1 Korente 1:11 - Mbeti ti Nzapa - Tënë so amu fini

¹¹ Biani, a-ita ti mbi, azo ti Kloe atene na mbi atene, papa ayeke na popo ti ala.

1 Korente 1:11 ပူးပေါင်းရင်းမြစ်များ

Tongo nda ti aye 27:42

Azo ague, atene na Rébecca peko ti tënë ti Ezau, kozo molenge ti lo. Tongaso lo iri Jacob, ngambe molenge ti lo si lo tene na lo: “Baa, ita ti mo Ezau aye ti fâ mo, ndali ti ye so mo sara na lo so.

Tongo nda ti aye 37:2

Tënë ti sewa ti Jacob ayeke tongaso: Joseph ayeke maseka-koli so ayeke na ngu baleoko na mbarambara; lo na a-ita ti lo, amolenge ti Bila na Zilpa, awali ti babâ ti lo, ayeke bata angasa na ataba. Joseph ayeke fa na babâ ti ala peko ti asioni tënë so kue a-ita ti lo ayeke tene.

Amato 13:10

Kuru baba ayeke sara si papa alondo; me ndara ayeke ye ti azo ti mango wango.

Amato 18:6

Atënë ti zo ti buba ayeke sara si tiri alondo; atënë ti yanga ti lo ayeke pusu azo ti pika tere.

1 Korente 1:10

A-ita, mbi hunda na ala mingi na iri ti *Kota Gbia ti e Jésus Christ titene ala kue ama tere si kangbi aduti na popo ti ala pepe; ala duti gi tongana zo oko, tënë ti be ti ala nga na bango ndo ti ala ague gi oko.

1 Korente 1:12

Tënë so mbi ye ti tene ayeke so: na popo ti ala, mbeni ayeke tene, ni yeke zo ti Paul, mbeni ayeke tene, ni yeke zo ti Apolos, mbeni ayeke tene, ni yeke zo ti Sefas si mbeni ayeke tene, ni yeke zo ti Christ.

1 Korente 11:18

Kozo ye so mbi ye ti tene na ala ayeke so: azo atene na mbi atene, tongana ala yeke bongbi tere ti ala, akangbi ayeke na popo ti ala. Mbi hinga so ayeke mvene kue pepe.

1 Korente 3:3

ngbanga ti so ala ngba lakue ti sara ye gi tongana ti azo ti dunia so. So tënë ti kota be na papa angba na popo ti ala so, so afa atene, ala yeke sara ye gi na lege ti azo ti dunia so pepe? Ala yeke sara ye gi tongana ti azo kue pepe?

2 Korente 12:20

Mbeto asara mbi titene tongana mbi si na ala kâ, mbi baa dutingo ti ala ayeke nde na ti so be ti mbi aye si ala nga, ala baa dutingo ti mbi ayeke nde na ti so be ti ala aye. Mbeto asara mbi titene aye tongaso aduti na popo ti ala: papa, kota be, ngonzo, kangbingo tere, zongango zo na asioni tënë, fonongo na iri ti zo, baba, sarango aye ti wusuwusu.

Galasii 5:15

Me tongana ala yeke sara ye tongana ti anyama, ala yeke suru tere ti ala si ala yeke te tere na popo ti ala, ala sara hange: tongaso pepe, ala yeke fâ tere ti ala kue!

Galasii 5:20

vorongo anzapa nde, guengo na zo na gbe ti yoro, kengo zo, papa, kota be, ngonzo, gbugburungo tere ti gi na kota ndo, mungo mbage ti mbeni zo, kangbi,

Galasii 5:26

E sara kuru baba pepe! E gi yanga ti amba ti e pepe, e sara kota be na popo ti e pepe!

Filipe 2:14

Aye so kue ala yeke sara, ala sara ni na dikongo tënë na gbe ti go ti ala pepe wala na papa pepe.

1 Timothée 6:4

andaa baba ahon ndö ti lo, lo hinga ye pepe. Lo yeke na kobela ti *bingbingo tënë na ti papa ndali ti lege so azo ayeke di iri ti aye. Aye tongaso ayeke du sarango nzara ti ye ti zo, papa, zongango ndo, bango zo tongana sioni zo senge senge

Tite 3:9

Me mo kpe lege ti gingo nda ti asenge senge tënë: tënë ti nda ti mara ti azo, apapa na *abingbingo tënë na ndö ti atënë ti *Ndia. Aye so kue ayeke senge senge, zo alingbi ti wara ye daa pepe.