1 Jean 5:11 - Mbeti ti Nzapa - Tënë so amu fini

¹¹ Tënë so Nzapa atene ayeke so: Nzapa amu na e fini so angba lakue lakue, lo mu ni na e na lege ti Molenge ti lo.

1 Jean 5:11 ပူးပေါင်းရင်းမြစ်များ

Rome 6:23

Biani, futa ti siokpari ayeke kuâ; me nzoni ye so Nzapa ayeke mu na zo senge senge ayeke fini so angba lakue lakue, na lege ti gango so e ga oko na Jésus Christ, *Kota Gbia ti e.

1 Jean 2:25

Ye so Christ amu zendo ti mu na e ayeke fini so angba lakue lakue.

Jean 3:36

Zo so ama na be na Molenge ni, lo yeke na fini so angba lakue lakue; zo so ake ti ma na be na Molenge ni, fade lo yeke na fini so pepe, me ngonzo ti Nzapa angba na ndö ti lo.”

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.

1 Jean 4:9

Lege so Nzapa afa yengo so lo ye na e ayeke so: lo tokua oko Molenge ti lo na dunia so titene e duti na fini na lege ti lo.

Jean 1:4

Fini ayeke na ya ti lo si fini ni ayeke lumiere ndali ti azo.

1 Jean 5:10

Zo so ama na be na Molenge ti Nzapa, tënë so Nzapa atene so ayeke na be ti lo. Zo so ake ti yeda na tënë so Nzapa atene, lo mu Nzapa tongana zo ti mvene, ngbanga ti so lo ke ti yeda na tënë so Nzapa atene na ndö ti Molenge ti lo.

Jean 19:35

Zo so abaa ye ni na le ti lo so, lo laa lo yeke fa peko ti tënë ni, tënë so lo yeke tene ayeke taa-tënë. Lo hinga so, lo yeke tene taa-tënë, tongaso si ala nga, ala lingbi ti ma na be.

Jean 10:28

Mbi yeke mu na ala fini so angba lakue lakue; ala yeke kui ande laoko pepe, zo oko alingbi ti gboto ala na maboko ti mbi pepe.

Jean 6:68

Simon Pierre akiri tënë na lo: “*Kota Gbia, e yeke gue ti e ande na zo wa? Atënë so ayeke mu na zo fini so angba lakue lakue, ayeke gi na yanga ti mo oko.

Jean 5:26

Babâ ni ayeke na ngangu ti mu fini na zo, Molenge ni nga ayeke na ngangu ti mu fini na zo, ngbanga ti so Babâ amu na lo ngangu ni awe.

Jude 1:21

Ala ngba na lege ti ndoye ti Nzapa. Ala ku titene Kota Gbia ti e Jésus Christ amu na ala fini so angba lakue lakue na lege ti nzoni be ti lo.

1 Jean 5:7

Ala yeke ota so ayeke fa atene, ye ni ayeke taa-tënë:

Tite 1:2

tongaso si ala zia be ti ala ti ku fini so angba lakue lakue. Nzapa ayeke tene mvene pepe; kozo si dunia abaa gigi, Nzapa amu zendo ti mu na ala fini ni so.

1 Timothée 1:16

me Nzapa abaa mawa ti mbi. Tongaso, Jésus Christ akanga be ti lo mingi ti ku mbi, mbi so mbi yeke kozo zo ti sarango siokpari. Mbi ga tapande ndali ti azo so ayeke ma na be ande na lo ti wara fini so angba lakue lakue.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

3 Jean 1:12

Azo kue ayeke tene nzoni tënë ti Demetrius, ndali ti so lo yeke sara ye gi na lege ti taa-tënë. E nga, e yeke tene nzoni tënë ti lo; mo hinga so tënë so e yeke tene na ndö ti lo ayeke taa-tënë.

Jean 12:50

Mbi hinga so, tënë ti yanga ti lo ayeke mu na zo fini so angba lakue lakue. Tënë so mbi yeke tene, mbi tene tongana ti so Babâ atene na mbi.”

Jean 6:40

Ye so be ti Babâ ti mbi aye ayeke so: zo so kue abaa Molenge ni si ama na be na lo, lo yeke na fini so angba lakue lakue; fade mbi, mbi yeke zingo lo na kuâ na lango ti ndani.”

Aye so Nzapa afa 22:1

Na pekoni, *ange ni afa na mbi kota *bale so ayeke mu fini na zo; zo ayeke baa ndo na ya ti bale ni kue. Ngu ni alondo na mbage ti mbata ti Gbia Nzapa na ti Molenge ti Taba si ayeke sigigi.

Aye so Nzapa afa 1:2

Nilaa Jean afa peko ti ye so kue lo baa ni, lo tene: ye so ni baa ayeke biani tënë ti yanga ti Nzapa si ayeke nga taa-tënë so Jésus Christ afa.

Jean 6:47

Biani, mbi tene na ala taa-tënë: “Zo so ama na be, lo yeke na fini so angba lakue lakue.

Jean 5:21

Tongana ti so Babâ ayeke zingo akuâ si lo yeke mu na ala fini, Molenge nga ayeke mu fini na zo so be ti lo aye.

Jean 4:36

Zo ti fango ale ti kobe ayeke wara futa ti lo fadeso si lo yeke bongbi ale ti kobe ni ndali ti fini so angba lakue lakue. Tongaso zo ti lungo kobe na zo ti fango ale ti kobe ni, ala kue awara ngia legeoko.

Matthieu 25:46

Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

Rome 5:21

Siokpari ayeke lani na ngangu na ndö ti kuâ; legeoko nga, nzoni be ti Nzapa ayeke na ngangu ti mu fini so angba lakue lakue na lege ti Jésus Christ, *Kota Gbia ti e.

Jean 1:19

Amakonzi ti azuife ti Jérusalem airi awayango-sandaga na azo ti mara ti Lévi si atokua ala na Jean, ti hunda lo, atene: “Mo yeke zo wa?”

Jean 4:4

Lege ti guengo na Galile ahon na ya ti gbata ti Samarii.

1 Jean 4:10

Nda ti tënë ti ndoye ayeke so: e laa e ye Nzapa pepe, me Nzapa laa aye e si lo tokua Molenge ti lo ti mu tere ti lo na *sandaga ti zi asiokpari ti e.