1 Jean 3:4 - Mbeti ti Nzapa - Tënë so amu fini

⁴ Zo so kue ayeke sara siokpari, lo ke ndia ti Nzapa awe, ngbanga ti so sarango siokpari ayeke kengo ndia.

1 Jean 3:4 ပူးပေါင်းရင်းမြစ်များ

1 Agbia 8:47

na kodro so a gbu azo ti mo si a gue na ala daa so, tongana ala gbu li ti ala, ala zia ngbene lege ti sarango ye ti ala si ala toto na mo na ya ti kodro ni kâ, atene: ‘E ke yanga ti mo awe, e sara siokpari awe, e sara sioni awe!’,

1 Mbai 10:13

Saul akui, ngbanga ti so lo ke *KOTA GBIA. Lo ke ti sara ye alingbi na tënë ti KOTA GBIA; na ndö ni kue, lo gue ti hunda yingo ti mbeni kuâ

2 Mbai 24:20

Tongaso, yingo ti Nzapa aga na ndö ti Zakarii, molenge ti Yoyada; Zakarii aluti na dawa ti azo ni si lo tene na ala: “Tënë so Nzapa atene ayeke so: ‘Ala ke ti sara ye alingbi na andia ti mbi KOTA GBIA, ngbanga ti nyen? Fade aye ti ala ayeke ga nzoni pepe. So ala zia mbi KOTA GBIA awe so, mbi nga, mbi yeke zia ala.’ ”

Ésaïe 53:8

Azo agbu lo, ala fâ ngbanga na li ti lo si ala fâ lo. Me na popo ti azo ti ngoi ti lo, zo wa laa abaa mawa ti lo, zo wa? Biani, a zi lo na ndö ti sese ti azo so angba na fini; a pika lo ndali ti sioni ti azo ti mbi.

Daniel 9:11

Azo ti Israel kue ake ndia ti mo awe; ala gue yongoro na mo si atënë so mo tene, ala ke ti ma ni. Tongaso asioni tënë na atënë ti dengo ba so a su ni na ya ti mbeti ti ndia ti Moïse, zo ti kua ti mo, atënë ni ati na ndö ti e, ngbanga ti so e sara siokpari so ake mo.

Wungo ti azo 15:31

Fade tënë ti tumbango lo angba na li ti lo wani, ngbanga ti so lo ke tënë ti KOTA GBIA si lo sara ye na lege ti ambela ti lo pepe.”

Matthieu 5:19

Ndani laa, zo so ake mbeni kete kete mbage ti Ndia si lo fa lege ti kengo ni na ambeni zo, fade lo yeke duti ndangba zo na ya ti *Kodro-gbia ti yayu. Me zo so asara ye alingbi na atënë ni si lo fa lege na amba ti lo ti sara ye alingbi na ni, fade lo yeke duti kota zo na ya ti Kodro-gbia ti yayu.

Awatokua 23:3

Tongaso Paul atene na lo: “Mo, so mo yeke tongana dere ti da so a sara mbamba daa so, fade Nzapa ayeke pika mo! Mo duti ti fâ ngbanga ti mbi na lege ti ndia, me mo zia ndia ni awe si mo mu yanga titene a pika mbi!”

Rome 3:20

Ndani laa, tongana zo asara ye kue alingbi na Ndia, so laa ayeke sara si lo ga mbirimbiri na le ti Nzapa pepe. Andaa Ndia ayeke mu gi lege na zo ti hinga so lo sara siokpari awe.

Rome 4:15

Biani, Ndia ayeke sara si Nzapa asara ngonzo; me ndo so Ndia ayeke daa pepe, tënë ti kengo Ndia ayeke nga daa pepe.

2 Korente 12:21

Mbeto asara nga mbi titene tongana mbi kiri mbi si na ala kâ, Nzapa azia kamene na le ti mbi na dawa ti ala. Mbi hinga pepe, fade mbi yeke toto ndali ti azo mingi na popo ti ala so angba ti sara siokpari tongana ti ando; ala ngba na lege ti sarango aye ti sioni, aye ti kamene na aye ti ndumba.

Jacques 5:15

Tongana ala sambela na mabe, sambela ni ayeke soo zo ti kobela ni; Kota Gbia ayeke mu lo na nduzu. Tongana zo ni asara siokpari, Nzapa ayeke zi ni na li ti lo.

1 Jean 5:17

Sarango sioni ye kue ayeke siokpari, me siokpari kue laa ayeke gue na zo na kuâ pepe.

1 Samuel 15:24

Saul atene na Samuel: “Mbi sara siokpari awe; mbi ke yanga ti KOTA GBIA awe, mbi ke tënë ti mo. Mbeto ti aturugu laa asara mbi si mbi ma yanga ti ala.