1 Jean 4:1 - Mbeti ti Nzapa - Tënë so amu fini

¹ A-ita ti mbi so mbi ye ala mingi, tongana azo atene, ani yeke na Yingo ti Nzapa, ala yeda na ala kue pepe; me ayeke nzoni ala gi nda ti azo ni ti baa wala yingo so ala yeke na ni so alondo na Nzapa. Biani, *awayanga-nzapa mingi ti mvene amu ndö ti dunia kue awe.

1 Jean 4:1 ပူးပေါင်းရင်းမြစ်များ

1 Agbia 13:18

Wayanga-Nzapa ni atene na lo: “Mbi nga, mbi yeke wayanga-Nzapa tongana mo. Andaa mbeni *ange atene na mbi peko ti tënë ti yanga ti KOTA GBIA, atene: ‘Mu lo, mo ga na lo na da ti mo, lo te kobe, lo nyon ngu.’ ” Andaa mvene laa lo tene.

Amato 14:15

Zo so le ti lo ahan pepe, lo yeda na atënë so kue a tene na lo; me zo ti hango le agbu li ti lo kozo si lo gue na mbeni ndo.

Jérémie 14:14

KOTA GBIA akiri tënë na mbi: “Tënë so awayanga-Nzapa ni ayeke tene na iri ti mbi so ayeke mvene. Mbi tokua ala pepe, mbi mu yanga na ala pepe, mbi tene nga tënë na ala pepe. Aye so ala yeke baa na ya ti mbeni ye tongana bango-li so ayeke mvene; so gi atënë ti mbadi senge, atënë ti gingo nda ti ye senge na atënë ti handa so alondo na be ti ala wani.

Jérémie 23:16

Tënë so *KOTA GBIA so ayeke na ndö ti dunia kue atene ayeke so: “Atënë so awayanga-Nzapa ni ayeke tene na ala na iri ti mbi so, ala ma ni pepe, ala yeke handa ala handango. Atënë so awayanga-Nzapa ni ayeke fa na ala so, atënë ni alondo na li ti ala wani, alondo na yanga ti mbi, KOTA GBIA pepe.

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

Marc 13:21

Tongana mbeni zo atene na ala: ‘Baa, *Mesii laa ge so!’ wala: ‘Baa, lo laa kâ so!’, ala yeda na lo pepe.

Nzoni Tënë so Luc asu na mbeti 12:57

“Ye so ayeke mbirimbiri ti sarango ni, ngbanga ti nyen laa ala wani aleke tënë ni na be ti ala pepe?

Nzoni Tënë so Luc asu na mbeti 21:8

Jésus akiri tënë, atene: “Ala sara hange si mbeni zo ahanda ala pepe! Biani, fade azo mingi ayeke ga na iri ti mbi si zo oko oko ayeke tene: ‘Mbi laa mbi yeke *Mesii!’ Azo ni ayeke tene nga, atene: ‘Ngoi ni alingbi awe!’ Ala azo ti mbi, ala mu peko ti azo ni so pepe!

Awatokua 17:11

Be ti azuife ni kâ ayeke nzoni ahon ti ala ti Tesalonike; ala yamba tënë ti Nzapa na nzara ni kue na be ti ala. Na ya ti lango oko oko, ala yeke gi ya ti Mbeti ti Nzapa ti baa wala atënë so kue Paul atene so ayeke na legeni.

Awatokua 20:29

Mbi hinga, mbi tene, na peko ti mbi, fade ambeni sioni mbo ti ngonda ayeke ga na popo ti ala ti fâ ataba ni.

1 Korente 12:10

lo yeke mu na mbeni zo ngangu ti sarango aye ti kpene; lo yeke mu na mbeni zo lege ti tenengo peko ti tënë ti yanga ti Nzapa; lo yeke mu na mbeni zo lege ti hingango ye so alondo na Yingo na ye so alondo na Yingo pepe; lo yeke mu na mbeni zo lege ti tenengo tënë na ambeni yanga nde so zo ahinga ni pepe; lo yeke mu na mbeni zo lege ti kiringo peko ti ayanga ni na amba ti lo.

1 Korente 14:29

Ti azo so ayeke tene peko ti tënë ti yanga ti Nzapa, alingbi azo use wala ota laa atene tënë, atanga ni ama ni si ala gi ya ni.

1 Tesalonike 5:20

ala baa atënë ti awayanga-Nzapa tongana abuba tënë pepe.

1 Tesalonike 5:21

Me ala gi ya ti atënë ni kue mbirimbiri si ye so ayeke nzoni, ala bata ni;

2 Tesalonike 2:2

tongana mbeni zo atene, *lango ti Kota Gbia asi awe, li ti ala aga kirikiri hio pepe, ala sara nga mbeto pepe. Ataa azo ni atene, tënë ni alondo na yanga ti Nzapa, wala tënë ni alondo na e, wala e laa e tokua mbeti ni na ala, ala yeda na ni pepe.

1 Timothée 4:1

Yingo-Vuru atene biani atene, na lango ti ndani, fade ambeni zo ayeke zia lege ti mabe, ala yeke ma gi tënë ti ayingo so ayeke handa azo si ala yeke ma atënë so alondo na asioni yingo.

2 Timothée 3:13

Ti azo ti sioni na azo ti handango amba ti ala, fade ala yeke ngba ti sara sioni ti gue na ni; ala yeke handa azo si azo ayeke handa nga ala.

2 Pierre 2:1

Ando, awayanga-Nzapa ti mvene ayeke na popo ti azo ti Israel. Legeoko nga, fade ambeni wafango-ye ti mvene ayeke duti na popo ti ala, a-ita. Na lege ti mayere, azo ni so ayeke ga na ambeni fango ye ti mvene so ayeke gue na zo na kuâ. Azo ni so ayeke gue ngbii ti ke tënë ti Gbia so asoo ala; sarango ye ti ala ayeke bi ala gi hio tongaso na ya ti kpale so ayeke mingo ala.

1 Jean 2:18

Amolenge ti mbi, ngbonga ti ndani alingbi awe! Ala ma ando atene, Wato ti Christ ayeke ga. Andaa awato ti Christ asi singo fadeso. Tongaso e hinga, e tene, ngbonga ti ndani alingbi awe.

1 Jean 2:7

A-ita ti mbi so mbi ye ala mingi, mbeni fini ndia laa mbi yeke su na mbeti na ala so pepe, me ayeke ngbene ndia so ala yeke na ni, ngbene ye na tongo nda ni; ngbene ndia so ayeke tënë so ala ma ni awe.

2 Jean 1:7

Azo ti mvene asi singo, ala mu ndö ti dunia kue; ala yeke tene na azo atene, Jésus Christ amu ando tere ti zo pepe. Lege so ala yeke hinga na zo ti mvene, Wato ti Christ laa.

3 Jean 1:11

Ita ti mbi so mbi ye mo mingi, mo mu peko ti sioni ye pepe, me mo mu peko ti nzoni ye. Zo so asara nzoni ye, andaa lo yeke zo ti Nzapa; zo so asara sioni ye, andaa lo hinga Nzapa pepe.

Aye so Nzapa afa 2:2

Mbi hinga aye so mo yeke sara, na pasi so mo yeke baa na sarango kua ti mo, na kangango be ti mo. Mbi hinga so mo lingbi pepe ti kanga be ti mo na azo ti sioni. Azo so ayeke tene, ani yeke *awatokua, andaa ala yeke awatokua biani pepe so, mo tara ala si mo baa so ala yeke azo ti mvene.