1 Jean 5:18 - Mbeti ti Nzapa - Tënë so amu fini

¹⁸ E hinga so, azo so kue aga amolenge ti Nzapa, ala yeke ngba ti sara siokpari pepe. Biani, Molenge ti Nzapa ayeke bata ala si Sioni wato alingbi ti sara sioni na ala pepe.

1 Jean 5:18 ပူးပေါင်းရင်းမြစ်များ

Abia (Psaumes) 119:101

Mbi kpe alege ti sioni kue, tongaso si mbi sara ye alingbi na tënë ti mo.

Abia (Psaumes) 119:3

Ala sara ye ti sioni pepe, ala tambula gi na lege so lo fa na ala.

Abia (Psaumes) 17:4

Ataa so sarango ye ti ambeni zo ayeke kirikiri, mbi sara ye alingbi na tënë ti yanga ti mo, mbi mu peko ti azo ti sioni yanga pepe;

Abia (Psaumes) 18:23

Andia ti lo kue angba na dawa ti mbi, mbi pusu atënë ti ndia ti lo yamba na tere ti mbi pepe.

Abia (Psaumes) 39:1

Bia ti David; bia so ayeke ndali ti makonzi-bia, nga ndali ti Yedutun.

Amato 4:23

Mo sara hange na atënë so ayeke na be ti mo kâ, ngbanga ti so lege ti fini ti mo alondo daa.

Awayango-sandaga 11:37

Tongana kuâ ti mbeni nyama ni ati na ndö ti ale ti kobe ti lungo ni, ale ti kobe ni ayeke ngba *nzoni.

Matthieu 5:37

Tongana ala yeke tene tënë, ala tene gi tënë oko: ‘Een, tënë ni laa’, wala ‘Ên-en, tënë ni laa pepe’. Tënë so kue ala zia na ndö ni alondo na Sioni wato.”

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Jean 1:13

Ala ga amolenge ti Nzapa na lege so Nzapa laa adu ala, me na lege ti dungo so zo adu na ni pepe wala na lege so be ti zo aye pepe.

Jean 14:30

Ti fadeso, mbi yeke kiri ti tene tënë na ala mingi pepe, ndali ti so gbia ti dunia so ayeke ga. Lo yeke na ngangu na ndö ti mbi pepe,

Jean 15:4

Ala duti oko na mbi si mbi nga, mbi duti oko na ala. Maboko ti keke ayeke le ka gi lo oko pepe, lo yeke le gi tongana lo duti na tere ti keke ni. Nilaa ala nga, tongana ala duti oko na mbi pepe, ala lingbi ti le pepe.

Jean 15:7

Tongana ala duti oko na mbi si atënë ti mbi aduti na be ti ala, ala hunda ye so be ti ala aye, fade ala yeke wara ni.

Jean 15:9

Tongana ti so Babâ aye mbi, mbi nga, mbi ye ala. Ala ngba na ya ti ndoye ti mbi.

Awatokua 11:23

So lo si, lo baa lege so Nzapa asara nzoni be na azo ni. Be ti lo asi na ngia si lo mu wango na ala titene ala kue angba ti mu peko ti Kota Gbia lakue.

Jacques 1:18

Tongana ti so be ti lo wani aye, lo mu na e fini na lege ti tënë ti lo so ayeke taa-tënë, tongaso si e ga tongana akozo zo ti lo na popo ti aye so kue lo sara.

Jacques 1:27

Mbirimbiri vorongo Nzapa so sioni ye oko ayeke daa pepe, ayeke mungo maboko na anyindu nga na awali-mua so ayeke baa pasi; mbirimbiri vorongo Nzapa ayeke nga ti ke sarango aye ti potopoto ti dunia so.

1 Pierre 1:23

Biani, a kiri a du ala mbeni awe; zo so ayeke kui kuingo laa akiri adu ala pepe, me tënë ti Nzapa. Tënë ni ayeke na fini, ayeke kui pepe si ayeke ngba lakue lakue.

1 Jean 2:29

Ala hinga atene, Christ ayeke mbirimbiri. Tongaso, alingbi ala hinga nga atene, zo so asara ye ti mbirimbiri, lo yeke molenge ti Nzapa.

1 Jean 3:12

E sara ye tongana Kain pepe: lo yeke zo ti Sioni wato si lo fâ ita ti lo Abel. Ngbanga ti nyen si lo fâ lo? Ngbanga ti so ye so Kain ayeke sara, ayeke sioni si ti ita ti lo ayeke mbirimbiri.

1 Jean 3:3

Zo so kue azia be ti lo ti ku ye so na maboko ti Christ, lo yeke sara titene lo ga *nzoni tongana ti so Christ ayeke *nzoni.

1 Jean 3:9

Zo so kue Nzapa adu lo, lo zia lege ti sarango siokpari awe, ngbanga ti so fini so alondo na Nzapa angba na ya ti lo. Lo lingbi ti ngba ti sara siokpari pepe, ngbanga ti so Nzapa si adu lo.

1 Jean 4:6

Me ti e, e yeke azo ti Nzapa. Zo so ahinga Nzapa ayeke ma tënë ti e; zo so ayeke zo ti Nzapa pepe, lo yeke ma tënë ti e pepe. Lege so laa e lingbi ti hinga popo ti Yingo ti taa-tënë na yingo so ayeke fa lege ti kirikiri.

1 Jean 5:1

Zo so kue ama na be so Jésus ayeke Christ, lo yeke molenge ti Nzapa; zo so kue aye Nzapa Babâ, lo ye nga amolenge ti lo.

1 Jean 5:15

So e hinga, e tene, lo yeke ma e, e hinga biani e tene, ye so e hunda na lo so, e wara ni awe.

1 Jean 5:19

E hinga so, e yeke azo ti Nzapa, me dunia kue ayeke na gbe ti komandema ti Sioni wato.

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.

1 Jean 5:21

Amolenge ti mbi, ala sara hange! Ala mu peko ti ayanda pepe!

1 Jean 5:4

Zo so kue ayeke molenge ti Nzapa ahon ndö ti dunia so na ngangu awe. Na lege ti mabe laa e yeke hon ndö ti dunia so na ngangu.

Jude 1:21

Ala ngba na lege ti ndoye ti Nzapa. Ala ku titene Kota Gbia ti e Jésus Christ amu na ala fini so angba lakue lakue na lege ti nzoni be ti lo.

Jude 1:24

Nzapa so alingbi ti bata ala si ala ti pepe, lo lingbi ti sara si ala ga nzoni kue, ala si na gbe ti gonda ti lo na ngia.

Aye so Nzapa afa 2:13

Mbi hinga ndo so mo yeke duti daa: ayeke ndo so Satan azia mbata ti lo ti gbia daa, me mo ngba na tere ti mbi; be ti mo so mo zia na ndö ti mbi, mo zia lege ni pepe, ataa na ndembe so a fâ Antipas, lo so lo fa tënë na ndö ti mbi na legeni, na ndo so Satan azia mbata ti lo ti gbia daa.