1 Jean 2:5 - Mbeti ti Nzapa - Tënë so amu fini

⁵ Me zo so ayeke sara ye alingbi na tënë ti Nzapa, andaa ndoye so ayeke na be ti lo ndali ti Nzapa alingbi kue biani. Na lege so laa e lingbi ti hinga, e tene, e ga oko na Nzapa.

1 Jean 2:5 ပူးပေါင်းရင်းမြစ်များ

Abia (Psaumes) 105:45

Lo sara tongaso titene ala bata ambela ti lo si ala sara ye alingbi na andia ti lo. Aleluya!

Abia (Psaumes) 106:3

Ti ala nzoni, azo so ayeke sara ye na lege ti ndia si ala yeke sara ye ti mbirimbiri na ngoi kue!

Abia (Psaumes) 119:146

Mbi iri mo, soo mbi, fade mbi yeke sara ye alingbi na aye so mo hunda.

Abia (Psaumes) 119:2

Ti ala nzoni, azo so asara aye so lo hunda na ala si ala mu be ti ala kue ti gi lo!

Abia (Psaumes) 119:4

KOTA GBIA, mo laa mo mu andia ti mo na azo titene ala bata ni nzoni.

Amato 28:7

Molenge so ayeke sara ye alingbi na Ndia, lo yeke zo ti hingango ye; me lo so lo yeke mu peko ti azo ti sarango ye ti kamene, lo yeke zia kamene na le ti babâ ti lo.

Amato 8:32

“Fadeso amolenge ti mbi, ala ma mbi si! Ti ala nzoni, azo so ayeke sara ye alingbi na atënë ti mbi!

Zo ti bongbingo azo 8:5

Zo so asara ye alingbi na tënë ti ndia, fade sioni ye ayeke wara lo pepe. Zo ti ndara ahinga na be ti lo atene, na ngoi so a diko, fade fango ngbanga ayeke duti daa.

Ezekiel 36:27

Mbi yeke zia taa yingo ti mbi na ya ti ala, mbi yeke sara titene ala sara ye alingbi na atënë ti ndia ti mbi, ala bata ni si ala sara ye alingbi na aye so mbi fa.

Nzoni Tënë so Luc asu na mbeti 11:28

Me Jésus atene na lo: “Ti ala nzoni, azo so ama tënë ti Nzapa si ala sara ye alingbi na ni!”

Jean 14:21

“Zo so ahinga andia ti mbi si lo sara ye alingbi na ni, lo laa lo ye mbi. Babâ ti mbi ayeke ye lo; mbi nga, mbi yeke ye lo si mbi yeke sara titene lo hinga mbi.”

Jean 14:23

Jésus akiri tënë na lo, atene: “Zo so aye mbi, fade lo yeke sara ye so mbi tene na lo. Babâ ti mbi ayeke ye lo si mbi na Babâ, e yeke ga ti duti na lo.

Jean 15:5

Mbi yeke keke ti vinye, ala yeke amaboko ni. Zo so aduti oko na mbi si mbi duti oko na lo, fade lo yeke le mingi. Tongana ala duti nde na mbi, ala lingbi ti sara ye oko pepe.

Jean 6:56

Zo so ate tere ti mbi si anyon mene ti mbi, zo so mbi na lo, e yeke duti oko laa.

Rome 8:1

Fadeso, azo so aga oko na Jésus Christ awe, ngbanga ayeke na li ti ala mbeni pepe.

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

2 Korente 5:17

Tongaso, tongana mbeni zo aga oko na Christ, lo ga fini zo awe; ngbene ye ahon awe, fini ye asi.

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

Jacques 2:22

Mo baa, mabe ti lo na sarango ye ti lo ayeke sara gi kua oko! Ye so lo sara laa asara si mabe ti lo aga nzoni kue.

1 Jean 3:24

Zo so asara ye alingbi na andia ti Nzapa, lo ga oko na Nzapa si Nzapa aga oko na lo. Ye so afa atene, Nzapa aga oko na e ayeke so: lo mu na e Yingo-Vuru.

1 Jean 4:17

Tongana ndoye so ayeke na be ti e alingbi kue, na lango ti kota ngbanga, be ti e ayeke do pepe, ngbanga ti so dutingo ti e na dunia so ayeke tongana ti Jésus Christ.

1 Jean 4:18

Ndo so ndoye ayeke daa, mbeto ayeke daa pepe; ndoye so alingbi kue ayeke tumba mbeto. Zo ayeke na mbeto, ngbanga ti so lo hinga atene, ngbanga ayeke ku lo. Zo so ayeke na mbeto, ndoye so alingbi kue, lo de ti hinga ni pepe.

1 Jean 5:2

Lege so e hinga, e tene, e ye amolenge ti Nzapa ayeke so: e ye ala tongana e ye Nzapa si e yeke sara ye alingbi na ndia ti lo.

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.

2 Jean 1:6

Ndoye ayeke so: sarango ye alingbi na atënë ti ndia ti Nzapa. Ala baa, gi oko tënë ti ndia so laa ala ma ni, ngbene ye na tongo nda ni. Tënë ti ndia ni ayeke titene ala duti na lege ti ndoye.

Aye so Nzapa afa 12:17

Ngonzo ti wâ agbu sioni nyama ni na tere ti wali ni si lo gue ti tiri na tanga ti *ahale ti wali ni, ala so asara ye alingbi na andia ti Nzapa si ala bata taa-tënë so Jésus afa.

Aye so Nzapa afa 14:12

So ngoi titene azo ti Nzapa akanga be ti ala laa, ala so asara ye alingbi na andia ti Nzapa si ala ngba ti zia be ti ala na ndö ti Jésus.