1 Jean 1:2 - Mbeti ti Nzapa - Tënë so amu fini

² Biani, fini so asigigi polele si e baa lo; e yeke tene tënë ti ye so e hinga na ndö ti lo, e yeke fa na ala tënë ti fini so angba lakue lakue, fini so ayeke ando na tere ti Babâ si asi na popo ti e.

1 Jean 1:2 ပူးပေါင်းရင်းမြစ်များ

Jean 1:18

Zo ade ti baa Nzapa laoko pepe; me gi oko Molenge ni so ayeke Nzapa si lo yeke nduru na tere ti Nzapa Babâ, lo laa lo fa Nzapa na azo titene ala hinga lo.

Jean 1:4

Fini ayeke na ya ti lo si fini ni ayeke lumiere ndali ti azo.

Jean 10:28

Mbi yeke mu na ala fini so angba lakue lakue; ala yeke kui ande laoko pepe, zo oko alingbi ti gboto ala na maboko ti mbi pepe.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Jean 15:27

Ala nga, fade ala yeke tene tënë so ala hinga na ndö ti mbi, ngbanga ti so ala yeke na mbi ngbene ye na tongo nda ni.”

Jean 16:28

Mbi londo na Babâ si mbi ga na dunia. Fadeso, mbi yeke zia dunia ti kiri na Babâ.”

Jean 17:3

Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

Jean 17:5

Fadeso, Babâ, sara si mbi duti na gonda na ndo so mo yeke daa, gonda so mbi yeke na ni na tere ti mo kozoni si dunia so abaa gigi.

Jean 19:35

Zo so abaa ye ni na le ti lo so, lo laa lo yeke fa peko ti tënë ni, tënë so lo yeke tene ayeke taa-tënë. Lo hinga so, lo yeke tene taa-tënë, tongaso si ala nga, ala lingbi ti ma na be.

Jean 21:14

Lege ota titene Jésus asi na adisiple ti lo na peko ti zingongo ti lo na kuâ laa.

Jean 3:13

Zo oko ade ti ma na yayu pepe, gi *Molenge ti Zo; lo laa lo londo na yayu si lo zu na sese.

Jean 7:29

Ti mbi, mbi hinga lo, ngbanga ti so mbi londo na lo si mbi ga; lo laa lo tokua mbi.”

Jean 8:38

Mbi yeke tene ti mbi gi tënë ti ye so mbi baa na Babâ ti mbi; ala yeke sara ti ala gi ye so ala ma na yanga ti babâ ti ala.”

Awatokua 1:22

ti londo na lango ti bateme ti Jean ngbii asi na lango so a mu Jésus na popo ti e, a gue na lo na yayu. Tongaso, ayeke nzoni mbeni oko na popo ti ala abongbi na e ti ga zo ti fango na azo tënë ti zingongo ti Jésus na kuâ.”

Awatokua 10:41

na azo kue pepe, me gi na e. Nzapa asoro e kozoni titene e baa lo si e fa peko ti ye so e baa. Na peko ti so lo zingo na kuâ, e na lo, e te, e nyon.

Awatokua 2:32

“Jésus so mbi yeke tene tënë ti lo so, Nzapa azingo lo na kuâ, e kue, e baa ye ni na le ti e.

Awatokua 3:15

Ala fâ Makonzi so ayeke mu fini na zo, me Nzapa azingo lo na kuâ; e wani, e baa ni na le ti e.

Awatokua 5:32

E yeke tene tënë ti aye so e baa na le ti e, e na Yingo-Vuru so Nzapa amu lo na azo so ama yanga ti lo.”

Rome 8:3

Ndia ti Moïse alingbi ti sara ye so lani pepe, ngbanga ti so aye so atia na ya ti fini ti zo akanga lege na ndia ti sarango ni, me Nzapa asara ni: lo tokua Molenge ti lo wani so amu tere ti zo – tere so ayeke tongana ti zo ti siokpari – titene lo zi azo na ya ti siokpari. Na lege so, Nzapa afâ ngbanga na ndö ti siokpari so ayeke sara kua na ya ti tere ti zo.

Galasii 4:4

Me so ndembe ni alingbi na le ti Nzapa awe, lo tokua Molenge ti lo; wali laa adu lo, lo duti na gbe ti *Ndia ti azuife

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

2 Timothée 1:10

Nzapa afa nzoni be ti lo ni fadeso na lege ti gango ti Jésus Christ, Wasongo e. Lo hon ndö ti kuâ na ngangu awe si na lege ti Nzoni Tënë, lo fa polele na azo fini so angba lakue lakue.

Tite 1:2

tongaso si ala zia be ti ala ti ku fini so angba lakue lakue. Nzapa ayeke tene mvene pepe; kozo si dunia abaa gigi, Nzapa amu zendo ti mu na ala fini ni so.

1 Pierre 5:1

Fadeso mbi yeke mu wango na *akangba ti *Eglize so ayeke na popo ti ala. Mbi nga, mbi yeke kangba tongana ala. Mbi baa na le ti mbi pasi so Christ abaa ando; legeoko na ala, fade mbi yeke li na ya ti gonda so ayeke si.

1 Jean 1:1

Ye so ayeke ando daa ngbene ye na tongo nda ni, ye so e ma tënë ni na mê ti e, ye so e baa ni na le ti e, ye so e baa ni mbirimbiri si e ndu na maboko ti e, ye ni ayeke Tënë so ayeke mu fini na zo.

1 Jean 2:25

Ye so Christ amu zendo ti mu na e ayeke fini so angba lakue lakue.

1 Jean 3:5

A-ita, ala hinga atene, Jésus aga ti zi asiokpari ti azo; siokpari ayeke na lo oko pepe.

1 Jean 3:8

Zo so ayeke sara siokpari, lo yeke zo ti Zabolo, ngbanga ti so Zabolo ayeke sara siokpari, ngbene ye na tongo nda ni. Molenge ti Nzapa aga mbirimbiri ti buba aye so Zabolo ayeke sara.

1 Jean 4:14

E baa na le ti e si e yeke tene na azo tënë so: Babâ atokua Molenge ti lo titene lo ga Wasongo azo ti dunia so.

1 Jean 4:2

Lege so ala lingbi ti hinga Yingo ti Nzapa ayeke so: zo so kue atene na yanga ti lo, Jésus Christ aga zo biani, lo yeke na Yingo so alondo na Nzapa.

1 Jean 5:11

Tënë so Nzapa atene ayeke so: Nzapa amu na e fini so angba lakue lakue, lo mu ni na e na lege ti Molenge ti lo.

1 Jean 5:13

Ala so ama na be na Molenge ti Nzapa, mbi su tënë so na mbeti na ala titene ala hinga so, ala yeke na fini so angba lakue lakue.

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.