1 Jean 5:10 - Mbeti ti Nzapa - Tënë so amu fini

¹⁰ Zo so ama na be na Molenge ti Nzapa, tënë so Nzapa atene so ayeke na be ti lo. Zo so ake ti yeda na tënë so Nzapa atene, lo mu Nzapa tongana zo ti mvene, ngbanga ti so lo ke ti yeda na tënë so Nzapa atene na ndö ti Molenge ti lo.

1 Jean 5:10 ပူးပေါင်းရင်းမြစ်များ

Rome 8:16

Yingo-Vuru wani laa ayeke tene na yingo ti e, atene: e yeke amolenge ti Nzapa.

Galasii 4:6

Ti fa so ala yeke amolenge ti lo biani, Nzapa atokua Yingo ti Molenge ti lo na be ti e kue, Yingo ni ayeke dekongo atene: “Abba!” so ti tene “Babâ!”

Jean 3:33

Zo so ayeda na tënë ti lo, lo yeke fa mbirimbiri na le ti azo so, Nzapa ayeke tene taa-tënë.

Jean 5:38

Tënë ti lo angba na be ti ala pepe, ngbanga ti so ala ma na be na zo so lo tokua lo so pepe.

Ahebro 3:12

A-ita, le ti ala akpengba! Mbeni zo oko na popo ti ala asara sioni be wala adekite pepe, tongaso si lo zia lege ti Nzapa pepe, lo so lo yeke na fini.

Wungo ti azo 23:19

Nzapa ayeke zo pepe titene lo tene mvene, lo yeke senge zo ti sese pepe ti duti na yanga use use. Tënë so lo tene, fade lo yeke sara ni pepe? Tënë so lo tene, fade lo yeke sara ye ti peko ni pepe?

1 Jean 5:1

Zo so kue ama na be so Jésus ayeke Christ, lo yeke molenge ti Nzapa; zo so kue aye Nzapa Babâ, lo ye nga amolenge ti lo.

1 Jean 1:10

Tongana e tene, e sara siokpari pepe, andaa e yeke sara si Nzapa aga zo ti mvene si tënë ti lo ayeke na be ti e pepe.

Abia (Psaumes) 25:14

KOTA GBIA ayeke fa tënë ti be ti lo na azo so ayeke kpe mbeto ti lo; lo yeke fa nga na ala tënë ti mbuki ti lo.

Aye so Nzapa afa 2:17

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade mbi yeke mu na lo *mane so angba na hondengo ni. Mbi yeke mu nga na lo mbeni vuru têne so a su fini iri na ndö ni, mbeni zo nde ahinga iri ni pepe, gi zo so awara iri ni si ahinga.”

Kolose 3:3

Biani, ala kui awe si fini ti ala ahonde legeoko na ti Christ kâ na tere ti Nzapa.

Amato 3:32

Biani, be ti KOTA GBIA ake mingi azo so ake lege ti lo, me lo yeke fa atënë ti be ti lo na azo ti mbirimbiri.

Aye so Nzapa afa 12:17

Ngonzo ti wâ agbu sioni nyama ni na tere ti wali ni si lo gue ti tiri na tanga ti *ahale ti wali ni, ala so asara ye alingbi na andia ti Nzapa si ala bata taa-tënë so Jésus afa.

Aye so Nzapa afa 2:28

Tongaso laa mbi wara komandema ni na maboko ti Babâ ti mbi. Fade mbi yeke mu na lo tongoro ti ndaperere.

2 Pierre 1:19

Na ndö ni kue, tënë so awayanga-Nzapa atene so ayeke taa kpengbango tënë; tënë ni ayeke tongana lamba so ayeke za na ya ti vukongo ndo. So ayeke na legeni titene le ti ala angba na ndö ni ngbii ndo ahan si tongoro ti ndaperere aza na be ti ala.

Jean 3:16

Biani, Nzapa aye azo ti dunia so mingi si lo mu gi oko Molenge ti lo titene zo so ama na be na lo alingbi ti kui pepe, me lo yeke na fini so angba lakue lakue.

Ésaïe 53:1

Zo wa laa ayeda na tënë so e ma? Zo wa laa ahinga ngangu ti maboko ti KOTA GBIA?

Mbeti ti Job 24:25

Ye ni ayeke tongaso pepe? Zo wa laa alingbi ti tene, mbi tene mvene, zo wa? Zo wa laa alingbi ti bere tënë ti mbi, zo wa?

Jérémie 15:18

Ngbanga ti nyen laa pasi ti mbi ayeke hunzi pepe so? Ngbanga ti nyen laa ka ti mbi aye ti mu pepe so? A zia yoro daa gbaa so? Biani, mo ga tongana li ti ngu so ahanda mbi; na mbeni ngoi, ngu asi singo daa; na mbeni ngoi, ngu ni ahole; zo alingbi ti zia be ti lo daa pepe.

Jean 3:18

Zo so ama na be na Molenge ni, ngbanga ayeke na li ti lo pepe; me zo so ama na be pepe, Nzapa afâ ngbanga na li ti lo awe, ndali ti so lo ma na be na oko Molenge ti Nzapa pepe.

Galasii 4:1

Tënë so mbi ye ti tene ayeke so: tongana mbeni babâ aleke amosoro ndali ti molenge ti lo, na ngoi so molenge ni angba ti kono, dutingo ti lo ayeke tongana ti mbeni ngbaa, ataa so amosoro ni kue ayeke ti lo.

Awatokua 8:37

Philippe atene: “Tongana mo ma na be biani, mo lingbi ti wara bateme senge.” Mbaiwa ni atene: “Mbi ma na be so Jésus Christ ayeke Molenge ti Nzapa.”]