1 Jean 2:11 - Mbeti ti Nzapa - Tënë so amu fini

¹¹ Me zo so be ti lo ake ita ti lo, andaa lo yeke na ya ti vukongo ndo; lo yeke tambula na ya ti vukongo ndo, lo hinga ndo so lo yeke gue daa pepe, ngbanga ti so vukongo ndo ni avuko le ti lo awe.

1 Jean 2:11 ပူးပေါင်းရင်းမြစ်များ

2 Samuel 13:22

Absalom azi yanga oko na Amnon pepe, be ti lo ake Amnon ngbanga ti so lo buba Tamar, ita ti Absalom.

Amato 4:19

Me lege ti dutingo ti azo ti sioni ayeke tongana bi so avuko pitipiti. Ye so ala pika gere ti ala daa ti ti, ala baa ni pepe.

Zo ti bongbingo azo 2:14

Zo ti ndara ayeke baa ndo so lo yeke gue daa; zo ti buba ayeke tambula na ya ti vukongo ndo. Me mbi baa so ala use kue, gi ye oko laa ayeke ku ala.

Awayango-sandaga 19:17

“Be ti ala ake ita ti ala pepe, me ala suku na zo ti kodro ti ala, tongaso si sioni ti lo ati na li ti ala pepe.

Jean 12:35

Jésus atene na ala: “Lumiere ade na popo ti ala ndali ti kete ngoi. Ayeke nzoni ala tambula na ndembe so lumiere ni ayeke na tere ti ala, tongaso si vukongo ndo awara ala pepe, ngbanga ti so zo so atambula na ya ti vukongo ndo ahinga ndo so lo yeke gue daa pepe.

Jean 12:40

“Nzapa asara si le ti ala akanga, lo sara si ala hinga ndo pepe. Tongaso si ala baa ndo pepe, ala hinga ndo pepe si ala zia ngbene lege ti sarango ye ti ala pepe. Tongaso si mbi kai kobela ti ala pepe.”

2 Korente 3:14

Me lege ti hingango ndo ti ala akanga ando! Ndani laa, ti londo na ndembe ni so ngbii asi laso, tongana ala yeke diko mbeti ti Kozo Mbuki, bongo ni angba ti kanga le ti ala; a de azi bongo ni so pepe. A yeke zi bongo ni gi na le ti zo so aga oko na Christ.

2 Korente 4:4

azo so ake ti ma na be. Sioni nzapa ti sese so akanga lege ti hingango ndo ti ala titene ala baa zango ti Nzoni Tënë pepe. Andaa Nzoni Tënë ni ayeke fa gonda ti Christ, lo so lo yeke limo ti Nzapa.

Tite 3:3

E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.

2 Pierre 1:9

Me zo so ayeke na anzoni ye so pepe, lo yeke tongana waziba so ayeke tatara ndo tatarango; lo girisa so Nzapa asukula angbene siokpari ti lo awe.

1 Jean 1:6

Tongana e tene: e yeke na beoko na lo si e yeke tambula na ya ti vukongo ndo, andaa e yeke tene mvene, e yeke sara ye na lege ti taa-tënë pepe.

1 Jean 2:10

Zo so aye ita ti lo, andaa lo ngba na ya ti lumiere; na be ti lo, mbeni ye ti sara si lo ti ayeke daa pepe.

1 Jean 2:9

Zo so atene, ni yeke na ya ti lumiere si be ti lo angba ti ke ita ti lo, andaa lo ngba na ya ti vukongo ndo.

1 Jean 3:15

Zo so ake ita ti lo, lo yeke zo ti fango zo. Ala hinga kue, fini so angba lakue lakue ayeke duti ye ti zo ti fango zo pepe.

1 Jean 4:20

Tongana mbeni zo atene: “Mbi ye Nzapa” si be ti lo ake mba ti lo, andaa lo yeke zo ti mvene. Biani, mba ti lo so lo yeke baa lo, lo ye lo pepe, fade lo yeke ye Nzapa tongana nyen, Nzapa so lo yeke baa lo pepe so?

Aye so Nzapa afa 3:17

Mo yeke tene: ‘Mbi yeke zo ti mosoro, mbi wara mosoro mingi, mbeni ye atia mbi pepe.’ Andaa mo hinga pepe mo tene, mo yeke zo ti mawa, zo so ye ahon ndö ti lo, zo ti iringo ye, waziba na zo so bongo ayeke na tere ti lo pepe.