1 Korente 1:14 - Mbeti ti Nzapa - Tënë so amu fini

¹⁴ Mbi mu singila na Nzapa, ngbanga ti so mbi batize zo oko na popo ti ala pepe, gi Krispus na Gaius laa mbi batize ala.

1 Korente 1:14 ပူးပေါင်းရင်းမြစ်များ

Awatokua 10:48

Tongaso lo mu yanga na ala ti wara bateme na iri ti Jésus Christ. Na pekoni, ala hunda na lo titene lo ngba, lo na ala alango kete si.

Awatokua 18:8

Krispus, makonzi ti da ti sambelango Nzapa ni ama na be na *Kota Gbia, lo na azo ti sewa ti lo kue. Ambeni zo ti Korente mingi ama tënë so Paul afa, ala ma na be si ala wara bateme.

Rome 16:23

Gaius so ayamba mbi na da ti lo abara ala; azo ti *Eglize ayeke bongbi na da ti lo. Eraste, wabatango-nginza ti gbata ni, lo na Kartus, ita ti e, abara ala. [

1 Korente 1:15

Tongaso, mbeni zo alingbi ti tene pepe, lo wara bateme na iri ti mbi.

1 Korente 1:4

Mbi yeke mu singila lakue na Nzapa ndali ti ala, ngbanga ti nzoni be so Nzapa asara na ala na lege ti gango so ala ga oko na Jésus Christ.

1 Korente 14:18

Mbi mu singila na Nzapa, ngbanga ti so mbi yeke tene tënë na ambeni yanga nde, mbi hon ala kue.

2 Korente 2:14

E mu singila na Nzapa, ngbanga ti so na lege ti gango so e ga oko na Christ, lo yeke zia e lakue na ya ti molongo ti azo so atambula na peko ti Christ so aso benda awe. Tongaso, Nzapa ayeke sara titene azo ahinga Christ na ndo kue ndali ti e; ye ni ayeke tongana fion ti yombo so amu ndo kue.

Efeze 5:20

Ala mu singila lakue na Nzapa Babâ ndali ti aye kue, na iri ti Kota Gbia ti e Jésus Christ.

Kolose 3:15

Ayeke nzoni siriri so alondo na Christ afa lege na ala na ya ti atënë ti be ti ala! Ndali ti siriri so laa Nzapa airi ala kue ti ga tere oko. Ala mu singila na Nzapa.

Kolose 3:17

Atënë so kue ala yeke tene, wala aye so kue ala yeke sara, ala sara ni na iri ti *Kota Gbia Jésus, ala mu singila na Nzapa Babâ na lege ti lo.

1 Tesalonike 5:18

ala mu singila na Nzapa na ya ti aye kue. Ye so Nzapa aye titene ala so aga oko na Jésus Christ asara laa.

1 Timothée 1:12

Mbi mu singila mingi na Jésus Christ, *Kota Gbia ti e, ndali ti so lo mu na mbi ngangu, lo baa mbi tongana zo so lo lingbi ti zia be ti lo na ndö ti lo, nilaa lo mu mbi na kua ti lo.

Philémon 1:4

Ita Philémon, mbi yeke zia mo lakue na ya ti sambela ti mbi si mbi yeke mu singila na Nzapa ti mbi.