1 Jean 2:3 - Mbeti ti Nzapa - Tënë so amu fini

³ Tongana e yeke sara ye alingbi na andia ti Nzapa, so afa atene, e hinga Nzapa biani.

1 Jean 2:3 ပူးပေါင်းရင်းမြစ်များ

Abia (Psaumes) 119:32

Mbi yeke kpe loro na lege so atënë ti ndia ti mo afa, ngbanga ti so mo sara si be ti mbi ade.

Abia (Psaumes) 119:6

Tongaso, fade kamene ayeke sara mbi pepe tongana mbi baa atënë ti ndia ti mo kue.

Ésaïe 53:11

Ndali ti pasi so lo baa, fade lo yeke baa lumiere; ndali ti hingango ye ti lo, lo yeke te gigi aninga. Zo ti kua ti mbi so ayeke zo ti mbirimbiri ayeke sara ande si gba ti azo aga azo ti mbirimbiri, ngbanga ti so lo yo sioni ti ala.

Nzoni Tënë so Luc asu na mbeti 6:46

“Ngbanga ti nyen laa ala yeke iri mbi: ‘*Kota Gbia, Kota Gbia’, me ala sara ye alingbi na tënë so mbi tene so pepe?

Jean 14:15

“Tongana ala ye mbi, fade ala yeke sara ye alingbi na andia ti mbi.

Jean 15:10

Tongana ala sara ye alingbi na andia ti mbi, fade ala yeke ngba na ya ti ndoye ti mbi, tongana ti so mbi sara ye alingbi na andia ti Babâ si mbi ngba na ya ti ndoye ti lo.

Jean 15:14

Tongana ala sara ye alingbi na yanga so mbi mu na ala, ala yeke amba ti mbi so mbi na ala e ye tere.

Jean 17:3

Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

1 Jean 2:13

Ababâ, mbi su mbeti so na ala, mbi tene: “Ala hinga awe lo so ayeke ngbene ye na tongo nda ni.” Amaseka, mbi su mbeti so na ala, mbi tene: “Ala hon ndö ti Sioni wato awe.”

1 Jean 3:14

Ti e, e hinga, e tene, e sigigi na gbe ti ngangu ti kuâ awe si e yeke na fini; e hinga ni, ngbanga ti so e ye a-ita ti e. Zo so aye ita ti lo pepe, andaa lo ngba na gbe ti ngangu ti kuâ.

1 Jean 3:19

Lege so e yeke hinga, e tene, e yeke azo ti taa-tënë laa; lege so be ti e ade na gbe ti Nzapa laa.

1 Jean 3:6

Tongaso, zo so kue aduti oko na lo, zo ni azia lege ti sarango siokpari awe; zo so kue angba ti sara siokpari, lo de ti baa Christ wala ti hinga lo pepe.

1 Jean 4:13

Lege so e hinga, e tene, e na Nzapa e ngba ti duti oko laa: lo mu na e Yingo ti lo.

1 Jean 4:7

A-ita ti mbi so mbi ye ala mingi, ayeke nzoni e ye tere na popo ti e, ngbanga ti so ndoye alondo na Nzapa. Zo so kue aye mba ti lo, lo yeke molenge ti Nzapa si lo hinga Nzapa awe.

1 Jean 5:19

E hinga so, e yeke azo ti Nzapa, me dunia kue ayeke na gbe ti komandema ti Sioni wato.

1 Jean 5:2

Lege so e hinga, e tene, e ye amolenge ti Nzapa ayeke so: e ye ala tongana e ye Nzapa si e yeke sara ye alingbi na ndia ti lo.

1 Jean 5:3

Lege ti yengo Nzapa ayeke titene e sara ye alingbi na andia ti lo. Andia ti lo ayeke ngangu pepe.

Aye so Nzapa afa 12:17

Ngonzo ti wâ agbu sioni nyama ni na tere ti wali ni si lo gue ti tiri na tanga ti *ahale ti wali ni, ala so asara ye alingbi na andia ti Nzapa si ala bata taa-tënë so Jésus afa.

Aye so Nzapa afa 14:12

So ngoi titene azo ti Nzapa akanga be ti ala laa, ala so asara ye alingbi na andia ti Nzapa si ala ngba ti zia be ti ala na ndö ti Jésus.

Aye so Nzapa afa 22:14

Ti ala nzoni, ala so asukula bongo ti ala avuru, tongaso si ala wara lege ti te lengo ti keke so ayeke mu fini na zo si ala wara nga lege ti li na ayanga ti gbagba ni ti gue na ya ti gbata ni.