1 Korente 1:13 - Mbeti ti Nzapa - Tënë so amu fini

¹³ Ya ti Christ akangbi? Paul laa akui na ndö ti keke ti kroa ndali ti ala? Wala ala wara bateme na iri ti Paul?

1 Korente 1:13 ပူးပေါင်းရင်းမြစ်များ

Matthieu 28:19

Tongaso, ala gue na ndo ti amara kue, ala sara si ala ga adisiple, ala batize ala na iri ti Babâ, ti Molenge na ti Yingo-Vuru;

Matthieu 3:6

Ala fa asiokpari ti ala na gigi si Jean abatize ala na ya ti ngu ti Jourdain.

Awatokua 10:48

Tongaso lo mu yanga na ala ti wara bateme na iri ti Jésus Christ. Na pekoni, ala hunda na lo titene lo ngba, lo na ala alango kete si.

Awatokua 19:5

Na peko ti tënë so ala ma, azo ni awara bateme na iri ti *Kota Gbia Jésus.

Awatokua 2:38

Pierre akiri tënë na ala: “Ayeke nzoni ala oko oko kue azia ngbene lege ti sarango ye ti ala, ala wara bateme na iri ti Jésus Christ titene Nzapa azi siokpari na li ti ala, tongaso fade Nzapa ayeke mu na ala Yingo-Vuru.

Awatokua 8:16

Andaa Yingo-Vuru ade ti zu pepe na ndö ti mbeni oko na popo ti ala; lani ala wara gi bateme na iri ti *Kota Gbia Jésus.

Rome 14:9

Christ akui si na pekoni, lo kiri na fini titene lo duti Kota Gbia ti akuâ na ti azo so angba na fini.

1 Korente 1:15

Tongaso, mbeni zo alingbi ti tene pepe, lo wara bateme na iri ti mbi.

1 Korente 10:2

Akotara ti e ni kue awara bateme na ya ti mbinda nga na ya ti kota ngu-ingo, ngbanga ti so ala ga oko na Moïse.

2 Korente 11:4

Biani, ala yeke kanga be ti ala titene mbeni zo ti kirikiri aga afa na ala mbeni Jésus nde na Jésus so e fa tënë ti lo na ala. Ala yeke lakue nduru ti yamba mbeni yingo nde na Yingo so ala wara kozoni, ala yeke yeda nga na mbeni nzoni tënë nde na Nzoni Tënë so ala ma kozoni!

Galasii 1:7

Ti tene taa-tënë, mbeni nzoni tënë nde ayeke daa pepe! Mbi tene tënë so, ngbanga ti so ambeni zo ayeke sara titene li ti ala aga kirikiri, ala ye ti buba ya ti Nzoni Tënë ti Christ.

Efeze 4:5

Kota Gbia ayeke gi oko, mabe ayeke gi oko, bateme ayeke gi oko.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.