si ala manda nda ti *mato so: “Alingbi zo oko oko aluti gi na ndö ti tënë so a su na mbeti, awe.” Tongaso si ala zia lege ti baba ti ala so asara si ala yeke mu mbage ti mbeni zo ti ke mbeni so.