1 Jean 2:16 - Mbeti ti Nzapa - Tënë so amu fini

¹⁶ Aye ti dunia ni, so ti tene asioni nzara ti be ti zo, sarango nzara ti aye so anzere na le ti zo nga na baba so azo ayeke sara ndali ti aye so ala wara, aye so kue alondo na Babâ pepe, me alondo na dunia so.

1 Jean 2:16 ပူးပေါင်းရင်းမြစ်များ

Tongo nda ti aye 3:6

Wali ni abaa so ale ti keke ni ayeke nzoni titene zo ate ni; ayeke pendere titene zo abaa ni si ayeke nzoni ti sara si zo ahinga ndo. Lo mu mbeni le ni, lo te, lo mu nga na koli ti lo so ayeke na tere ti lo si lo kue, lo te ni.

Tongo nda ti aye 6:2

amolenge-koli ti Nzapa abaa so amolenge-wali ti azo ni ayeke pendere mingi. Ala soro ambeni molenge-wali ni si ala mu ala ti ga awali ti ala.

Mbeti ti Job 31:1

Mbi na le ti mbi, e use kue, e deba titene mbi baa maseka-wali na nzara ni pepe.

Abia (Psaumes) 73:6

Tongaso, baba aga tongana mbeni ye ti go na go ti ala, sarango ngangu na azo aga tongana bongo ti ngangu ngere so ala yeke yu.

Abia (Psaumes) 78:18

Taa na be ti ala, ala tara be ti Nzapa, ala hunda lo ti mu na ala kobe ti tengo ni alingbi na ye so be ti ala aye.

Abia (Psaumes) 78:30

Me nzara ti ala ni ade ti hunzi pepe, kobe ni angba na yanga ti ala

Amato 27:20

Ndo ti akuâ na *kota du so alinda mingi, ya ni asi laoko pepe. Legeoko nga, nzara ti warango ye ayeke hunzi na be ti zo laoko pepe.

Amato 6:25

Mo sara nzara ti mara ti wali tongaso ndali ti pendere ti lo pepe; ayeke nzoni le ti lo so lo yeke sara ti handa na akoli so, agboto mo pepe.

Daniel 4:30

Taa gi na ngbonga ni so, tënë so a tene na ndö ti Nabukodonosor aga taa-tënë: azo atumba lo na popo ti ala; lo yeke te pere tongana bagara si ngu ti pere amu tere ti lo kue. Kua ti li ti lo ayo aga tongana kua ti tere ti *ngoalo si anzënë ti maboko ti lo ayo aga tongana ti andeke.

Wungo ti azo 11:34

Nilaa, adi iri ti ndo ni so Kibrot-Taava. Biani kâ laa, a lu azo so asara nzara ti tengo kasa ti nyama mingi so.

Wungo ti azo 11:4

Mbeni lâ, aga-gango so ayeke na popo ti azo ti Israel asara nzara ti te kasa ti nyama. Azo ti Israel nga ato nda ti dema tere ti ala, atene: “Zo wa laa ayeke mu na e kasa ti nyama ti tengo ni?

Matthieu 4:8

Zabolo akiri ague na lo na li ti mbeni kota hoto, lo fa na lo akodro kue ti dunia na apendere ye ti ya ni

Matthieu 5:28

Ti mbi, mbi tene na ala: zo so abaa wali ti mba ti lo si asara nzara ti wali ni, andaa na be ti lo, lo gi wali ni awe.

Nzoni Tënë so Luc asu na mbeti 4:5

Zabolo amu Jésus, ague na lo yongoro na nduzu si na ya ti kete ngbonga, lo fa na lo akodro ti dunia kue

Rome 13:14

Me ala yu *Kota Gbia Jésus Christ tongana ye ti bira. Ala zia lege pepe na be ti ala so ayeke pusu ala ti sara ye alingbi na asioni nzara ti lo.

1 Korente 10:6

Aye so asi na ala titene e manda ye na lege ni si nzara ti aye ti sioni so asara ala ando so asara e pepe.

Galasii 5:17

Biani, asioni nzara ti be ti zo ayeke tiri na aye so Yingo aye, aye so Yingo aye ayeke tiri na anzara ti be ti zo. Aye ti Yingo na anzara ti be ti zo ayeke ma tere pepe, so kue ayeke sara si ye so ala ye, ala lingbi ti sara ni pepe.

Galasii 5:24

Azo ti Christ akanga na ndö ti keke ti kroa awe asioni nzara ti be ti ala so ayeke pusu ala ti sara aye kirikiri.

Efeze 2:3

E nga kue, e yeke ando tongana ala: e yeke sara aye na lege ti asioni nzara ti be ti e, e yeke sara ye so be ti e aye na ye so anzere na be ti e. E nga, ngonzo ti Nzapa alingbi ti ti na li ti e tongana tanga ti azo kue ndali ti so a du e zo.

Tite 2:12

Nzoni be ti lo afa na e titene e zia lege ti kengo Nzapa, e zia nzara ti aye ti gigi so. Tongaso, na lege ti dutingo ti e, e sara ye ahon ndoni pepe, me na legeni, e sara ye ti mbirimbiri, e ngba ti gbu tënë ti Nzapa ngangu

Tite 3:3

E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.

Jacques 3:15

Mara ti ndara tongaso alondo na yayu pepe, alondo na sese so, alondo na azo, alondo nga na Zabolo.

Jacques 4:16

Me fadeso, ala yeke pika kate ti ala si ala yeke gonda tere ti ala. Mara ti pikango kate tongaso ayeke nzoni pepe.

Josué 7:21

Na ya ti aye so e gbu na peko ti bira ni, mbi baa mbeni kota bongo ti zo ti kodro ti Shinear, so ayeke pendere ahon ndoni, na ale ti nginza ngbangbo use, na mbeni ngbongboro lôro so nengo ni ayeke ndambo ti kilo oko. Mbi sara nzara ni si mbi mu ni. Mbi honde ni na gbe ti sese, na ya ti da ti mbi ti bongo si mbi zia wen ti nginza ni na gbe ni.”

1 Pierre 1:14

Ala sara ye tongana amolenge so ayeke ma ndo. Ala sara ye pepe na lege ti anzara ti be ti ala so ala yeke na ni ando, na ngoi so ala de ti hinga ndo pepe so.

1 Pierre 2:11

A-ita ti mbi so mbi ye ala mingi, ala yeke tongana agene, tongana awande na ndö ti sese so. Ndani laa mbi hunda na ala titene ala ke asioni nzara ti be so ayeke sara bira na ala.

2 Pierre 2:10

Lo yeke fâ ande ngbanga kozoni na li ti azo so ayeke sara aye ti potopoto na lege ti nzara ti aye ti kirikiri so ayeke na be ti ala si ala baa komandema ti Nzapa tongana buba ye na le ti ala. Awafango-ye ti mvene so abaa tere ti ala tongana azo so alingbi awe; baba ahon ndö ti ala, ayingo ti yayu so ayeke na gonda, azo ni akpe mbeto ti ala pepe si ala yeke zonga ala.

2 Pierre 2:18

Ala yeke diko gba ti tënë, me ayeke gi asenge senge tënë, ala yeke handa azo so asigigi gi fafadeso na popo ti azo so agirisa lege awe. Awafango-ye ti mvene ayeke mu asioni nzara ti sarango ye ti kamene so ayeke na be ti ala ti gbu azo ni na ya ti gbanda ti ala.