1 Korente 1:12 - Mbeti ti Nzapa - Tënë so amu fini

¹² Tënë so mbi ye ti tene ayeke so: na popo ti ala, mbeni ayeke tene, ni yeke zo ti Paul, mbeni ayeke tene, ni yeke zo ti Apolos, mbeni ayeke tene, ni yeke zo ti Sefas si mbeni ayeke tene, ni yeke zo ti Christ.

1 Korente 1:12 ပူးပေါင်းရင်းမြစ်များ

1 Agbia 16:21

Na peko ti kuâ ti Zimri, ya ti azo ti Israel akangbi use: ndambo ti azo ni amu peko ti Tibni, molenge ti Ginat; ala ye ti mu lo gbia. Mbeni ndambo ti azo ni amu peko ti Omri.

Matthieu 23:8

Me ti ala azo ti mbi, ayeke nzoni ala yeda titene azo airi ala ‘Wafango-ye’ pepe, ngbanga ti so ala kue ayeke a-ita si Wafango-ye na ala ayeke gi oko.

Jean 1:42

Na pekoni, lo mu Simon, lo gue na lo na Jésus. Jésus abaa Simon si lo tene na lo: “Mo yeke Simon, molenge ti Jean; fade azo ayeke iri mo Sefas.” – Nda ti iri so atene “Pierre”. –

Awatokua 18:24

Na ndembe ni so, mbeni zuife so a du lo na gbata ti Aleksandrii so iri ti lo ayeke Apolos asi na Efeze. Lo yeke mbeni zo so ayeke tene tënë nzoni mingi si lo hinga nga Mbeti ti Nzapa nzoni mingi.

Awatokua 19:1

Na ndembe so Apolos ade na Korente, Paul ahon na ndo so ahoto ayeke daa si lo si na Efeze. Kâ, lo wara ambeni disiple,

1 Korente 1:11

Biani, a-ita ti mbi, azo ti Kloe atene na mbi atene, papa ayeke na popo ti ala.

1 Korente 15:5

Lo si na Pierre, na pekoni, lo si na adisiple baleoko na use.

1 Korente 15:50

A-ita, tënë so mbi tene ayeke so: tere ti e ti zo alingbi ti li na ya ti *Kodro-gbia ti Nzapa pepe; ye so ayeke buba bubango alingbi ti wara lege ti ngba na fini lakue lakue pepe.

1 Korente 16:12

Ti ita ti e Apolos, mbi tene tënë na lo mingi titene lo na a-ita ague, abaa ala, me ti be ti lo, lo ye ti gue fadeso pepe. Tongana ndembe ni alingbi, fade lo yeke gue.

1 Korente 4:6

A-ita, ndali ti ala, mbi mu ambeni tapande so ti tene tënë na ndö ti mbi na Apolos si ala manda nda ti *mato so: “Alingbi zo oko oko aluti gi na ndö ti tënë so a su na mbeti, awe.” Tongaso si ala zia lege ti baba ti ala so asara si ala yeke mu mbage ti mbeni zo ti ke mbeni so.

1 Korente 7:29

A-ita, tënë so mbi ye ti tene ayeke so: ngoi angba mingi pepe. Ti fadeso, akoli so ayeke na wali, alingbi ala duti tongana ti so ala yeke fade na wali pepe.

1 Korente 9:5

E lingbi fade ti mu wali so ayeke zo ti Christ na tere ti e na ya ti atambula ti e pepe? Atanga ti awatokua, a-ita ti Kota Gbia na Pierre ayeke sara ni!

2 Korente 10:7

Ala yeke baa aye na le ti ala gi tongana ti so zo ayeke baa na ye. Tongana mbeni zo abaa atene, ni yeke zo ti Christ, ayeke nzoni lo hinga tënë so laso biani: tongana lo yeke zo ti Christ, e nga, e yeke azo ti Christ.

2 Korente 9:6

Alingbi ala hinga ye so: zo so alu ale ti kobe gi kete kete, fade lo yeke fâ ni nga gi kete kete; zo so alu ale ti kobe mingi mingi, fade lo yeke fâ ni nga mingi mingi.

Galasii 2:9

Jacques, Pierre na Jean, so azo ti Christ abaa ala tongana akota zo, ahinga atene, Nzapa amu kua so na mbi biani. Ndani laa, ala bara mbi na Barnabas ti fa atene, e na ala e yeke na beoko. E ma tere so fade e yeke gue ti e na mbage ti azo ti amara nde, ala yeke gue ti ala na mbage ti azuife.

Galasii 3:17

Tënë so mbi ye ti tene ayeke so: Nzapa asara *mbuki na popo ti lo na Abraham, lo leke gere ti mbuki ni mbirimbiri. Ngu ngbangbo osio na baleota na pekoni si *Ndia abaa gigi. Ndia alingbi ti mingo ngangu ti mbuki ni pepe si peko ti zendo ti Nzapa aga senge ye pepe.