1 Jean 3:8 - Mbeti ti Nzapa - Tënë so amu fini

⁸ Zo so ayeke sara siokpari, lo yeke zo ti Zabolo, ngbanga ti so Zabolo ayeke sara siokpari, ngbene ye na tongo nda ni. Molenge ti Nzapa aga mbirimbiri ti buba aye so Zabolo ayeke sara.

1 Jean 3:8 ပူးပေါင်းရင်းမြစ်များ

Tongo nda ti aye 3:15

Mbi yeke zia kangbi na popo ti mo na wali, na popo ti *ahale ti mo, na ala ti wali. Fade ahale ti wali ayeke zia ka na li ti mo si mo, mo yeke zia ka na ngbonda ti gere ti ala.”

Ésaïe 27:1

Na lango ni so, *KOTA GBIA ayeke mu kota yongoro zeme so yanga ni aza mingi si akpengba ti ga na tere ti Leviatan, ngbo so ayeke kpe kpengo; Leviatan, ngbo so ayeke na mayere mingi. Lo yeke fâ sioni nyama so ayeke na ya ti kota ngu-ingo so.

Wungo ti azo 21:9

Moïse aleke ngbo ni na bengba wen, lo kanga ni na ndö ti keke na nduzu. Tongana ngbo ate mbeni zo si zo ni abaa ndo na mbage ti ngbo ti bengba wen ni, lo yeke kui pepe.

Matthieu 12:28

Me tongana mbi yeke tumba asioni yingo na ngangu ti Yingo ti Nzapa, andaa *Kodro-gbia ti Nzapa asi na ala awe.

Matthieu 13:38

yaka ni ayeke dunia so; anzoni le ti kobe ni ayeke azo so aga azo ti kodro-gbia ti Nzapa; asioni pere ni ayeke azo ti Sioni wato;

Matthieu 4:3

Zabolo aga nduru na tere ti lo si atene na lo: “Tongana mo yeke Molenge ti Nzapa, mo mu yanga na atêne so titene aga kobe!”

Marc 1:24

lo tene: “Ti mo na e nyen, Jésus, zo ti Nazaret? Mo ga ti fâ e? Mbi hinga mo, mo yeke zo ti nzoni kue so Nzapa azia mo nde si lo tokua mo.”

Nzoni Tënë so Luc asu na mbeti 10:18

Jésus atene na ala: “Mbi baa Satan alondo na yayu ati tongana wâ ti bekpa.

Jean 12:31

Fadeso, ngbonga ti fango ngbanga na li ti azo ti dunia so alingbi awe; fade a yeke bi gbia ti dunia so na gigi.

Jean 16:11

Azo ni ayeke handa tere ti ala na ndö ti tënë ti fango ngbanga ti Nzapa, ndali ti so a fâ ngbanga na li ti gbia ti dunia so awe.

Jean 8:44

Babâ ti ala ayeke Zabolo, ala ye ti sara gi ye so be ti lo aye; kua ti lo ngbene ye na tongo nda ni laa. Lo gi lege laoko ti tene taa-tënë pepe, ngbanga ti so taa-tënë ayeke na ya ti fini ti lo pepe. Mvene ayeke ye ti tere ti lo, ngbanga ti so lo yeke zo ti mvene si lo yeke babâ ti mvene.

Rome 16:20

Nzapa so ayeke mu siriri na zo aga nduru ti nika Satan na gbe ti gere ti ala awe. Ayeke nzoni Kota Gbia ti e Jésus asara nzoni be na ala!

Efeze 2:2

Ala yeke sara ye ando tongana ti azo ti dunia so; ala yeke ma gi yanga ti makonzi ti asioni yingo so ayeke na popo ti nduzu na sese, yingo so laa ayeke sara kua na be ti azo so ake ti ma yanga ti Nzapa.

Kolose 2:15

Nzapa azi ngangu ti ayingo so ayeke na komandema; lo mu ala, lo fa ala polele na le ti azo, lo gboto ala tongana azo ti kanga na ya ti molongo ti azo so atambula na peko ti Molenge ti lo so aso benda awe.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

Ahebro 2:14

Ndali ti so amolenge ni ayeke na tere na mene oko, Jésus aga tongana ala si lo mu tere ti zo. Tongaso, na lege ti kuâ ti lo, lo kinda Zabolo so ayeke ando na ngangu na ndö ti kuâ.

Ahebro 9:26

Tongana ye ni ayeke fade tongaso, ngbene ye so dunia abaa gigi, ka Christ abaa pasi fani mingi awe. Me so lango ti ndani aga nduru awe, Christ asi fani oko biani biani titene lo zi asiokpari ti azo na lege ti mene ti lo wani.

2 Pierre 2:4

Biani, *a-ange so asara siokpari ando so, Nzapa azia ala senge tongaso pepe, me lo bi ala na ya ti kota wâ, lo kanga ala na zingiri na ya ti vukongo ndo ti bata ala, ti ku na lango ti fango ngbanga.

1 Jean 1:2

Biani, fini so asigigi polele si e baa lo; e yeke tene tënë ti ye so e hinga na ndö ti lo, e yeke fa na ala tënë ti fini so angba lakue lakue, fini so ayeke ando na tere ti Babâ si asi na popo ti e.

1 Jean 3:10

Ye so ayeke fa atene, zo ayeke molenge ti Nzapa wala molenge ti Zabolo ayeke so: zo so ayeke sara ye ti mbirimbiri pepe, wala lo ye ita ti lo pepe, lo yeke zo ti Nzapa pepe.

1 Jean 3:5

A-ita, ala hinga atene, Jésus aga ti zi asiokpari ti azo; siokpari ayeke na lo oko pepe.

1 Jean 5:19

E hinga so, e yeke azo ti Nzapa, me dunia kue ayeke na gbe ti komandema ti Sioni wato.

Jude 1:6

Ala dabe ti ala na ambeni *a-ange: kota ndo so Nzapa amu na ala, be ti ala anzere na ni pepe; ndo so lo mu na ala titene aga ti ala wani, ala do azia. Tongaso, lo kanga ala na zingiri, lo bata ala kpu na kpu na ya ti vukongo ndo ti ku na kota lango ti fango ngbanga.

Aye so Nzapa afa 20:10

Zabolo so ahanda azo ni so, a bi lo na le ti kota wâ na *sufre, na ndo so nyama ni ayeke daa, lo na nyama so atene mvene atene, ni yeke wayanga-Nzapa so. Fade ala yeke baa pasi bi na lâ, kpu na kpu.

Aye so Nzapa afa 20:15

Tongana a wara iri ti mbeni zo na ya ti mbeti ni pepe, so ti tene mbeti so a su iri ti azo so ayeke na taa fini daa, a yeke bi lo na le ti kota wâ ni.