1 Jean 4:4 - Mbeti ti Nzapa - Tënë so amu fini

⁴ Ti ala amolenge ti mbi, ala yeke azo ti Nzapa. Ala hon ndö ti awayanga-nzapa ti mvene so awe, ngbanga ti so Yingo so ayeke na ya ti ala ayeke ngangu ahon lo so ayeke na dunia so.

1 Jean 4:4 ပူးပေါင်းရင်းမြစ်များ

Jean 12:31

Fadeso, ngbonga ti fango ngbanga na li ti azo ti dunia so alingbi awe; fade a yeke bi gbia ti dunia so na gigi.

Jean 14:30

Ti fadeso, mbi yeke kiri ti tene tënë na ala mingi pepe, ndali ti so gbia ti dunia so ayeke ga. Lo yeke na ngangu na ndö ti mbi pepe,

Jean 16:11

Azo ni ayeke handa tere ti ala na ndö ti tënë ti fango ngbanga ti Nzapa, ndali ti so a fâ ngbanga na li ti gbia ti dunia so awe.

Jean 17:23

Mbi ga oko na ala, tongana ti so mbi na mo, e yeke oko si ala ga oko biani, tongaso si azo ti dunia ahinga atene, mo laa mo tokua mbi, tongaso si ala hinga nga atene, mo ye ala tongana ti so mo ye mbi.

Rome 8:31

Tongaso, fade e yeke tene nyen na ndö ti tënë so? Tongana Nzapa ayeke na e, zo wa laa alingbi ti ke e?

Rome 8:37

Me na ya ti aye so kue, e hon na ngangu ndali ti Jésus so aye e.

1 Korente 2:12

Ti e, Yingo so e wara ayeke yingo ti dunia so pepe, me ayeke Yingo so alondo na Nzapa titene e hinga anzoni ye so Nzapa ayeke mu na azo na lege ti nzoni be ti lo.

1 Korente 6:13

Ambeni zo ayeke tene nga: “Kobe ayeke ndali ti ya si ya ayeke ndali ti kobe.” Taa-tënë, me Nzapa ayeke buba ande ya na kobe kue. Andaa tere ti zo ayeke titene lo sara na aye ti kirikiri pepe: tere ti zo ayeke ndali ti *Kota Gbia si Kota Gbia ayeke ndali ti tere ti zo.

2 Korente 4:4

azo so ake ti ma na be. Sioni nzapa ti sese so akanga lege ti hingango ndo ti ala titene ala baa zango ti Nzoni Tënë pepe. Andaa Nzoni Tënë ni ayeke fa gonda ti Christ, lo so lo yeke limo ti Nzapa.

2 Korente 6:16

Nyen laa abongbi da ti Nzapa na anzapa nde, nyen? E yeke tongana da ti Nzapa, lo so lo yeke na fini. Nzapa wani atene: “Fade mbi yeke duti na popo ti azo ni si mbi yeke tambula na popo ti ala; mbi yeke duti Nzapa ti ala si ala yeke duti azo ti mbi.”

Efeze 2:2

Ala yeke sara ye ando tongana ti azo ti dunia so; ala yeke ma gi yanga ti makonzi ti asioni yingo so ayeke na popo ti nduzu na sese, yingo so laa ayeke sara kua na be ti azo so ake ti ma yanga ti Nzapa.

Efeze 3:17

Mbi hunda titene Christ aduti na be ti ala na lege ti mabe! Ayeke nzoni sarango ye ti ala kue aluti na ndö ti ndoye tongana ti so gere ti keke ali sese wala tongana ti so da aluti ngangu na ndö ti gere ni.

Efeze 6:10

Ti hunzi na ni, ala kpengba na lege ti kota ngangu ti *Kota Gbia, ngbanga ti so ala ga oko na lo.

1 Jean 2:1

Amolenge ti mbi, mbi su mbeti so na ala titene ala sara siokpari pepe. Me tongana mbeni zo asara siokpari, e yeke na mbeni wagbungo-koko na tere ti Babâ: Jésus Christ, lo so lo yeke mbirimbiri.

1 Jean 2:13

Ababâ, mbi su mbeti so na ala, mbi tene: “Ala hinga awe lo so ayeke ngbene ye na tongo nda ni.” Amaseka, mbi su mbeti so na ala, mbi tene: “Ala hon ndö ti Sioni wato awe.”

1 Jean 3:20

Biani, tongana be ti e ayeke bi tënë na li ti e, e hinga so Nzapa ayeke kota ahon be ti e si lo hinga ye kue.

1 Jean 3:24

Zo so asara ye alingbi na andia ti Nzapa, lo ga oko na Nzapa si Nzapa aga oko na lo. Ye so afa atene, Nzapa aga oko na e ayeke so: lo mu na e Yingo-Vuru.

1 Jean 4:13

Lege so e hinga, e tene, e na Nzapa e ngba ti duti oko laa: lo mu na e Yingo ti lo.

1 Jean 4:16

Ti e, e hinga so Nzapa aye e, nilaa e zia be ti e daa. Nzapa ayeke ndoye. Zo so angba na lege ti ndoye, lo na Nzapa angba ti duti oko biani.

1 Jean 4:6

Me ti e, e yeke azo ti Nzapa. Zo so ahinga Nzapa ayeke ma tënë ti e; zo so ayeke zo ti Nzapa pepe, lo yeke ma tënë ti e pepe. Lege so laa e lingbi ti hinga popo ti Yingo ti taa-tënë na yingo so ayeke fa lege ti kirikiri.

1 Jean 5:19

E hinga so, e yeke azo ti Nzapa, me dunia kue ayeke na gbe ti komandema ti Sioni wato.

1 Jean 5:4

Zo so kue ayeke molenge ti Nzapa ahon ndö ti dunia so na ngangu awe. Na lege ti mabe laa e yeke hon ndö ti dunia so na ngangu.

Aye so Nzapa afa 12:11

A-ita ti e ni ahon ndö ti lo na lege ti mene ti Molenge ti Taba nga na lege ti taa-tënë so ala fa ni. Ala baa fini ti ala tongana senge ye si ala yeda ti ka tere ti ala na kuâ.